ടെക്‌സാസ് : 2024-ലെ റിപ്പബ്ലിക്കന്‍ പ്രസിഡന്‍ഷ്യല്‍ നാമനിര്‍ദ്ദേശത്തിനുള്ള മുന്‍നിരക്കാരന് ടെക്‌സസ് ഗവര്‍ണര്‍ ഗ്രെഗ് ആബട്ടിന്റെ അംഗീകാരം ലഭിച്ചു. 'ഞങ്ങള്‍ക്ക് അമേരിക്കയുടെ പ്രസിഡന്റായി ഡൊണാള്‍ഡ് ജെ. ട്രമ്പിനെ തിരികെ വേണം,' റിപ്പബ്ലിക്കന്‍ ഗവര്‍ണര്‍ ടെക്‌സസിലെ എഡിന്‍ബര്‍ഗില്‍ മുന്‍ പ്രസിഡന്റുമായുള്ള ഒരു പരിപാടിയില്‍ പറഞ്ഞു.

കുടിയേറ്റ വിരുദ്ധ പ്രസ്താവനകള്‍ ശക്തമാക്കുന്നതിനിടയില്‍  പ്രസിഡന്റ് ഡൊണാള്‍ഡ് ട്രമ്പ് ഞായറാഴ്ച യുഎസ്-മെക്സിക്കോ അതിര്‍ത്തിക്കടുത്തുള്ള ടെക്സാസ്  സന്ദര്‍ശിക്കുന്ന സമയത്തായിരുന്നു ഗ്രെഗ് ആബട്ടിന്റെ [പ്രഖ്യാപനം.തന്റെ കുടിയേറ്റ വിരുദ്ധ സമീപനവും  കടുത്ത ഇമിഗ്രേഷന്‍ നയ നിര്‍ദ്ദേശങ്ങളിലെ പ്രചാരണങ്ങളും വര്‍ദ്ധിപ്പിക്കുന്നതിന്റെ ഭാഗമായിരുന്നു സന്ദര്‍ശനം

സൗത്ത് ടെക്സസ് ഇന്റര്‍നാഷണല്‍ എയര്‍പോര്‍ട്ടില്‍ ഒരു ചെറിയ ജനക്കൂട്ടത്തിന് മുന്നില്‍ സംസാരിച്ച ട്രമ്പ്, അതിര്‍ത്തി കൈകാര്യം ചെയ്യുന്നതിനെച്ചൊല്ലി പ്രസിഡന്റ് ജോ ബൈഡനെ ആക്ഷേപിച്ചു, 'ചരിത്രത്തിലെ ഏറ്റവും സുരക്ഷിതമല്ലാത്ത അതിര്‍ത്തിയാണ് ഇപ്പോള്‍ യുഎസിനുള്ളത്, ഞാന്‍ വിശ്വസിക്കുന്നു, ശരിക്കും ലോകത്തിലെ' എന്ന് വാദിച്ചു.

അടുത്ത വര്‍ഷം വൈറ്റ് ഹൗസ് വിജയിച്ചാല്‍ 'അമേരിക്കന്‍ ചരിത്രത്തിലെ ഏറ്റവും വലിയ ആഭ്യന്തര നാടുകടത്തല്‍ ഓപ്പറേഷന്‍' നടത്തുമെന്ന് വാഗ്ദാനം ചെയ്തുകൊണ്ട് മുന്‍ പ്രസിഡന്റ് പ്രചാരണ പാതയില്‍ തന്റെ പിന്തുണ  വര്‍ദ്ധിപ്പിക്കുകയാണ്. രേഖകളില്ലാത്ത കുടിയേറ്റക്കാര്‍ ''നമ്മുടെ രാജ്യത്തിന്റെ രക്തത്തെ വിഷലിപ്തമാക്കുന്നു'' എന്ന് അദ്ദേഹം പറഞ്ഞു, എന്റെ  അഭിപ്രായങ്ങളില്‍ യുഎസിലേക്ക് വരുന്ന കുടിയേറ്റക്കാരെ സാങ്കല്‍പ്പിക സീരിയല്‍ കില്ലര്‍ ഹാനിബാള്‍ ലെക്ടറുമായി ട്രംപ് താരതമ്യം ചെയ്തു.

''നമ്മുടെ തെക്കന്‍ അതിര്‍ത്തിയിലെ അധിനിവേശം നിര്‍ത്തുക എന്നത് അടിയന്തര ദേശീയ സുരക്ഷാ ആവശ്യകതയും പ്രസിഡന്റ് ട്രംപിന്റെ മുന്‍ഗണനകളില്‍ ഒന്നാണ്. ഇക്കാരണത്താല്‍, അതിര്‍ത്തി ഭദ്രമാക്കുന്നതിനും അനധികൃത കുടിയേറ്റം തടയുന്നതിനും നമ്മുടെ രാജ്യത്തേക്ക് ഒരിക്കലും അനുവദിക്കാന്‍ പാടില്ലാത്തവരെ നീക്കം ചെയ്യുന്നതിനുമുള്ള ഏറ്റവും വിശദമായ പരിപാടി അദ്ദേഹം സ്വന്തം പ്രസംഗങ്ങളിലും അജണ്ട 47 പ്ലാറ്റ്ഫോമിലും അവതരിപ്പിച്ചു. ' ട്രമ്പ് പ്രചാരണത്തിന്റെ വക്താവ് പ്രസ്താവനയില്‍ പറഞ്ഞു.