മിയാമി ലേക്സ്, (സൗത്ത് ഫ്‌ലോറിഡ) : സൗത്ത് ഫ്‌ലോറിഡ മിയാമി ലേക്സ്യിലെ ഒരു  വീട്ടില്‍ അഞ്ചു പേര്‍ വെടിയേറ്റ് മരിച്ചനിലയില്‍ -കൊലപാതകം നടത്തിയശേഷം ആത്മഹത്യ ചെയ്തതാകാം എന്ന് പ്രാഥമീക അന്വേഷണത്തില്‍ പോലീസ് കരുതുന്നു .അഞ്ച് മരണങ്ങളെക്കുറിച്ച് സൗത്ത് ഫ്‌ലോറിഡയിലെ പോലീസ്  അന്വേഷിചു വരുന്നു

വെള്ളിയാഴ്ച രാവിലെയാണ് സംഭവം . വീട്ടില്‍ താമസക്കാരുമായി ബന്ധപ്പെടാന്‍ കഴിയാത്തതിനാല്‍ ഒരു ബന്ധുവാണു വെല്‍ ഫെയര്‍ ചെക്ക് നടത്തണമെന്ന് പോലീസിനോട് അഭ്യര്‍ത്ഥിച്ചത്.ഇതിനെ തുടര്‍ന്ന്  വെള്ളിയാഴ്ച രാവിലെ മിയാമി-ഡേഡ് പോലീസ് ഉദ്യോഗസ്ഥര്‍ നടത്തിയ പരിശോധനയിലാണ് വീടിനകത്തു അഞ്ചു പേര്‍ വെടിയേറ്റ് മരിച്ചുകിടക്കുന്നതായി കണ്ടെത്തിയതെന്ന് പൊലീസിന്റെ   ഒരു വാര്‍ത്താക്കുറിപ്പില്‍ പറയുന്നു.

യൂണിഫോം ധരിച്ച ഉദ്യോഗസ്ഥര്‍ പിന്‍വശത്തെ ജനല്‍ വഴി വസതിയില്‍ പ്രവേശിച്ചതായി അധികൃതര്‍ പറഞ്ഞു. അതിനുള്ളില്‍ മൂന്ന് സ്ത്രീകളെയും രണ്ട് പുരുഷന്മാരെയും വെടിയേറ്റു മരിച്ചതായി കണ്ടെത്തി, ഉദ്യോഗസ്ഥര്‍ പറഞ്ഞു. മരിച്ച ഒരു വ്യക്തിയുടെ മുറിവുകള്‍ സ്വയം ഉണ്ടാക്കിയതായി കാണപ്പെട്ടു, കേസ് കൊലപാതക-ആത്മഹത്യയാണെന്ന് വിശ്വസിക്കാന്‍ അന്വേഷണ ഉദ്യോഗസ്ഥരെ പ്രേരിപ്പിച്ചത്.

കൊല്ലപ്പെട്ട അഞ്ചുപേരില്‍  മാതാവും മകനും ഉള്‍പ്പെടുന്നു. മാതാവ്  യോങ്ക അഗ്വിലാര്‍(54)   മകന്‍  ധനി അഗ്വിലാര്‍  (34)എന്നിവരാണെന്ന് കുടുംബാംഗങ്ങള്‍  പിന്നീട്  തിരിച്ചറിഞ്ഞു.മരിച്ചവരുടെ കുറിച്ചുള്ള പൂര്‍ണ വിവരങ്ങളോ വെടിവയ്പ്പിനുള്ള കാരണമോ പോലീസ് പുറത്തുവിട്ടിട്ടില്ല.

 പി പി ചെറിയാന്‍