കൊല്ലം പ്രവാസി അസോസിയേഷന്‍ ബഹ്റൈന്‍ കുടുംബാംഗങ്ങളെ ഉള്‍പ്പെടുത്തിക്കൊണ്ട് ക്രിസ്തുമസ് ആഘോഷം കെപിഎ ആസ്ഥാനത്ത്  ക്രിസ്മസ് രാവ് 2024  വിപുലമായി സംഘടിപ്പിച്ചു. കെപിഎ പ്രസിഡന്റ്  അനോജ് മാസ്റ്റര്‍ ഉദ്ഘാടനം നിര്‍വഹിച്ച പരിപാടിയില്‍ മുഖ്യാതിഥി ആയി സാമൂഹ്യ പ്രവര്‍ത്തകന്‍ സെയ്ദ് ഹനീഫ പങ്കെടുത്തു.  
സെയിന്റ് പോള്‍സ് മാര്‍ത്തോമാ പാരിഷ് ബഹ്‌റൈന്‍ വികാരി  റവറന്റ് ഫാദര്‍  മാത്യു ചാക്കോ ക്രിസ്മസ് സന്ദേശം നല്‍കി.

കെപിഎ  ജനറല്‍ സെക്രട്ടറി പ്രശാന്ത് പ്രബുദ്ധന്‍  സ്വാഗതം പറഞ്ഞ ചടങ്ങില്‍  ട്രഷറര്‍ മനോജ് ജമാല്‍, വൈസ് പ്രസിഡന്റ്  കോയിവിള മുഹമ്മദ് കുഞ്ഞു, സെക്രട്ടറി അനില്‍കുമാര്‍, സ്ഥാപക പ്രസിഡന്റ്  നിസാര്‍ കൊല്ലം, മുന്‍ സെക്രട്ടറിയേറ്റ് കമ്മിറ്റി അംഗങ്ങളായ  രാജ് കൃഷ്ണന്‍, കിഷോര്‍ കുമാര്‍,  സന്തോഷ് കാവനാട് എന്നിവര്‍ ക്രിസ്മസ് ആശംസകളും ട്രഷറര്‍  മനോജ് ജമാല്‍ നന്ദിയും  അറിയിച്ചു. തുടര്‍ന്ന് കെപിഎ  കരോള്‍ ടീം ലീഡേഴ്‌സ്  സെന്‍ട്രല്‍ കമ്മിറ്റി അംഗങ്ങളായ  ബിജു ആര്‍ പിള്ള, മജു വര്‍ഗീസ് എന്നിവരുടെ നേതൃത്വത്തില്‍  കരോള്‍ സംഘത്തിന്റെ കരോള്‍ ഗാനത്തോട് കൂടി കലാപരിപാടികള്‍ ആരംഭിച്ചു. ബഹറിന്‍ താരംഗ് ടീമിന്റെ ഗാനമേള, കെപിഎ ക്രിസ്തുമസ് രാവിനെ മികവുറ്റതാക്കി. പരിപാടിയില്‍ കെപിഎ സെന്‍ട്രല്‍ കമ്മിറ്റി അംഗങ്ങളും ഡിസ്ട്രിക്ട് കമ്മിറ്റി അംഗങ്ങളും കുടുംബാംഗങ്ങളും, പ്രവാസിശ്രീ അംഗങ്ങളും പങ്കെടുത്തു.