ഇനി. (കവിത: അശോക് കുമാര്‍.കെ)
അശോക് കുമാര്‍.കെ Published on 15 September, 2023
ഇനിയേതു തിരിച്ചറിവുകള്‍
തേടേണ്ടു ഞാന്‍....
ഇനിയേതു ജീവതിരകളില്‍
പിടയ്‌ക്കേണ്ടു ഞാന്‍...
ഇനിയേതു സങ്കടക്കാറ്റു ചിറകില്‍
പറക്കമാകേണ്ടു ഞാന്‍...
ഇനിയേതു നാവുതുടിപ്പിന്‍
വാക്കുകളാകേണ്ടു ഞാന്‍...
ഇനിയേതു ശരി കേള്‍വിയില്‍
കാതു തുറക്കേണ്ടു ഞാന്‍....
ഇനിയേതു കാഴ്ചയുടെ
കണ്ണുകളാകേണ്ടു ഞാന്‍....
ഇനിയേതു ചിന്തയുടെ
മനമിഴിതെളിക്കേണ്ടുഞാന്‍ ..
ഇനിയേതു ചലനത്തുടുപ്പില്‍
കാലുകളനക്കേണ്ടു ഞാന്‍...
മടങ്ങുന്നു, ഭൂവിനെ കൈകൂപ്പി..
സ്വപ്നം പോലൊരുമ കവാടംതുറക്കുന്നു...
അവിടെയെന്നേശുവും ബുദ്ധനും
നബിയും പിന്നെ കളരിദൈവങ്ങളും ......
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല