കൊല്ലം പ്രവാസി അസ്സോസിയേഷന്റെ വനിതാ വേദിയായ പ്രവാസി ശ്രീയുടെ നേതൃത്വത്തില് വനിതാ ദിനാഘോഷവും, മെമ്പേഴ്സ് മീറ്റും സംഘടിപ്പിച്ചു. സഗായ റെസ്റ്റോറന്റ് പാര്ട്ടി ഹാളില് വച്ച് നടന്ന ആഘോഷ പരിപാടികള് കെ.പി.എ ജനറല് സെക്രട്ടറി ജഗത് കൃഷ്ണകുമാര് ഉത്ഘാടനം ചെയ്തു . എഴുത്തുകാരിയും, സാമൂഹ്യ പ്രവര്ത്തകയും ആയ ഷബിനി വാസുദേവ് മുഖ്യാതിഥിയായി പങ്കെടുത്തു. പ്രദീപ അനില് അധ്യക്ഷയായ ചടങ്ങിന് ജിഷ വിനു സ്വാഗതം പറഞ്ഞു . കെ.പി.എ ട്രെഷറര് രാജ് കൃഷ്ണന്, പ്രവാസിശ്രീ കോ-ഓര്ഡിനേറ്റര് മനോജ് ജമാല്, ജിബി ജോണ് എന്നിവര് ആശംസകള് അറിയിച്ചു. സുമി ഷമീര് നിയന്ത്രിച്ച ചടങ്ങിന് ജ്യോതി പ്രമോദ് നന്ദി അറിയിച്ചു. തുടര്ന്ന് പ്രവാസി ശ്രീ അംഗങ്ങളുടെയും, കുട്ടികളുടെയും വിവിധ കലാപരിപാടികളും, മത്സരങ്ങളും നടന്നു. പ്രവാസി ശ്രീ കോ-ഓര്ഡിനേറ്റര് നവാസ് ജലാലുദ്ദീന്, ലിജു ജോണ്, രമ്യ ഗിരീഷ്, ഷാമില ഇസ്മായില്, ബ്രിന്ദ സന്തോഷ്, റസീല മുഹമ്മദ്, അഞ്ജലി രാജ്, ആന്സി ആസിഫ് എന്നിവര് പരിപാടികള്ക്ക് നേതൃത്വം നല്കി.