Quite beautiful!! Has so much ideas, ideals, but very seldom publishes his works, expresses his ideas, keep writing, good luck!!!

ഞാൻ ഒരു കവിയല്ല പണ്ഡിതനുമല്ല . പക്ഷെ 'പരിശുദ്ധ നുണ' എന്നെ സംബന്ധിച്ചടത്തോളം 'മരണന്തര ജീവിതവും, പുനർജന്മവും, യേശുവിനോട് ഒത്തു ആയിരം വർഷം ജീവിക്കാമെന്നുള്ള ' നുണയാണ്. ഈ നുണയിൽ, അല്ലെങ്കിൽ ഈ 'ബലിഷ്ടമായ അദൃഷ്ട ബന്ധനത്തിന്റെ' പിടിയിൽ നിന്ന് രക്ഷപ്പെടാൻ കഴിയാതെ 99 ശതമാനം ജനങ്ങളും' ജരാനരകൾ രോഗം മരണം ഇത് സത്യമാണ്. ഈ നിമിഷം ആസ്വദിക്കൂ അടുത്ത നിമിഷം ഉറപ്പില്ല . യാഥാർത്ഥ്യത്തെ പുണരൂ. അതുമാത്രമേ സിംഹമേ, പുലിയെ നിങ്ങളുടെ ദുഃഖം അകറ്റുകയുള്ളു. "ന നിർമ്മിതോ വൈ ച ദൃഷ്ടപൂർവോ ന ശ്രുയതെ ഹേമമയഃ കരംഗ: തഥാപി തൃഷ്ണ ജനി രാഘവസ്യ വിനാശകാലേ വിപരീതബുദ്ധി:" സ്വർണമയമായ മാനിനെ സൃഷ്ടിക്കപ്പെട്ടിട്ടില്ല . മുമ്പെങ്ങും കാണപ്പെട്ടില്ല. എന്നിട്ടും ശ്രീരാമന് അതിനെ പിടിക്കാൻ ആഗ്രഹമുണ്ടായി . ആപത്കാലത്ത് ബുദ്ധിയും വിപരീതമാകുന്നു. ( സ്വർഗ്ഗം ഇല്ല നരകവും ഇല്ല മരണാന്തര ജീവിതവും ഇല്ല പുനർജന്മവും ഇല്ല എന്നിട്ടും എല്ലാവർക്കും ഇത് കണ്ടറിഞ്ഞവരെ നമ്മൾ ആരും കിണ്ടിട്ടും ഇല്ല എങ്കിലും ആ പച്ച നുണയെ പുല്കാനും വിശ്വസിക്കാനും മോഹം - ഇതായിരിക്കാം ഈ സിംഹ ദുഖത്തിന് കാരണം. മനുഷ്യ ജീവിതത്തിന്റെ ദൈര്‍ഘ്യം കുറയുമ്പോൾ ഇത്തരം ചിന്തകൾ ഉണ്ടാകുന്നു ആ ചിന്തകളെ മനോഹരമായി അവതരിപ്പിച്ച കവിക്ക് കൂപ്പുകൈ . വിദ്യാധരൻ

Very well written my friend, your words are powerful. Keep writing, we are here to read and criticize.

പല തവണ വായിച്ചിട്ടും ഒന്നും മനസ്സിലായില്ല. എന്റെ അല്പജ്ഞാനത്തിൽ ഞാൻ സ്വയം സഹതപിക്കുന്നു. നല്ലതല്ലാതൊന്നും എന്റെ സ്നേഹിതൻ രാജു എഴുതില്ല എന്നറിയാം. അഭിനന്ദനങ്ങൾ!

ശ്രീ രാജു തോമസിന്റെ കവിത വർഷങ്ങളുടെ വിടവുകളിൽ നിന്നും പ്രത്യക്ഷപ്പെട്ടപ്പോൾ വളരെ സന്തോഷം തോന്നി. പണ്ടൊക്കെ ഒത്തിരി കവിതകൾ എഴുതിയിരുന്നു. കവിതകൾ ഞാനുമായി ചർച്ച ചെയ്യാറുണ്ട്.. ഈ കവിത എന്നെ ഇതിഹാസങ്ങളിലേക്ക്, വായനമുറിയിൽ മറന്നുവെച്ച പുസ്തകങ്ങളിലേക്ക്, കാവ്യസുരഭിലമായ കലാലയ കാലത്തേക്ക് കൊണ്ടുപോയി. മൃഗരാജന്റെ ദുഃഖത്തെപ്പറ്റിയാണ് കവിത.. മൂഷികന്റെ കൃതഘ്‌നത, ദന്തീന്ദ്രന്റെ വൈരം, ഈശ്വരന്റെ ശാപം ഇത് മൂന്നുമല്ല മറിച്ച് വളരെ ശക്തമായ അദൃഷ്ട ബന്ധനമാണ് കാരണമെന്ന് അവസാനം പറയുന്നുണ്ട്. പൂവിന്റെ ഉള്ളിൽ ഒരു വണ്ട് കിനാവ് കാണുന്നു എന്നാലോചിക്കാതെ അത് പിഴുതെറിഞ്ഞു ഒരു ആന, ദൈവത്തിന്റെ മനസ് ആര് കാണുന്നു എന്ന് മൂലകൃതിയിൽ കവി ചോദിക്കുന്നു. ആപത്ത് സമയത്ത് സഹായം ചെയ്തായാളെ കൊല്ലാൻ പദ്ധതിയിടുന്നു എലി. ഇതിൽ എലിയുടെ നന്ദിയില്ലായ്മ ശ്രദ്ധേയമാണ്. പൂച്ചയെപ്പേടിച്ച്‌ ഓടി വന്ന എലിയെ രക്ഷിക്കാൻ മുനി അതിനെ ഒരു പൂച്ചയാക്കി. പൂച്ച അങ്ങനെ വിലസുമ്പോൾ ഒരു നായ അതിനെ പിടിക്കാൻ ഓടിച്ച്. അപ്പോൾ മുനി പൂച്ചയെ ഒരു നായയാക്കി. പിന്നെ ഒരു പുലി വന്നപ്പോൾ നായയെ പുലിയാക്കി. ഇനി പേടിക്കാനില്ലെന്ന ഭാവത്തിൽ പുലി സമാധാനിച്ച് നടക്കുമ്പോൾ നാട്ടുകാർ പറയുന്നത് കേട്ട്. ആ മുനി ഒരു എലിയെ പിടിച്ച് പുലിയാക്കി കൊണ്ട് നടക്കുന്നു. മുനി എത്ര ദയാലു . പുലിയൂടെ അഭിമാനപ്രശനം. പുലി ആലോചിച്ച് മുനിയെ തട്ടിക്കളയുക പിന്നെ ആര് അറിയാൻ. ഇതാണ് മനുഷ്യ സ്വഭാവവും. പക്ഷെ ഇതൊന്നുമല്ല കാണാൻ പറ്റാത്ത വിധിയാണ് ദുഖത്തിന് കാരണം. നന്മയും തിന്മയും ചെയ്യുന്നതിന്റെ ഫലമായി വരുന്ന സുഖദുഃഖ അനുഭവങ്ങൾ. പൂർവ കര്മഫലവുമാകാം. സിംഹത്തിന്റെ ദുഖത്തിലൂടെ മനുഷ്യരുടെ ജീവിതസാമ്യവും കവി അറിയിക്കുന്നു. വാർദ്ധക്യം നമ്മെ തളർത്തുമ്പോൾ നമ്മളിൽ ദുഃഖം നിഴൽ വിരിയിച്ച് നിൽക്കുന്നു. കവിതകൾ വായനക്കാരെ ചിന്തിപ്പിക്കണം. അല്ലാതെ അവർക്ക് മനസിലാകാത്ത വിധം എഴുതിയിട്ട് എന്ത് കാര്യം. ശ്രീ രാജു തോമസിന് അനുമോദനങ്ങൾ.

എന്ത് മനസ്സിലാക്കാനാണ് മൈലപ്രേ ? വിദ്യാധരൻ മാഷ് പറഞ്ഞത് തന്നെ ശരി . എത്രായിരങ്ങളാണ് ഈ പരിശുദ്ധ നുണയുടെ കുരുക്ക് അഴിക്കാൻ വയ്യാതെ ശ്വാസം മുട്ടി മരിക്കുന്നത്. കാലാകാലങ്ങളായി നമ്മളുടെ മേൽ അടിച്ചേൽപ്പിച്ചിരിക്കുന്ന നുണയുടെ ബന്ധനങ്ങൾ പൊട്ടിക്കാൻ വയ്യാതെ എത്ര സിംഹങ്ങൾ വടിയാകുന്നത്. ഒരു നിരീശ്വരനാകു സ്വാതന്ത്രനാവു എന്ന് പറഞ്ഞാലും കേൾക്കില്ല. ദുഃഖം കടിച്ചമർത്തി ജീവിക്കും. സമൂഹം എന്ത് പറയും ബന്ധുക്കൾ എന്ത് പറയും അച്ചൻ എന്ത് പറയും കൊച്ചമ്മ എന്ത് പറയും . എന്നൊക്കെയുള്ള ചിന്തകളുടെ കരകാണാ കടലിൽ . ചെകുത്താന്റെ സാന്നിദ്ധ്യത്തിൽ കവി മുങ്ങി ചാവുവന്നതിനു മുൻപ്, രക്ഷപ്പെടൂ സുഹൃത്തേ. നഷ്ടപ്പെടുവാൻ ചങ്ങലകൾ മാത്രം. ദുഃഖ സാഗരത്തിൽ മുങ്ങി ചാവുന്നതിന് മുൻപ് ഇതാ ഈ നിരീശ്വരന്റെ കയ്യ് പിടിച്ചു കരയ്ക്കു കയറു. ഐ ലവ് യു.

Thank you all for your kind words of appreciation and encouragement.