വള്ളുവനാടൻ പെണ്ണ് (കവിത: ബിനി മൃദുൽ കാലിഫോർണിയ)

വള്ളുവനാട്ടിലെ പെണ്ണേ...
വകതിരിവുള്ളൊരു പെണ്ണേ...
വട്ടത്തിൽ പൊട്ടിട്ട പെണ്ണേ
വട്ടത്തിൽ കറങ്ങി നടക്കും പെണ്ണേ..
കാലിൽ കൊലുസിട്ട പെണ്ണേ...
കാലത്തിനൊത്തു നടക്കും പെണ്ണേ..
വാക്കത്തിയേറിയ പെണ്ണേ..
വാക്കിനു മൂർച്ചയുള്ളൊരു പെണ്ണേ...
വള്ളുവനാട്ടിലെ പെണ്ണേ...
വകതിരിവുള്ളൊരു പെണ്ണേ...

മൂക്കത്തു കുറുമ്പുള്ള പെണ്ണേ...
മൂക്കുത്തിയണിഞ്ഞൊരു പെണ്ണേ..
വയലോരത്തോടി നടക്കും പെണ്ണേ..
കള കളം ചിരിയോതും പെണ്ണേ..
വള്ളുവനാട്ടിലെ പെണ്ണേ...
വകതിരിവുള്ളൊരു പെണ്ണേ...

വരമ്പിനിക്കരെ ഇരിക്കും പെണ്ണേ.
ഞാറു പറച്ചു നടക്കും പെണ്ണേ.. വാർമുടികോതി ഒതുക്കും പെണ്ണേ..
വാൽകണ്ണെഴുതിയ സുന്ദരി പെണ്ണേ...
വാതോരാതെ മിണ്ടും പെണ്ണേ..
എണ്ണ കറുപ്പിൻ അഴകുള്ള പെണ്ണേ.
വള്ളുവനാട്ടിലെ പെണ്ണേ...
വകതിരിവുള്ളൊരു പെണ്ണേ...

കാരിരുമ്പിൻ കരുത്തുള്ളൊരു പെണ്ണേ...
കടലോളം സ്നേഹം ചൊരിയും പെണ്ണേ..
കാലത്തിനൊത്തു നടക്കും പെണ്ണെ
വള്ളുവനാട്ടിലെ പെണ്ണേ...
വകതിരിവുള്ളൊരു പെണ്ണേ...

Audio: https://youtu.be/AyYxVueCINM
Singer: Jay Nair

Facebook Comments

Comments

Sudhir Panikkaveetil 2023-04-22 00:09:12

വെള്ളിച്ചിലങ്ക അണിഞ്ഞുകൊണ്ടൊരു വള്ളുവനാടൻ പെണ്ണ് സാഹിത്യത്തിലേക്ക് വളരെ മുമ്പ് വന്നിരുന്നു .അവൾ പക്ഷെ കാൽനഖം കൊണ്ട് കളിമണ്ണിൽ കളം വരച്ചവൾ. അവളെ ഈ കാലഘട്ടത്തിലേക്ക് കൊണ്ടുവരുകയാണ് ശ്രീമതി ബിനി മൃദുൽ .. കവിതയാകുമ്പോൾ ബിംബങ്ങളും സ്വരലയങ്ങളും വേണമല്ലോ.ഇതിൽ കൂടുതൽ ഈണമല്ലേ ?, അതുകൊണ്ട് ഗാനവകുപ്പിൽ അല്ലെ ഇത് ഉൾപ്പെടുക എന്ന് ഒരു സംശയമുണ്ട്. നല്ല വാക്കുകൾ കൊണ്ട് ഈണം തീർത്തിട്ടുണ്ട്. പാടാം അവളെപ്പറ്റി നമുക്ക്. നന്മകൾ നേരുന്നു. ശ്രീ ജയ് നായരുടെ പാട്ട് മോശമില്ല. പക്ഷെ ഈണം പുള്ളവൻ പാട്ടു പോലെ തോന്നി.

American Mollakka 2023-04-24 18:41:24

ഞമ്മക്ക് ഈ മൊഞ്ചത്തികളെ ബെല്ലാണ്ട് ഇസ്റ്റമാണ്. ഈ ബള്ളൂബനാടൻ പെണ്ണുങ്ങളോടും ഞമ്മക്ക് ബലിയ കമ്പമാണ്.ഇങ്ങടെ കബിത ബായിച്ചപ്പോൾ ഞമ്മക്ക് ഭരത്പുയയുടെ തീരങ്ങളിലേക്ക് ഒന്ന് പോകാൻ തോന്നി. ഇങ്ങടെ കബിത കൊയപ്പമില്ല.അപ്പൊ അസ്സലാമു അലൈക്കും. ഞമ്മള് അങ്ങട് ബിട ബാങ്ങുന്നു.

വള്ളുവനാടൻ പെണ്ണ് (കവിത: ബിനി മൃദുൽ കാലിഫോർണിയ)

PATHRANGAL

US WEBSITES

EMalayalee Available in MediaAppUSA