വാഷിംഗ്ടൺ, ഡിസി: നാണ്യപ്പെരുപ്പം കണക്കിലെടുത്ത്   2024   വർഷത്തേക്കുള്ള ടാക്സിൽ ചില ഇളവുകൾ ഐ. ആർ.എസ്. വരുത്തി.

ബ്രാക്കറ്റ് ക്രീപ്പ് എന്നറിയപ്പെടുന്ന   പ്രതിഭാസം ഒഴിവാക്കാനും ഇത് ഉപകരിക്കും.   ഉയർന്ന പണപ്പെരുപ്പം കാരണം   വാങ്ങൽ ശേഷിയിൽ മാറ്റമില്ലെങ്കിലും നികുതിദായകർ ഉയർന്ന  ബ്രാക്കറ്റുകളിലേക്ക് തള്ളപ്പെടുന്നതാണ് ബ്രാക്കറ്റ് ക്രീപ്പ്.

എല്ലാ വർഷവും ഇത്തരം മാറ്റങ്ങൾ വരുത്തുന്നതാണെങ്കിലും ഈ വര്ഷം   വർദ്ധനവ് കൂടുതൽ ആയതിനാൽ ടാക്സിൽ കുറവ് കിട്ടും.

ഈ വർഷം, നികുതി ബ്രാക്കറ്റുകൾ ഏകദേശം 5.4% ഉയർന്നു. തന്മൂലം സ്റ്റാൻഡേർഡ് ഡിഡക്ഷൻ ഉയരും.

ഒരുമിച്ച് ഫയൽ ചെയ്യുന്ന വിവാഹിതർക്ക് ഇത്  27,700 ഡോളർ എന്നത്  29,200 ഡോളറായി ഉയരും.   വ്യക്തികൾക്ക്,   $14,600 ആയി ഉയർന്നു. നിലവിൽ ഇത് $13,850.

കുടുംബത്തലവന്മാർക്ക് അവരുടെ സ്റ്റാൻഡേർഡ് ഡിഡക്ഷൻ   $20,800-ൽ നിന്ന് $21,900-ലേക്ക് ഉയരും.

അവിവാഹിതരായ വ്യക്തികൾക്കുള്ള നികുതി ബ്രാക്കറ്റുകൾ താഴെ.
വ്യക്തികൾക്കും വിവാഹിതർക്കും ടാക്സ് ബ്രാക്കറ്റുകൾ 5.4% വർദ്ധിചത്ത പ്രയോജനം ചെയ്യും. അതേസമയം,    ഉയർന്ന നികുതി നിരക്ക് 37% ആയി തുടരും.

10% ടാക്സ് : $11,600 വരെ  വരുമാനം
12%: $11,600-ൽ കൂടുതൽ വരുമാനം
22%: $47,150-ൽ കൂടുതൽ   വരുമാനം
24%: $100,525-ൽ കൂടുതലുള്ള വരുമാനം
32%: $191,950-ൽ കൂടുതലുള്ള  വരുമാനം
35%: $243,725-ൽ കൂടുതലുള്ള  വരുമാനം
37%: $609,350-ൽ കൂടുതലുള്ള   വരുമാനം

ജോയിന്റ് ഫയലർമാർക്കുള്ള നികുതി ബ്രാക്കറ്റുകൾ:
10%: $23,200 വരെ നികുതി നൽകേണ്ട വരുമാനം
12%: $23,200-ൽ കൂടുതലുള്ള നികുതി വരുമാനം
22%: $94,300-ൽ കൂടുതലുള്ള നികുതി വരുമാനം
24%: $201,050-ൽ കൂടുതൽ നികുതി നൽകേണ്ട വരുമാനം
32%: $383,900-ൽ കൂടുതലുള്ള നികുതി വരുമാനം
35%: $487,450-ൽ കൂടുതലുള്ള നികുതി വരുമാനം
37%: $731,200-ൽ കൂടുതലുള്ള നികുതി വരുമാനം

മൂന്ന് അല്ലെങ്കിൽ അതിൽ കൂടുതൽ യോഗ്യതയുള്ള കുട്ടികളുണ്ടെങ്കിൽ കുടുംബങ്ങൾക്ക് $7,830 ലഭിക്കാൻ അർഹതയുണ്ട്. ഇപ്പോൾ  7,430 ഡോളർ .

ജീവനക്കാർക്ക് അവരുടെ ഹെൽത്ത് ഫ്ലെക്സിബിൾ അക്കൗണ്ടുകളിലേക്ക് കൂടുതൽ സംഭാവന നൽകാം, പരമാവധി സംഭാവന ഏകദേശം $150 മുതൽ $3,200 വരെ വർദ്ധിക്കും.