മലയാളികൾക്ക് പ്രിയപ്പെട്ട വിഭവമാണ് പപ്പടം. എന്നാൽ ഇത് അമിതമായി കഴിക്കുന്നത് ആരോഗ്യത്തിന് ദോഷകരമാണെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു. ഇന്ന് വിപണിയിൽ പലതരം പപ്പടങ്ങൾ ലഭ്യമാണ്.

പപ്പടത്തിന്റെ പ്രധാന ചേരുവ ഉഴുന്നാണെങ്കിലും, ഉയർന്ന വില കാരണം പല നിർമ്മാതാക്കളും ഉഴുന്നിന് പകരം മൈദ ഉപയോഗിക്കുന്നു. ഇത് ദഹന പ്രശ്നങ്ങളിലേക്കും കുടൽ സംബന്ധമായ ബുദ്ധിമുട്ടുകളിലേക്കും നയിച്ചേക്കാം. കൂടാതെ, പപ്പടം കേടുകൂടാതെ ദീർഘനാൾ ഇരിക്കാൻ സോഡിയം ബൈക്കാർബണേറ്റ് (സോഡാക്കാരം) ചേർക്കുന്നുണ്ട്. ഇത് കുടലിലെ കാൻസറിന് വരെ കാരണമായേക്കാവുന്ന ഒരു രാസവസ്തുവാണ്. സോഡിയം കാർബണേറ്റ് കുടലിൽ പൊള്ളലുണ്ടാക്കുകയും അസിഡിറ്റി, അൾസർ, ദഹനപ്രശ്നങ്ങൾ എന്നിവയ്ക്ക് വഴിവയ്ക്കുകയും ചെയ്യും.

പപ്പടത്തിൽ ഉയർന്ന അളവിൽ ഉപ്പും സോഡിയം ബെൻസോയേറ്റും അടങ്ങിയിട്ടുള്ളതായി കണ്ടെത്തിയിട്ടുണ്ട്. അമിതമായ ഉപ്പ് ഉപയോഗം ഉയർന്ന രക്തസമ്മർദ്ദത്തിനും ഹൃദ്രോഗത്തിനും കാരണമാകും. എണ്ണയിൽ വറുത്തെടുക്കുന്നതിനാൽ, പപ്പടം പതിവായി കഴിക്കുന്നത് കൊളസ്ട്രോളിനും ദോഷകരമാണ്. അതിനാൽ, പപ്പടം കഴിക്കുന്നതിൽ മിതത്വം പാലിക്കുന്നത് ആരോഗ്യത്തിന് വളരെ പ്രധാനമാണ്.

English summery:

Overconsumption of pappadam may increase cancer risk; researchers issue warning.