ടോമിന് തച്ചങ്കരി ഐപിഎസ്സുമായി ഗ്ലോബല് ഇന്ത്യന് ചീഫ് എഡിറ്ററും ചീഫ് ഹാപ്പിനസ് ഓഫിസറുമായ ഹരി നമ്പൂതിരി നടത്തിയ അഭിമുഖം
കാക്കിയ്ക്കുള്ളിലെ കലാകാരനെന്ന് കേട്ടു ശീലിച്ച പ്രയോഗത്തിനിവിടെ സ്ഥാനമില്ല. കലാകാരനായ ഐപിഎസ് ഉദ്യോഗസ്ഥനെന്ന് പറയുവാനാണ് ഇദ്ദേഹം ഇഷ്ടപ്പെടുന്നത്. കലയുടെ നൈര്മല്യവും അധികാരിയുടെ അധികാരികതയും ഒരേപോലെ കാത്തുസൂക്ഷിക്കുന്നൊരാള്. വിവാദങ്ങളും വിമര്ശനങ്ങളും പിന്തുടര്ന്നപ്പോഴും തളരാതെ മലയാളിയോട് സംവദിച്ചൊരാള്. ഐപിഎസ് ഉദ്യോഗസ്ഥര്ക്കിടയില് എല്ലാ കാലത്തും വ്യത്യസ്തനായ ഒരാള്, ടോമിന് തച്ചങ്കരി...
വിരല്തൊട്ട മേഖലകളിലൊക്കെ ഒരു തച്ചങ്കരി മാജിക്ക് എല്ലാകാലത്തും പിറന്നു, അത് കലയിലും കാര്യത്തിലും. അതുകൊണ്ടുതന്നെ ഈ മേഖലകളിലൊക്കെ തന്നെയും തച്ചങ്കരിയുടെ പേര് കാലവും കടന്ന് സഞ്ചരിക്കുമെന്നതില് സംശയമില്ല.
?. സര്വീസില് എത്തുന്നതിനു മുന്പേ മികച്ച സംഗീതജ്ഞനായിരുന്നു അങ്ങ്. കലയും പ്രൊഫഷനും എങ്ങനെ ചേര്ത്തുകൊണ്ടുപോകാന് കഴിഞ്ഞു?
സിവില് സര്വീസ് ഓഫിസേഴ്സ് കൂടുതലായും കലാരംഗത്തേക്ക് കടന്നെത്തുന്നത് സാഹിത്യത്തിലൂടെയാകും. കഥയും കവിതയുമൊക്കെയാണ് അവരുടെ ഇഷ്ട വിഷയം. പ്രൊഫഷണലായി കലയെ സമീപിച്ചിട്ടുള്ളവര് കുറവാണ്. ഞാന് സിവില് സര്വീസില് എത്തുന്നതിനു മുന്പേ കലാകാരനായിരുന്നു. സംഗീതരംഗത്ത് സജീവമായുണ്ടായിരുന്നു. അതുകൊണ്ട് ജോലിയില് പ്രവേശിച്ച ശേഷവും ഞാനത് തുടര്ന്നു. കൊമേഷ്യലി വിജയം കണ്ട പല പാട്ടുകളും ഒരുക്കാന് കഴിഞ്ഞു. കലാകാരന്മാരായ പല സിവില് സര്വീസ് ഓഫിസേഴ്സ് ഉണ്ടെങ്കിലും അവരരാരും എന്നെപോലെ പ്രൊഫഷണലായി അതീവഗൗരവത്തോടെ കലയെ സമീപിച്ചില്ല.
ജോലിയെ കാണുന്ന ഗൗരവത്തോടെ തന്നെ ഞാന് സംഗീതത്തേയും കണ്ടു. ഇതൊക്കെ വിമര്ശനത്തിനും കാരണമായിട്ടുണ്ട്. സംഗീതജ്ഞനെന്ന പേരുകൂടിയുള്ളതുകൊണ്ട് മറ്റ് സിവില് സര്വീസ് ഉദ്യോഗസ്ഥരില് നിന്നും വ്യത്യസ്തനായി തുടരാന് എനിക്കു കഴിഞ്ഞു. ഇനിയും കലയില് സജീവമായി തുടരണം എന്നുതന്നെയാണ് ആഗ്രഹം.
?.ഡിജിപി പദവിയിലുള്ള ഒരാള് ആദ്യമായാണ് മനുഷ്യാവകാശ കമ്മീഷന് മേധാവിയായി എത്തുന്നത്. ആ മേഖലയില് നിരന്തരം ഇടപെടലുകള് നേരത്തെ മുതല് തന്നെ നടത്തികൊണ്ടിരിക്കുന്ന ഒരാളുമാണ് താങ്കള് എന്നതും ശ്രദ്ധേയമാണ്. മനുഷ്യാവകാശങ്ങളുടെ ലംഘനം കേരളത്തില് ഇന്ന് തുടര് സംഭവമായി മാറികൊണ്ടിരിക്കുന്നുണ്ടോ? ഇത്തരം കാര്യങ്ങളില് നമുക്ക് കൂടുതല് അവബോധം വേണമെന്ന് തോന്നുന്നില്ലേ ?
മനുഷ്യാവകാശ ലംഘനങ്ങളെക്കുറിച്ച് ഗൗരവത്തോടെ നാം ചര്ച്ച ചെയ്യുന്ന ഒരു കാലമാണിത്. മറ്റു രാജ്യങ്ങളുമായി താരതമ്യം ചെയ്യുമ്പോള് ഇന്ത്യയില് ഇത്തരം പ്രശ്നങ്ങള് കുറവാണെന്ന് കണ്ടെത്താന് നമുക്ക് കഴിയും. കേരളത്തിന്റെ സ്ഥിതിയും അങ്ങനെ തന്നെയാണ്. പ്രശ്നങ്ങള് ഇല്ല എന്നല്ല. കണക്കുകളുടെ എണ്ണത്തില് കുറവുണ്ട്. അത് വലിയ ആശ്വാസം പകരുന്ന കാര്യമാണ്. കൂട്ടായ പരിശ്രമങ്ങളിലൂടെ മാത്രമേ നമുക്ക് ഇത്തരം പ്രശ്നങ്ങളെ അതിജീവിക്കുവാന് കഴിയൂ.
?. സിവില് സര്വീസ് ഉദ്യോഗസ്ഥരെ വലിയ രീതിയില് വിചാരണ ചെയ്യുന്ന ഒരു കാലഘട്ടമാണിത്. അതില് മാധ്യമങ്ങളും പൊതുജനങ്ങളുമൊക്കെ ഉണ്ട്. എന്തുകൊണ്ടാകാം ഇത്തരമൊരു വിചാരണയ്ക്ക് സിവില് സര്വീസ് മേഖല കാരണമാകുന്നത്. ഇതൊക്കെ ബോധപൂര്വം നടക്കുന്ന ചില ശ്രമങ്ങളുടെ ഭാഗമാണ് എന്ന് താങ്കള് കരുതുന്നുണ്ടോ?
എല്ലാകാലത്തും എല്ലാവരേയും വിമര്ശിക്കുന്ന ഒരു വിഭാഗം ഇവിടെയുണ്ടല്ലോ. അപ്പോഴും ഭരണാധികാരികളുടെ ഭാഗത്തുനിന്ന് എപ്പോഴും സിവില് സര്വീസ് ഉദ്യോഗസ്ഥര്ക്ക് വലിയ പിന്തുണയാണ് ലഭിക്കുന്നത്. അവരാരും തന്നെ ഇത്തരം ഉദ്യോഗസ്ഥരെ ചോദ്യം ചെയ്യാറില്ല. അവരെ വിശ്വാസത്തില് എടുക്കുക തന്നെ ചെയ്യും. ജനങ്ങളുമായി എപ്പോഴും ഇടപെടുന്നവരാണല്ലോ അവര്. അത് വലിയ ആശ്വാസമാണ്.
കെഎസ്ആര്ടിയിസുടെ തലപ്പത്ത് ഞാനെത്തിയപ്പോള് ആദ്യം ചെയ്തത് യൂണിയന് ഭാരവാഹികളുമായി ബന്ധം സ്ഥാപിക്കുകക എന്നതാണ്. അവരുമായി എപ്പോഴും അടുത്ത് ഇടപെട്ടുകൊണ്ടിരുന്നു. കെഎസ്ആര്ടിസിയെ കരകയറ്റാന് ശ്രമിച്ചുകൊണ്ടിരുന്നത് അങ്ങനെയാണ്. അതൊക്കെ പതുക്കെ ഫലം കണ്ടു. എന്നിട്ടും എന്നെ ആ സ്ഥാനത്തു നിന്ന് മാറ്റുമ്പോള് അതിനെതിരെ സംസാരിച്ചവരും അനുകൂലിച്ച് സംസാരിച്ചവരുമുണ്ട്. ജനാധിപത്യ സമൂഹം അങ്ങനെയാണല്ലോ.
?. ക്രിസ്ത്യന് ഭക്തിഗാനങ്ങളുടെ ചരിത്രത്തോടു ചേര്ന്നു നില്ക്കുന്ന ഒരാളാണ് താങ്കള്. മലയാളത്തിലെ ഏത് ഗായകന്റെ ഹിറ്റ് ഗാനങ്ങള് പരിശോധിച്ചാലും അതില് താങ്കളുടെ പാട്ടുണ്ടാകും. ഇത്തരം പാട്ടുകളൊരുക്കുന്നതില് താങ്കള്ക്ക് പ്രത്യേകമായൊരു വൈഭവം ഉണ്ടായിരുന്നു.
അതുവരെ ഉണ്ടായിരുന്ന ക്രിസ്തീയ ഗാനങ്ങളില് ഒരു മാറ്റംകൊണ്ടുവരാനാണ് ഞാന് ശ്രമിച്ചത്. കുറേയൊക്കെ വിജയിച്ചു. നല്ല പാട്ടുകള് എല്ലാകാലത്തേയും അതിജീവിക്കുമല്ലോ. ഞാന് വളര്ന്ന അന്തരീക്ഷം, കേട്ട സംഗീതം... എല്ലാം എന്റെ കലാജീവിതത്തെ സ്വാധീനിച്ചിട്ടുണ്ട്. ക്രിസ്തീയ ഭക്തിഗാനശാഖയില് ഞാനൊരുക്കിയ ഗാനങ്ങള് ഇന്നും ആളുകള് ആസ്വദിക്കുന്നുവെന്നത് വലിയ സന്തോഷമുണ്ടാക്കുന്ന കാര്യമാണ്.
# Interview Tomin Thachankaray IPS