നീയില്ലാതായപ്പോൾ സ്വപ്നം തകർന്നത്
എന്റേതു മാത്രമാണ്.

നീയില്ലാതായപ്പോൾ മൗനം കടന്നത്
എന്നിൽ മാത്രമാണ്.

 വിത്തുകൾ മുളയ്ക്കാത്തത് 
 എന്റെ മണ്ണിൽ മാത്രമാണ്

പൂവുകൾ വാടിയത് എന്റെ
പുന്തോട്ടത്തിൽ മാത്രമാണ്

 ഫലങ്ങൾ പൊഴിഞ്ഞത് എന്റെ
 കൃഷിയിടത്തിൽ മാത്രമാണ്

നീയില്ലാതായപ്പോൾ ലോകം മാറിയത്
എന്റേതു മാത്രമാണ്.

നീയില്ലാതായപ്പോൾ ജീവിതം നിലച്ചത്
എനിക്ക് മാത്രമാണ്.

നീയില്ലാതായപ്പോൾ ഇല്ലാതെയായത്
ഈ ഞാൻ മാത്രമാണ്…