കെ എസ് ആര്‍ ടി സി ബസ്സില്‍ സ്ത്രീകളുടെ മധ്യത്തിലിരുന്ന് സ്വയംഭോഗംചെയ്ത് അറസ്റ്റിലായ വിരുതന്‍ ജയില്‍മോചിതനായപ്പോള്‍ അയാളെ മാലയിട്ട് സ്വീകരിക്കാന്‍ ഞരമ്പുരോഗികളുടെ സംഘടന. അവരുടെ അംഗസഖ്യ കൂടിയിരിക്കുന്നു എന്നാണ് സംഘടന രൂപീകരിച്ചതില്‍നിന്ന് മനസിലാകുന്നത്. കേരളത്തിലെ പുരുഷന്മാരെയെല്ലാം ആക്ഷേപിക്കുന്ന വിധത്തിലാണ് സംഘടനക്ക് പേരിട്ടിരിക്കുന്നത്., കേരള മെന്‍സ് അസോസിയേഷന്‍. അതിന്റെ അര്‍ഥം കേരളത്തിലെ പുരുഷന്മാരെല്ലാം ഇവരെപ്പോലെ ഞരമ്പുരോഗികളാണന്ന്  പറയുന്നതുപോലെയാണ്. അതുകൊണ്ട് അവരുടെ സംഘടനയുടെപേര് അഖില കേരള ഞരമ്പുരോഗി അസോസിയേഷന്‍ എന്നാക്കി മാറ്റണം. നിങ്ങള്‍ അവകാശങ്ങള്‍ക്കുവേണ്ടി പൊരുതുന്നതിന് പൊതുജനങ്ങള്‍ക്ക് പരാതിയൊന്നും ഉണ്ടാകാന്‍ സാദ്ധ്യതയില്ല. ജനങ്ങള്‍ക്ക് ബുദ്ധിമുട്ട് ഉണ്ടാക്കാത്തവിധത്തില്‍ നിങ്ങള്‍ സമരംചെയ്ത് അവകാശങ്ങള്‍ നേടിയെടുക്കണം.

എന്തൊക്കെ ആയിരിക്കും അവര്‍ സര്‍ക്കാരിന്റെ മുന്‍പില്‍ നിരത്തുന്ന അവകാശങ്ങളുടെ പട്ടികയെന്ന് പിരിശോധിക്കാം.

1, കേരളത്തിലെ എല്ലാ പ്രധാനപ്പെട്ട ജംഗ്ഷനുകളിലും നഗ്നതാപ്രദര്‍ശ്ശനം നടത്താന്‍ സ്ഥിരം വേദികള്‍ നിര്‍മ്മിക്കുക.

2, ട്രാന്‍സ്‌പോര്‍ട്ട് ബസ്സില്‍ സ്ത്രീകളുടെ മദ്ധ്യത്തില്‍ ഇരിക്കാനുള്ള അവകാശം. ട്രെയിനില്‍ സ്തീകളെ നഗ്നത കാണിക്കാനുള്ള അവകാശം കേന്ദ്ര ഗവണ്മെന്റില്‍നിന്ന് നേടിയെടുക്കുക.

3, ഞരമ്പുകളെ പരിപോഷിപ്പിക്കാന്‍ വയാഗ്രപോലുള്ള ഉത്തേജക ഔഷധങ്ങള്‍ സൗജന്യമായി വിതരണം ചെയ്യുക.

4, മാസാമാസമള്ള ചിലവുകള്‍ക്ക്, അതായത് ദിവസവും പൊറോട്ടയും ബീഫും കഴിച്ച് ആരോഗ്യം വര്‍ധിപ്പിക്കാനുള്ള ചിലവ്, സര്‍ക്കാര്‍ വഹിക്കുക.

5, ഞരമ്പുരോഗികള്‍ക്ക്  സൗജന്യ ചികിത്സ ഉറപ്പാക്കുക.

6, ഞരമ്പുരോഗികള്‍ മുപ്പത്തിയഞ്ചാം വയസില്‍ വാര്‍ധക്യത്തിലേക്ക് പ്രവേശിക്കയാല്‍ തുടര്‍ന്നുള്ള ജീവിതത്തിന് പെന്‍ഷന്‍ അനുവദിക്കുക.

പിണറായി സര്‍ക്കാരിന്റെ കാലാവധി അവസാനിക്കുന്നതിനുമുന്‍പ്  അവകാശങ്ങള്‍ നേടിയെടുത്താല്‍ വിജയം സുനിശ്ചിതം. എല്ലാവിധ ആശംസകളും നേരുന്നു. കേരളം ഞരമ്പുരോഗികളാല്‍ സമ്പുഷ്ടമാകട്ടെ.

samnilampallil@gmail.com