ടോളിവുഡ് സൂപ്പര്‍സ്റ്റാര്‍ അല്ലു അര്‍ജുന് പാന്‍ ഇന്ത്യന്‍ താരമായി മാറിയിരിക്കുകയാണ്. പുഷ്പ 2 എന്ന തന്റെ ചിത്രത്തിനായുള്ള കാത്തിരിപ്പിലാണ് അദ്ദേഹം. ഇപ്പോഴിതാ തന്റെ പിതാവിനെക്കുറിച്ച് അല്ലു അര്‍ജുന്‍ പറഞ്ഞ വാക്കുകളാണ് വൈറലാകുന്നത്. ദൈവം എങ്ങനെയുള്ളവനാണെന്ന് തനിക്കറിയില്ലെന്നും എന്നാല്‍ തനിക്ക് അറിയാവുന്ന യഥാര്‍ത്ഥ ദൈവം തന്റെ പിതാവാണെന്നും അല്ലു അര്‍ജുന്‍ പറഞ്ഞു.

'അദ്ദേഹം എനിക്ക് എല്ലാം തന്നു,'' അദ്ദേഹം പറഞ്ഞു. ഈ കമന്റുകളാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. തെലുങ്ക് ഇന്ത്യന്‍ ഐഡല്‍ 2 ഷോയുടെ ഗ്രാന്‍ഡ് ഫിനാലെയില്‍ ഒരു ഫുള്‍ ഓണ്‍ എന്റര്‍ടെയ്‌നറായാണ് അല്ലു അര്‍ജുന്‍ എത്തുന്നത്. ജൂണ്‍ 3, 4 തീയതികളില്‍ ഷോ സംപ്രേക്ഷണം ചെയ്യും.

കുറച്ച് മാസങ്ങള്‍ക്ക് മുമ്പ്, നടനും അല്ലു അരവിന്ദും തമ്മിലുള്ള ഏറ്റുമുട്ടലുകളെക്കുറിച്ചുള്ള ചില കിംവദന്തികള്‍ പുറത്തുവന്നിരുന്നു. അല്ലു അര്‍ജുന്‍ തന്റെ പിതാവിന്റെ വീട്ടില്‍ നിന്ന് മാറി കുടുംബത്തോടൊപ്പം വേറിട്ട് താമസിക്കാന്‍ തുടങ്ങിയെന്നായിരുന്നു അഭ്യൂഹം.

എന്നാല്‍ ഇതെല്ലാം വെറും ഗോസിപ്പുകളാണെന്നാണ് അല്ലു അര്‍ജുന്‍ പ്രതികരിച്ചത്. ഇത്തരത്തിലുള്ള അഭ്യൂഹങ്ങള്‍ അറിഞ്ഞപ്പോള്‍ താനും അച്ഛനും ചിരിച്ചുവെന്ന് അദ്ദേഹം പറഞ്ഞു.

PAN INDIA NEW -2