Image

അര്‍ഹതയ്ക്ക് അംഗീകാരം; 'നാമം' എക്‌സലന്‍സ് അവാര്‍ഡ് നൈറ്റ് ഡിസംബര്‍ രണ്ടിന്

Published on 13 September, 2023
അര്‍ഹതയ്ക്ക് അംഗീകാരം; 'നാമം' എക്‌സലന്‍സ് അവാര്‍ഡ് നൈറ്റ് ഡിസംബര്‍ രണ്ടിന്

ഈ വര്‍ഷത്തെ 'നാമം' (North American Malayalee and Aossciated Members) എക്‌സലന്‍സ് അവാര്‍ഡ് പ്രഖ്യാപിച്ചു. ഡിസംബര്‍ രണ്ട് ശനിയാഴ്ച വൈകുന്നേരം നാല് മണിക്ക് ന്യൂയോര്‍ക്ക് ന്യൂ സിറ്റിയിലുള്ള ക്‌നാനായ കാത്തലിക് സെന്ററില്‍ വെച്ച് നാമം അവാര്‍ഡ് നൈറ്റ് നടത്തപ്പെടുമെന്ന് നാമം എക്സലന്‍സ് അവാര്‍ഡ് ചെയര്‍മാനും സെക്രട്ടറി ജനറലുമായ മാധവന്‍ ബി നായര്‍ അറിയിച്ചു. അമേരിക്കയില്‍ താമസിക്കുന്ന ഇന്ത്യന്‍ വംശജര്‍ക്കിടയില്‍ നിന്നും സ്വന്തം കര്‍മ്മ പഥങ്ങളില്‍ വെന്നിക്കൊടി നാട്ടി സമൂഹത്തിനു മുതല്‍ക്കൂട്ടായ ശ്രേഷ്ഠരെ ആദരിക്കുന്നതിനായാണ് നാമം എക്‌സലന്‍സ് അവാര്‍ഡ് സംഘടിപ്പിച്ചിട്ടുള്ളത്. കോവിഡിനു ശേഷം ഇതാദ്യമായാണ് അവാര്‍ഡ് ഫംഗ്ഷന്‍ ഒരുക്കുന്നത്.

അതി വിപുലമായ രീതിയിലാണ് ഇത്തവണത്തെ നാമം നാമം എക്‌സലന്‍സ് അവാര്‍ഡ് സംഘടിപ്പിച്ചിരിക്കുന്നതെന്ന് പ്രസിഡന്റ് ഡോ. ആശ മേനോന്‍ അറിയിച്ചു. വളരെ പ്രൊഫഷണലായ, സ്പെഷ്യല്‍ പെര്‍ഫോമന്‍സോടു കൂടിയ അത്യാകര്‍ഷകമായ കലാ സാംസ്‌കാരിക വിരുന്നായിരിക്കും ക്ഷണിക്കപ്പെട്ട അതിഥികള്‍ക്കായി നാമം ഒരുക്കുക. വിവിധ കമ്മിറ്റികള്‍ വ്യത്യസ്ഥ തലങ്ങളിലായി ഈ പരിപാടിയുടെ വിജയത്തിനായി പ്രവൃത്തിക്കുന്നുണ്ട് എന്ന് സെക്രട്ടറി സുജ നായര്‍ ശിരോദ്കര്‍ പറഞ്ഞു.