ചിത്രത്തില്‍ സൂര്യയെ ആദ്യം നായകനായി തീരുമാനിച്ചെങ്കിലും നടനും നിര്‍മ്മാതാവും ഒടുവില്‍ പിന്മാറുകയായിരുന്നുവെന്നാണ് ഗൗതം വാസുദേവ് നേരത്തെ നല്‍കിയ അഭിമുഖത്തില്‍ പറയുന്നത്. 'കേന്ദ്ര കഥാപാത്രത്തെ അവതരിപ്പിക്കാന്‍ അനുയോജ്യനാകുമെന്ന് താന്‍ കരുതിയ ആദ്യത്തെ നടന്‍ സൂര്യയാണ്. എന്നാല്‍ ആ സമയത്ത് അത് നടന്നില്ല. സിനിമയുടെ ഐഡിയോളജി അദ്ദേഹത്തിന് മനസ്സിലായില്ല. നടന്‍ എപ്പോഴും കംഫേര്‍ട്ടബിള്‍ ആയിരിക്കണം. ഒടുവില്‍ രണ്ട് മൂന്ന് വര്‍ഷത്തിന് ശേഷം വിക്രം സാറിനോട് ഈ വേഷത്തെക്കുറിച്ച് സംസാരിച്ചു. അദ്ദേഹത്തിന് ആശയം ഇഷ്ടപ്പെട്ടതോടെ ഒരു മടിയും കൂടാതെ നമുക്ക് ഈ സിനിമ ചെയ്യാം എന്ന് പറയുകയും ചെയ്തു'. ഗൗതം മേനോന്‍ അഭിമുഖത്തില്‍ പറഞ്ഞു.