ആകാത്ത പണിക്ക് പോയി അപകടത്തിലാവുന്ന കുറെ കവികൾ ഉണ്ട് നമുക്കിടയിൽ. ( ഞാനുൾപ്പടെ ) അയൽ വീട്ടിലെ അമ്മാമ്മയുടെ അലിവിൽ പതിവായി ഉച്ചക്കഞ്ഞി തരപ്പെടുത്തിയിരുന്ന ഒരാളുടെ കഥയുണ്ട്.. ഒരു കാലിനു സ്വാധീനമില്ലാത്ത അയാൾ വീട്ടിലെത്തുമ്പോൾ എന്നും അമ്മാമ്മ ഉച്ചക്കഞ്ഞി കൊടുത്തിരുന്നു. ( നമ്മുടെ ഇ മലയാളിയെപ്പോലെ ) ഒരു ദിവസം മുറ്റത്തെ മാവിൽ നിന്ന് തോട്ടി കൊണ്ട് മാങ്ങാ പറിക്കാൻ ശ്രമിക്കുന്ന അമ്മാമ്മയോട് താൻ മാവിൽ കയറി മാങ്ങാ പറിക്കാം എന്നായി ഇയ്യാൾ. “ ആ ചട്ടുകാലും വച്ചോണ്ട് നീ മാവേൽ കേറണ്ട ഏലിയാസേ “ എന്ന അമ്മാമ്മയുടെ അപേക്ഷയെ തൃണവൽക്കരിച്ചു കൊണ്ട് അയാൾ മാവിൽ വലിഞ്ഞു കയറി മാങ്ങാ പറിച്ചിട്ടു. “ വേണ്ടായിരുന്നല്ലോ ഏലിയാസേ ” എന്ന് അമ്മാമ്മ പറഞ്ഞെങ്കിലും പിറ്റേ ദിവസം മുതൽ മരത്തിൽ കയറേണ്ടി വരുന്ന എന്തിനും ഏതിനും അമ്മാമ്മ ഏലീയാസിന്റെ സഹായം തേടി. “ ഏലിയാസേ ആ ചക്ക, ആ മാങ്ങ, ആ തേങ്ങ എന്നിങ്ങനെ പോയി അമ്മാമ്മയുടെ റിക്വസ്റ്റുകൾ. ചുരുക്കത്തിൽ ഏലിയാസിന് നിലത്തു നിൽക്കാൻ നേരമില്ലെന്നായി. ഗതികെട്ട ഏലിയാസ് അമ്മാമ്മയുടെ കണ്ണിൽപ്പെടാതെ ഒളിച്ചു നടക്കാൻ തുടങ്ങി. അതോടെ എന്നും കിട്ടിയിരുന്ന ഉച്ചക്കഞ്ഞിയിൽ മണ്ണ് വീണ ഏലീയാസിന്റെ അവസ്ഥ നമ്മുടെ കവികൾക്ക് സംഭവിക്കാതിരിക്കട്ടെ എന്ന് ആശംസിക്കുന്നു. ജയൻ വർഗീസ്.

That's true but a person of integrity can't remain silent, the urge to write become intensified and you write.(in your words you climb the tree)