പലനാൾ പലയിടം
നിന്നെത്തേടി ഞാൻ
കണ്ണു തുറന്നു നടന്നു....
പുഴകൾ, മലകൾ
തെരുവിൻ വീഥികൾ
വെയിലും മഴയും 
കൊണ്ടു നടന്നു ..
ഞാൻ,
നിന്നെത്തേടി നടന്നു.
               ( പലനാൾ.....)

ഒരിടവം നീയെൻ്റെ
നേരേ വന്നില്ല;
സ്വപ്നത്തിലുമൊരു
ചിരി തന്നില്ല....
നിന്നെയൊരു മാത്ര പോലും
കണ്ടില്ല ....
            (പല നാൾ..)

പുഴ തെറ്റിയൊഴുകിയ
കുന്നരികിലൊരു
വെള്ളാമ്പലിനെ കണ്ടപ്പോൾ
ആൽമരച്ചില്ലയിൽ
പീലി വിടർത്തിയ
പേടമയിലിനെ കണ്ടപ്പോൾ,

നീയെന്നരികിൽ
വന്നു തഴുകിയ
ഓമൽവിരലുകൾ തൊട്ടപോലെ ...

    ( പല നാൾ....)

നിലാവ് വീണു നിറയുന്ന
പൊയ്കയിൽ
ഇന്ദുമുഖീ നിന്നെ
കണ്ടപ്പോൾ...

ഇളം കാറ്റ് തൊട്ടു തലോടുന്ന
പൂവിൻ്റെ ചുറ്റിലും
ശലഭങ്ങൾ പറക്കും പോലെ ..

നീയെന്നരികിൽ വന്നണയുന്നു
കല്ലോലന ഗാനം
തഴുകും പോലെ....

      (പല നാൾ.....)