നമ്മുടെ അടുത്തെത്തുന്ന
ഓരോ ശ്വാസത്തിനേയും ഇഷ്ടപ്പെടണം .... 
ഓരോന്നിനും പറയാനുണ്ടായിരിക്കും
ഒരുപാടിഷ്ടങ്ങളെ പറ്റി !

നമ്മുടെ ഇഷ്ട സ്ഥലങ്ങളിൽ
ചുറ്റി വന്നത്,
ഇഷ്ടപ്പെട്ടവരെ 
കണ്ടുമുട്ടിയത് ,
ഇഷ്ട ശബ്ദങ്ങൾ 
കേട്ടത്,
ഇഷ്ട ഗാനങ്ങൾ
പാടിയത് ,
ഇഷ്ട മിഴികളിൽ 
നനവൊപ്പിയത് ,
ഇഷ്ട മുഖങ്ങളിൽ 
വെറുതെ
നുള്ളി വന്നത് ,
ഇഷ്ട നോവുകളുടെ ചിരിയിൽ
തഴുകി വന്നത്,
ഇഷ്ടക്കാരെ 
കൊഞ്ഞനം കുത്തിയത് ,
ഇഷ്ട മണങ്ങള 
പേറി വന്നത് ,
ഇഷ്ടപ്പെട്ടവരെ
വിളിച്ചുണർത്തിയത് ,
ഇഷ്ടപ്പെട്ടവരെ
കരയിക്കാൻ 
മരച്ചോട്ടിൽ ഒളിച്ചിരുന്നത് ,
ഇഷ്ടനെല്ലിക്കകൾ
 ആട്ടിക്കൊതിപ്പിച്ചത് ,
ഇഷ്ടമേഘങ്ങളെ 
തട്ടിക്കളഞ്ഞത് ,
ഇഷ്ട ചുംബനങ്ങളെ
 തട്ടിയെടുത്തത് ,
ഇഷ്ടപ്പെട്ടവരെ
 കണ്ണുപൊത്തിച്ചിരിപ്പിച്ചത് .......

അങ്ങനെ ..... 
അങ്ങനെ.....

അവ നമുക്കടുത്തെത്തുമ്പൊ
മൗനത്തിലുറഞ്ഞു 
നമ്മിൽ കീഴ്പ്പെടുന്ന നേരവും ,
നമ്മിലെ മരണത്തെ തോൽപ്പിച്ച്
ഇഷ്ടത്തോടെ 
ജീവൻ പകരുന്നത് 
അങ്ങനെയാകാം ....