ഹൂസ്റ്റണ്‍ : വടക്കന്‍ ഹൂസ്റ്റണില്‍ നിര്‍ത്തിയിട്ടിരുന്ന  വാഹനത്തില്‍ അബോധാവസ്ഥയില്‍ കണ്ടെത്തിയ രണ്ട് കുട്ടികളില്‍ 4 വയസ്സുള്ള ആണ്‍കുട്ടി മരിച്ചു.

ഹൂസ്റ്റണ്‍ പോലീസ് ഡിപ്പാര്‍ട്‌മെന്റ് കമാന്‍ഡര്‍ ജോനാഥന്‍ ഹാലിഡേ പറയുന്നതനുസരിച്ച്,വെള്ളിയാഴ്ച. ഏകദേശം 4:30 മണിയോടെ ഒരു കുട്ടിയെ വാഹനത്തിനുള്ളില്‍ പൂട്ടിയിട്ടിരിക്കുന്നതായി അവര്‍ക്ക് ഒരു കോള്‍ ലഭിച്ചു. പോലീസ് എത്തിയപ്പോള്‍ ഇന്‍ഡിപെന്‍ഡന്‍സ് ഹൈറ്റ്സ് അയല്‍പക്കത്തുള്ള ഓറിയോളിലെ 200 ബ്ലോക്കിലെ ഒരു  വീട്ടില്‍ പാര്‍ക്ക് ചെയ്തിരുന്ന വാഹനത്തില്‍ 4 വയസ്സുകാരനും 2 വയസ്സുകാരനും അബോധാവസ്ഥയില്‍ കിടക്കുന്നതാണ് കണ്ടത്.
ഇരുവരെയും ആശുപത്രിയില്‍ പ്രവേശിപ്പിച്ചു, അവിടെ ഒരാള്‍ മരിച്ചു, മറ്റൊരാള്‍ ഇപ്പോഴും ഗുരുതരാവസ്ഥയിലാണ്. മരണത്തെക്കുറിച്ചു പോലീസ് അന്വേഷിക്കുന്നു.

കുട്ടികളെ കുറിച്ചുള്ള വിവരങ്ങള്‍ പോലീസ്  പുറത്തുവിട്ടിട്ടില്ല .സംഭവുമായി ബന്ധപെട്ടു  ആരെയും ഇതുവരെ അറസ്റ്റ് ചെയ്തിട്ടില്ല.