ഹവ്വാക്കവിതകള്‍ 2/13 - ജോര്‍ജ് നടവയല്‍

ജോര്‍ജ് നടവയല്‍ Published on 18 February, 2013
ഹവ്വാക്കവിതകള്‍ 2/13 - ജോര്‍ജ് നടവയല്‍
പതിരും കതിരും
നേതാവ് പതിരായാല്‍
പാതിരാ കൂരിരുട്ട് കുതിരയാകും;
നേതാവ് കതിരായാല്‍
കതിരവനുടലാര്‍ന്നുണര്‍ന്നു നില്‍ക്കും.
ഇടയനും ചെന്നായ്ക്കളും
ഇടയനിടറിയാല്‍
ചെന്നായ്ക്കള്‍ പടരും.
ബലിയും ജനവും
ബലിയര്‍പ്പിച്ച് ബലിയര്‍പ്പിച്ച്
ജനത്തെ മറക്കല്ലേ!
മണ്ണും പെണ്ണും
മണ്ണില്‍ നിന്നുള്ളത് മണ്ണിലേയ്ക്കെങ്കില്‍
പെണ്ണില്‍നിന്നുള്ളത് പെണ്ണിലേയ്ക്കല്ലേ?
നൊന്തു പേറിന്‍ കനി
നന്മതിന്മകളുടെ വൃക്ഷത്തിലാണോ
നൊന്തു പേറിന്‍കനി വിളയുന്നൂ?
ഹവ്വാക്കവിതകള്‍ 2/13 - ജോര്‍ജ് നടവയല്‍
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക