Image

പാത്രിയാർക്കീസ് ബാവയുടെ മണർകാട് പള്ളി സന്ദർശനം ഓർത്തഡോക്സ് സഭയെ ആഴത്തിൽ മുറിവേല്‍പ്പിച്ചു; സർക്കാരിനെതിരെ കാതോലിക്കാ ബാവ

Published on 18 November, 2026
പാത്രിയാർക്കീസ് ബാവയുടെ മണർകാട് പള്ളി സന്ദർശനം  ഓർത്തഡോക്സ് സഭയെ ആഴത്തിൽ മുറിവേല്‍പ്പിച്ചു; സർക്കാരിനെതിരെ കാതോലിക്കാ ബാവ

യാക്കോബായ സഭാ അധ്യക്ഷന്റെ മണർകാട് പള്ളി സന്ദർശനത്തിൽ സർക്കാരിനെതിരെ രൂക്ഷ വിമർശനവുമായി ഓർത്തഡോക്സ് സഭാധ്യക്ഷൻ ബസേലിയോസ് മാർത്തോമ മാത്യൂസ് തൃതീയൻ കാതോലിക്കാ ബാവ. മണർകാട് പള്ളിയിൽ പ്രവേശിക്കാൻ പാത്രിയാർക്കീസ് ബാവയ്ക്ക് അനുമതിയില്ല. എന്നാൽ അതിന് സർക്കാർ ഒത്താശ ചെയ്തത് ഖേദകരമാണ്. 

സമാധാന ശ്രമങ്ങൾക്ക് തുരങ്കം വെക്കുന്ന നീക്കമാണ് സർക്കാർ തലത്തിൽ ഉണ്ടായതെന്നും കാതോലിക്കാ ബാവ മാധ്യമങ്ങളോട് പറഞ്ഞു. സംഭവം ഓർത്തഡോക്സ് സഭയെ ആഴത്തിൽ മുറിവേല്‍പ്പിച്ചുവെന്നും അദ്ദേഹം പറഞ്ഞു.

സമാധാന ശ്രമങ്ങൾ അന്തിമഘട്ടത്തിലാണെന്നാണ് സർ‌ക്കാർ‌ കോടതിയിൽ‌ അറിയിച്ചത്. എന്നാൽ അങ്ങനെ ഒരു ചർച്ച നടന്നിട്ടില്ല. അത് മറച്ചുവെച്ചാണ് കോടതിയിൽ പറഞ്ഞത്. സമാധാനത്തിന് തുരങ്കംവെക്കുന്ന നീക്കം സർക്കാരിന്റെ ഭാഗത്ത് നിന്നുണ്ടായത് ഖേദകരമാണെന്നും അദ്ദേഹം പറഞ്ഞു.


സര്‍ക്കാര്‍ ഏകപക്ഷീയമായി നിലപാടെടുത്തെന്നും കോതമംഗലത്തും മണര്‍കാടും നടന്നത് സര്‍ക്കാര്‍ സ്‌പോണ്‍സേര്‍ഡ് പ്രോഗ്രാമെന്നും ഓര്‍ത്തഡോക്‌സ് സഭ മാധ്യമ വിഭാഗം തലവന്‍ ഡോ. യൂഹാനോന്‍ മാര്‍ ദീയസ്‌കോറസ് മെത്രാപ്പൊലീത്ത കഴിഞ്ഞ ദിവസം വിമര്‍ശിച്ചിരുന്നു

Join WhatsApp News
Eldos Peter, Angamally. 2026-11-18 16:43:25
കരീം ബാവ കുറച്ചുകാലം കേരളത്തിൽ ഉണ്ടായിരുന്നു എന്നാണ് കേട്ടത്. അന്നൊക്കെ കുഴമ്പും എണ്ണയും ഒക്കെ ഉപയോഗിക്കുന്ന ആയുർവേദ തിരുമലും ഉഴിച്ചിലും കരീം ബാവക്ക് ലഭിച്ചു. ആയുർവേദ ശാലയിൽ എണ്ണ കാച്ചുന്നതിൽ നല്ല പരിചയവും കരീം ബാവക്കു ലഭിച്ചു. സാധാരണ കേരളത്തിലെ പല കുടുംബങ്ങളിലും എണ്ണയും കുഴമ്പും ഒക്കെ ഉണ്ടാക്കാറുണ്ട്. അതുപോലെ കുറെ സുഗന്ധ ദ്രവ്യങ്ങൾ കൂട്ടി ചേർത്ത് ഉണ്ടാക്കുന്ന തൈലം ആണ് മൂറോൻ. ഇ എണ്ണ കാച്ചാൻ ഓരോ യാക്കോബായ കുടുംബത്തിൽനിന്നും 500 രൂപയും പിരിച്ചു. കോടികൾ വാങ്ങി 'ബിലീവേഴ്‌സ് ചർച്ചിന് ' മൂറോൻ വിറ്റു. ഇപ്പോൾ ധാരാളം സ്റ്റോക്ക് ഉണ്ട്. ഇനിയും മൂറോൻ വിറ്റു യാക്കോബായ കോപ്പർറേറ്റ് സോസയിറ്റിക്ക് ധാരാളം പണം സമ്പാദിക്കാം!
Joseph Manalil 2026-11-18 17:17:24
ഇനിയും യാതൊരു വിധ സമാധാന ചർച്ചക്കും മലങ്കര സഭ പോകരുത് എന്നാണ് ഞങ്ങൾക്ക് പറയാനുള്ളത്. കഴിഞ്ഞ കാലങ്ങളിൽ ഉണ്ടായ എല്ലാ ചർച്ചകളും ചതിവും വഞ്ചനയും കാര്യങ്ങൾ നീട്ടികൊണ്ട് പോകാൻ ഉള്ള തന്ത്രവുമായിരുന്നു എന്നത് സത്യം. മലങ്കരസഭ നേതൃത്വം ഉണർന്നു പ്രവർത്തിച്ചു കേസുകൾ നടത്തുകയും വിധികൾ താമസംവിനാ നടപ്പാക്കാനും ആണ് നോക്കേണ്ടത്. ആഗോള കത്തോലിക്കാ സഭയുടെ 0.5% മാത്രമാണ് കേരള കത്തോലിക്കർ, എന്നാൽ ആഗോള സിറിയൻ ഓർത്തഡോക്സ് സഭയിൽ 90% മലയാളികൾ തന്നെയാണ്. ചോദ്യം ഇതാണ് 1 ഒരു മലയാളിക്ക് പോപ്പ് ആകാൻ പറ്റുമോ ? 2 ഒരു മലയാളിക്ക് അന്തിയോക്യൻ പാത്രിയർക്കീസ് ആകാൻ പറ്റുമോ ? അന്ത്യോക്യൻ പാത്രിയർക്കീസിൻ്റെ സഭയിൽ 90% മലയാളികൾ തന്നെ! ബോണസ് ചോദ്യം : അന്ത്യോക്യൻ സിംഹാസനം ഇപ്പോൾ എവിടെ ആണ് ? എന്ത് ചർച്ച ചെയ്താലും സമാധാനപരമായ ഒരു യോജിപ്പ് ഉണ്ടാകുമെന്ന് തോന്നുന്നില്ല. കാരണം യാക്കോബായ വിഭാഗത്തിന് ഒരു ഫിക്സഡ് അജണ്ടായാ ഉള്ളത് രണ്ടായി പിരിയുക. അവരുടെ സ്വാർത്ഥ താല്പര്യങ്ങൾ അവർക്ക് സംരക്ഷിച്ചേ തിരു.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക