ഇപ്പോൾ നടന്ന ജോർജിയ റൺ ഓഫ് തിരഞ്ഞെടുപ്പിൽ റിപ്പബ്ലിക്കൻ സ്ഥാനാർത്ഥി ഹെർഷൽ വാക്കർ ദയനീയമായി തോറ്റതിന് പ്രധാനകാരണം ഇയാളെ ട്രംപ് തുണച്ചിരുന്നു എന്നതാണ്. ഓർക്കുക നവംബർ തിരഞ്ഞെടുപ്പിൽ ഈ സംസ്ഥാനത്തു റിപ്പബ്ലിക്കൻ ഗവർണ്ണർ കെമ്പ് വൻ ഭൂരിപഷത്തിൽ തിരഞ്ഞെടുക്കപ്പെട്ടിരുന്നു. സെനറ്റ് തിരഞ്ഞെടുപ്പും മുഴുവൻ സംസ്ഥാന വോട്ടർമാർ ഉൾപ്പെടുന്നു. എന്തു കാരണത്താൽ ഹെർഷൽ തോറ്റു ? ഇവിടെ വര്ഗ്ഗം ഒരു കാരണമാകുന്നില്ല രണ്ടു സ്ഥാനാർത്ഥികളും ഒരേ വര്ഗ്ഗം.
തിരഞ്ഞെടുപ്പിൻറ്റെ ആദ്യ ഘട്ടത്തിൽ പ്രൈമറി സമയം, ട്രംപ് ഹെർഷലിനെ ശക്തമായി തുണച്ചു അയാൾ റിപ്പബ്ലിക്കൻ സ്ഥാനാർഥി ആയിമാറി. ഇതിൽ നിരവധി ജോർജിയ റിപ്പബ്ലിക്കൻസ് അസന്തുഷ്ടരായി . 2020 തിരഞ്ഞെടുപ്പു തർക്കത്തിൽ ജോർജിയ ഒരു പ്രധാന സംസ്ഥാനമായിരുന്നു ട്രംപ് ജോർജിയയിലെ നിരവധി റിപ്പബ്ലിക്കൻ നേതാക്കളെയും ക്രൂരമായി വിമർശിച്ചു. ട്രംപിനോടുള്ള അവരുടെ വിരോധം ഹെർഷൽ വഴി പുറത്തു വരുന്നു.
മറ്റരു കാരണം, ജനാതിപത്യ രാഷ്ട്രങ്ങൾ നോക്കിയാൽ അമേരിക്കയിലെ തിരഞ്ഞെടുപ്പുകൾ തികച്ചും അഴിമതി രഹിതം എന്നു പറയുവാൻ പറ്റില്ല. രണ്ടു കാരണങ്ങൾ ഒന്ന്, നിരവധി സംസ്ഥാനങ്ങളിൽ രണ്ടാഴ്ച മുതൽ ഒരു മാസംവരെ മുന്നേ വോട്ടു രേഖപ്പെടുത്തൽ തുടങ്ങുന്നു. രണ്ട്, ആവശ്യപ്പെടാതെതന്നെ തപാൽ ബാലറ്റുകൾ അനിയന്ധ്രിതമായി ആളുകൾക്ക് അയച്ചു കൊടുക്കുന്നു. പലേടത്തും പാർട്ടി പ്രവർത്തകർ വോട്ടുകൾ ശേഖരിച്ചു വോട്ടെണ്ണൽ കേന്ദ്രത്തിൽ എത്തിക്കുന്നതിനും തടസ്സമില്ല .ഇതിനെ ബാലറ്റ്കൊയ്ത്ത് എന്നു വിശേഷിപ്പിക്കുന്നു.
ഈ രണ്ടു അവസ്ഥകളെയും വേണ്ടവിധത്തിൽ ഉപയോഗിക്കുന്നതിന് ഡെമോക്രാറ്റ് പാർട്ടി കൂടുതൽ വിദഗ്ദ്ധർ.
റിപ്പബ്ലിക്കൻ പാർട്ടി നേതാക്കൾ ഒരു കാര്യം ഇപ്പോൾ മനസ്സിലാക്കുക , ട്രംപിൻറ്റെ രാഷ്ട്രീയ കാലം കഴിഞ്ഞിരിക്കുന്നു ഇയാൾ പാർട്ടിക്ക് ഒരു ബാധ്യത ആയി മാറിയിരിക്കുന്നു. വരുംകാല തിരഞ്ഞെടുപ്പുകളിൽ ട്രംപിനെ മുന്നിൽ നിറുത്തി ആരു മത്സരിച്ചാലും തോൽവി തീർച്ച.
ഇടക്കാല തിരഞ്ഞെടുപ്പു പരിശോധിച്ചാൽ ഇതുകാണാം. ഫ്ലോറിഡയിൽഡിസാൻറ്റിസ് വാൻ ഭൂരിപക്ഷത്തിൽ വിജയിച്ചു ഇയാൾ ട്രംപിൻറ്റെ തുണ തേടിയില്ല വാസ്തവത്തിൽ ഡിസാൻറ്റിസിനെ ട്രംപ്, വരുന്ന 2024 പ്രസിഡൻറ്റ് തിരഞ്ഞെടുപ്പിൽ ഒരു എതിരാളി ആയും കാണുന്നു. അതുപോലതന്നെ നിരവധി സംസ്ഥാനങ്ങൾ നോക്കു ട്രംപ് തുണച്ചവർ ആരും വിജയിച്ചിട്ടില്ല.
2024 തിരഞ്ഞെടുപ്പു രണ്ടു വർഷങ്ങൾക്കേറെ അപ്പുറം എന്നിട്ടും ട്രംപ് നേരത്തെ കയറി പ്രഖ്യാപിച്ചിരിക്കുന്നു താൻ മത്സരിക്കുന്നു. ഇപ്പോഴത്തെ ട്രംപിൻറ്റെ പലേ അവസ്ഥകൾ നോക്കിയാൽ കാണാം ഇയാൾക്ക് മത്സരിക്കാം എന്നാൽ പ്രൈമറികളിൽ വിജയം കാണില്ല എന്ന് .
ട്രംപ് സ്വയം നാശത്തിലേക്കു നീങ്ങുന്നു. ഈ അടുത്ത കാലം ഇയാൾ ജൂതഗണത്തെ വിമർശിക്കുന്ന ഒരാളെ തൻറ്റെ മാരലാർഗോ സവിധത്തിൽ വിളിച്ചു വിരുന്നു നൽകി കൂടാതെ ഇപ്പോൾ, താൻ 2020 യിൽ തോറ്റതിന് അമേരിക്കൻ ഭരണഘടനയെയും കുറ്റപ്പെടുത്തുന്നു. ഇതെല്ലാം വളരെ ഗൗരവം ഏറിയ വിഷയങ്ങൾ. ഇതുപോലുള്ള മാറാപ്പുകൾ തോളിൽ തൂക്കി എത്രദൂരം ഇയാൾക്ക് പോകുവാൻ പറ്റും ?
ഈ കാരണങ്ങളാൽ റിപ്പബ്ലിക്കൻ പാർട്ടി നേതാക്കൾ കണ്ണു തുറക്കുക ആദ്യമേ ട്രംപുമായുള്ള ബന്ധം അവസാനിപ്പിക്കുക രണ്ടാമത് തിരഞ്ഞെടുപ്പുകളിൽ നിലവിലെ രീതികളെയും തിരുമറികളെയും കുറ്റപ്പെടുത്താതെ ഡെമോക്രാറ്റ്സ് വെട്ടിയിരിക്കുന്ന വഴിയേ നിങ്ങളും നടക്കുക.
# Leave the RNC Trump