ഇത്തിരി മഞ്ഞുമായ് ഒരോ പ്രഭാതവും
കോരിത്തരിച്ച്കൊണ്ടെത്തി നോക്കേ
മറ്റൊരു സൂര്യനായ് മണ്ണില് ഉദിച്ചൊരു
ദേവന് പിറന്ന നാള് വന്നണഞ്ഞു.
വര്ഷത്തിലെത്തുമാ ക്രുസ്തുമസ്സ് നാളിനെ
പുത്തനായ് മാറ്റുവാന് മര്ത്യരോരോ
സ്വപ്നങ്ങള് നെയ്യുന്നു, വില്ക്കുന്നു, മണ്ണിനെ
ചന്ത പറമ്പാക്കി മാറ്റീടുന്നു
പുല്ക്കൂട് തീര്ക്കുന്നു മേടകള് മുറ്റത്ത്
ചാളകുടിലുമൊരുങ്ങുന്നു മോടിയില്
ആഹ്ലാദമെങ്ങും തിരയടിച്ചെത്തുമാ
പുണ്യദിനത്തിനായി കാത്തിരിക്കേ
കാറ്റിന്റെ താളത്തില് എത്തുന്നു ദിവ്യമാം
ചോദ്യം, ഭഗവാന്റെ സ്നേഹാര്ദ്ര ശാസനം
ആട്ടവും പാട്ടുമീ ആര്ഭാടവും കൊള്ളാം
നിര്മ്മലമാക്കിയോ നിങ്ങള് മനസ്സിനെ?
അന്നമില്ലാതെ വലയും ദരിദ്രന്മാര്ക്ക-
ഷ്ടിക്ക് വല്ലതും നിങ്ങള് കൊടുത്തുവോ?
സ്നേഹമാണീശ്വരന് എന്നറിഞ്ഞോ, നിങ്ങള്
ചിത്തത്തില് വാഴുമാ ദേവനെ കണ്ടുവോ?
എന്റെ നാമത്തില് കൊളുത്തും വിളക്കുകള്,
തോരണം ചാര്ത്തുന്ന വീഥികള്, മേളങ്ങള്
നിഷ്ഫലമാണെന്നറിയുക നിങ്ങളില്
നിങ്ങളെ തന്നെ അറിയാതിരിക്കുകില്
മുട്ട് കുത്തീടാന് തുനിയുന്നതിന് മുമ്പേ
ഒന്ന് കുനിക്ക നീ നിന്റെ ശിരസ്സിനേ.....
ശുഭം
(അക്ഷരക്കൊയ്ത്ത് എന്ന എന്റെ കവിതാസമാഹാരത്തില് നിന്നും ഒരു കവിത)
#xmas poem by Sudheer panikkaveettil