ഗുസ്തി ഫെഡറേഷന് അധ്യക്ഷനും ബിജെപി എംപിയുമായ ബ്രിജ് ഭൂഷണ് സിംഗിനെതിരെ ലൈംഗീകാരോപണത്തില് നടപടിയെടുക്കാത്തതില് പ്രതിഷേധിക്കുന്ന ?ഗുസ്തി താരങ്ങള്ക്ക് പിന്തുണയുമായി നടന് ഷെയിന് നിഗം. സമരം ചെയ്യുന്ന താരങ്ങളുടെ ഡീറ്റൈല്സ് വിവരിച്ച് കൊണ്ടാണ് ഷെയിന് പോസ്റ്റ് തുടങ്ങുന്നത്. മന്ത്രിസ്ഥാനമോ എംപി സ്ഥാനമോ മറ്റ് സ്ഥാനമാനങ്ങളോ ചോദിച്ചല്ല അവരുടെ സമരമെന്നും രാജ്യത്തെ ഭാവിചാമ്പ്യന്മാര്ക്ക് വേണ്ടിയാണെന്ന് ഷെയിന് പറയുന്നു.
ഷെയിന് നി?ഗത്തിന്റെ വാക്കുകള്
ഇനിയും കഥയറിയാത്തവര്ക്കായി ..
ഫോട്ടോയില് കുത്തിയിരുന്ന് കരയുന്ന ഇവരാണ് വിനേഷ് ഫോഗാട്ട് എന്ന രാജ്യത്തിന്റെ അഭിമാനമായ ഗുസ്തി ചാമ്പ്യന്. 2014 കോമണ്വെല്ത്തില് ഫ്രീസ്റ്റല് ഗുസ്തിയില് സ്വര്ണ്ണ മെഡലിസ്റ്റാണ് . 2016 ലെ അര്ജ്ജുനയും 2020 ലെ ഖേല്രത്ന പുരസ്ക്കാരുവും നല്കി രാജ്യം ആദരിച്ചവര്, അമീര്ഖാന്റെ കോടികള് വാരിയ ബ്ലോക്ക്ബസ്റ്റര് ചിത്രം ദംഗലിലെ യഥാര്ത്ഥ നായകന് ദ്രോണാചാര്യ പുരസ്ക്കാര ജേതാവ് സാക്ഷാല് മഹാവീര് സിംഗ് ഫോഗാട്ടിന്റെ സഹോദരി പുത്രി. ആ കഥയിയിലെ യഥാര്ത്ഥ ഹീറോയിനുകളായ നമ്മുടെ ഗുസ്തിതാരങ്ങള് ഗീതാഫോഗാട്ടിന്റേയും , ബബിത കുമാരി ഫോഗാട്ടിന്റയും കസിന് സിസ്റ്റര്. ഇല്ലായ്മകളോടും പലവിധ വെല്ലുവിളികളോടും പോരാടി ജയിച്ച് തന്റേതായ സ്ഥാനം നേടി രാജ്യത്തിന് അഭിമാനമായ താരം.
സാക്ഷി മാലിക്ക് :- 2014 കോമണ്വെല്ത്തില് ഗുസ്തിയില് വെള്ളി മെഡല് , 2016 റിയോ ഒളിമ്പിക്സില് വെങ്കലം നേടിയതോടെ ഗുസ്തിയില് മെഡല് ജേതാവായ ആദ്യ ഇന്ത്യന് വനിതാ താരം. 2016ല് ഖേല്രത്നയും 2017 ല് പദ്മശ്രീ പുരസ്ക്കാരവും നേടിയ താരം.
ബജ്രംഗ് പുനിയ :- അര്ജുന , പത്മശ്രീ , ഖേല്രത്ന അവാര്ഡുകള് നല്കി രാജ്യം ആദരിച്ച 2020ഒളിബിക്സ് മെഡല് ജേധാവും , ലോക ഗുസ്തി ചാമ്പ്യന്ഷിപ്പില് 4 മെഡലുകള് നേടിയ ഒരേയൊരു ഇന്ത്യന് ഗുസ്തി താരം.
ബ്രിജ് ഭൂഷണ് ശരണ് സിംഗ് :- ആറ് തവണ പാര്ലമെന്റ് അംഗം, പണ്ട് മുതല്ക്കേ നിരവധി അനവധി വിവാദങ്ങളും ക്രിമിനല് കേസുകളും ഒന്നും ഒരു പുത്തരിയാല്ലാത്ത രാഷ്ട്രീയ പ്രബലന് .റസലിങ്ങ് ഫെഡറേഷന് ഓഫ് ഇന്ത്യയുടെ പ്രസിഡന്റ്.
2023 ജനുവരിയില് ... വിനേഷ് ഫോഗട്ട് , സാക്ഷി മാലിക് , അന്ഷു മാലിക് , ബജ്റംഗ് പുനിയ എന്നിവരുള്പ്പടെയുള ഇന്ത്യന് ഗുസ്തി താരങ്ങള് റസ്ലിംഗ് ഫെഡറേഷന് ഓഫ് ഇന്ത്യ പ്രസിഡന്റ് ബ്രിജ് ഭൂഷണ് ശരണ് സിങ്ങും അതിന്റെ പരിശീലകരും കായിക താരങ്ങളെ ( പ്രായപൂര്ത്തിയാവാത്ത താരത്തെ ഉള്പ്പടെ ) ലൈംഗികമായി ഉപദ്രവിച്ചു എന്ന് പരാതി ഉന്നയിക്കുകയും, 7 താരങ്ങള് ഡല്ഹി പോലീസില് പരാതി നല്കുകയുണ്ടായി, യാതൊരു വിധ നടപടികളും ഉണ്ടാവാത്തതിനെ തുടര്ന്ന് പ്രതിഷേധവുമായി തെരുവിലയ്ക്ക് ഇറങ്ങുകയും ചെയ്തു. ഇന്നലെ :- നീതികിട്ടാന് തെരുവിലിറങ്ങി പോരാടിയവരെ , ഒട്ടനവധി കരുത്തരായ മത്സരാര്ത്ഥിളെ റിങ്ങില് മലര്ത്തിയടിച്ച് രാജ്യത്തിന്റെ അഭിമാന താരങ്ങളായവരെ പോലീസിനെ ഉപയോഗിച്ച് വലിച്ചിഴച്ചും മര്ദ്ദിച്ചും അറസ്റ്റ് ചെയ്തു നീക്കുകയും 700 ഓളം പേര്ക്കെതിരെ കേസെടുക്കുകയും ചെയ്തു. ഫെഡറേഷന് പിരിച്ച് വിടുക ബ്രിജ് ഭൂഷനെ അറസ്റ്റ് ചെയ്യുക എന്നീ ആവശ്യങ്ങളുമായി താരങ്ങള് പ്രതിഷേധം തുടരുകയാണ്. മന്ത്രിസ്ഥാനമോ എംപി സ്ഥാനമോ മറ്റ് സ്ഥാനമാനങ്ങളോ ചോദിച്ചല്ല അവരുടെ സമരം , രാജ്യത്തെ ഭാവിചാമ്പ്യന്മാര്ക്കു കൂടി വേണ്ടിയാണ്.