ന്യു  യോർക്ക്: വിജയകരമായ ഒരു കൺവൻഷൻ നടത്തുകയും 50,000 ൽ പരം ഡോളർ ചാരിറ്റിക്കായി മിച്ചം വയ്ക്കുകയും ചെയ്തു സംതൃപ്തിയോടെ അധികാരകൈമാറ്റത്തിനൊരുങ്ങുകയാണ് ഡോ. ജേക്കബ് തോമസ് പ്രസിഡണ്ടായ ഫോമാ ഭരണസമിതി.

ജനറൽ ബോഡിയിൽ ആണ്  അധികാരകൈമാറ്റം. ഈ മാസം  26-ാം തീയയി ശനിയാഴ്ച  2 മുതൽ   സ്റ്റാഫോര്‍ഡിലെ ഇമ്മാനുവേല്‍  സെന്ററില്‍ (12801 Sugar Ridge Blvd, Stafford, TX 77477) ആണ് ജനറൽ ബോഡി. വൈകിട്ട് ആറു  മണി മുതൽ ബേബി മണക്കുന്നേലിന്റെ നേതൃത്വത്തിലുള്ള പുതിയ ടീമിന്റെ വർണാഭമായ പ്രവർത്തനോദ്ഘാടനം നടക്കും.

ജനറൽ ബോഡി ന്യു യോർക്കിൽ ആണ്  ഉദ്ദേശിച്ചായിരുന്നതെങ്കിലും ഹ്യൂസ്റ്റനിൽ പ്രവർത്തനോദ്ഘാടനാം നടത്തണമെന്ന പുതിയ ടീമിന്റെ അഭ്യർത്ഥനപ്രകാരം ജനറൽ ബോഡിയും അങ്ങോട്ട് മാറ്റുകയായിരുന്നുവെന്നു ഡോ. ജേക്കബ് തോമസും സ്ഥാനമൊഴിയുന്ന  സെക്രട്ടറി ഓജസ് ജോൺ, ട്രഷറർ ബിജു തോണിക്കടവിൽ, വൈസ് പ്രസിഡണ്ട്   സണ്ണി വള്ളിക്കളം എന്നിവരും   പറഞ്ഞു.  അംഗങ്ങൾ  രണ്ടു യാത്ര ഒഴിവാക്കാൻ വേണ്ടിയാണ്  പുതിയ ഭരണസമിതിയുടെ അഭ്യർത്ഥന സ്വീകരിച്ചത്.

വയനാട് ദുരിതാശ്വസത്തിനായി ഗോ ഫണ്ട് മി വഴി 12000 ഡോളർ സമാഹരിച്ചിട്ടുണ്ട്. കൺവൻഷന്റെ മിച്ചം തുക വേറെയുമുണ്ട്. വായനാടിൽ വീട് വച്ച്  നൽകാൻ ഈ തുക ഉപയോഗിക്കണം. വീട് എവിടെ പണിയുമെന്നത് സംബന്ധിച്ച അന്തിമ തീരുമാനങ്ങൾ സര്ക്കാരിൽ നിന്ന് ഇനിയും ലഭിച്ചിട്ടില്ല.  ഓഗസ്റ് 9, 2024  ൽ നടന്ന ജനറൽ ബോഡിയുടെ തീരുമാനം നടപ്പിലാക്കുവാൻ പുതിയ ടീം പ്രതിജ്ഞാബദ്ധരാണ്.   

 ജനറൽ ബോഡിയിൽ മറ്റ് എന്ത് വിഷയങ്ങൾ ചർച്ച ചെയ്യണമെന്നത്  ആലോചിച്ചു വരുന്നു.

അതേസമയം,  തിരഞ്ഞെടുപ്പില്‍ വന്‍ ഭൂരിപഷം നേടി ചരിത്രം കുറിച്ച ബേബി മണക്കുന്നേലിന്റെ നേതൃത്വത്തിലുള്ള എക്‌സിക്യൂട്ടീവ് കമ്മിറ്റി തങ്ങളുടെ ജനപക്ഷ മുഖമുള്ള  പദ്ധതികള്‍ക്ക്  തുടക്കം കുറയ്ക്കുന്നതാണ് പ്രവര്‍ത്തനോദ്ഘാടന ചടങ്ങ്.

ഈ സമ്മേളനത്തില്‍ അമേരിക്കന്‍ മലയാളി സമൂഹത്തിലെ നാനാതുറയിലുള്ള വ്യക്തിത്വങ്ങള്‍ തങ്ങളുടെ മഹനീയ സാന്നിധ്യമറിയിക്കും. ചടങ്ങില്‍ സംഘടനയുടെ അടുത്ത രണ്ടു വര്‍ഷത്തേയ്ക്കുള്ള കര്‍മ പരിപാടികളുടെ പ്രഖ്യാപനവുമുണ്ടാവും. ശിങ്കാരി മേളത്തോടെയാണ് പരിപാടികള്‍ ആരംഭിക്കുന്നത്