MediaAppUSA

സൂക്ഷിക്കണേ പെണ്ണെ ...!! (കവിത: ഗീതാ രാജന്‍)

Published on 10 April, 2013
സൂക്ഷിക്കണേ പെണ്ണെ ...!! (കവിത: ഗീതാ രാജന്‍)
`കൊത്തി പറിക്കാന്‍
കാത്തിരിപ്പുണ്ട്‌ കഴുകന്മാര്‍
`സൂക്ഷിക്കണേ പെണ്ണെ
നിന്റെയീ ശര്രീരം`
കൗമാരത്തില്‍ മുതിര്‍ന്നവര്‍
ചൊല്ലി പടിപ്പിച്ചതങ്ങനെ !!

വഴിവളവിലും പീടിക തിണ്ണയിലും
കണ്ണു കൊണ്ടാളന്നു കീറി
മുറിക്കുമ്പോഴും സൂപ്പര്‍
ഫിഗര്‍ എന്ന്‌ കരുതി
അഭിമാനം കൊണ്ട്‌
ഉരുവിട്ട്‌ നടന്നു
സൂക്ഷിക്കണേ പെണ്ണെ
നിന്റെയീ ശരീരം

`കളികോപ്പായീ വാങ്ങി തന്ന
വിലകിട്ടിയൊരു കളിപ്പാട്ടം
എനിക്ക്‌ സ്വന്തമാണീ ശരീരം ..`
മൊഴിഞ്ഞ കണവന്‍
നിക്ഷേപിച്ചതിനെ
പടവുകള്‍ കയറനൊരു
പടിയാക്കി കാലടിയില്‍ !!

`നിന്റെ ശരീരമൊന്നു
പ്രദര്‍ശിപ്പിക്കാന്‍ വയ്യെങ്കില്‍
വേണ്ട നിന്റെ സൗഹൃദം `
എന്നോതി പിരിഞ്ഞു പോയൊരു
സൈബര്‍ ചങ്ങാത്തം!!

`കൃമി കീടങ്ങള്‍ക്കൊരു നാള്‍
ഭക്ഷണമായി കൊടുക്കുവാന്‍
സൂക്ഷിച്ചുവക്കണമീ ശരീരം
ഒരു പോറല്‍ പോലുമേല്‍ക്കാതെ!!`
ഞാന്‍ എന്നോട്‌ തന്നെ
പറഞ്ഞതോ....കേട്ടതോ....
അങ്ങനെ മാത്രം!!
സൂക്ഷിക്കണേ പെണ്ണെ
നിന്റെ ശരീരം!!
സൂക്ഷിക്കണേ പെണ്ണെ ...!! (കവിത: ഗീതാ രാജന്‍)
LAXMAN CK 2013-04-18 22:35:20
ഗീത രാജന്‍റെ കവിത നന്നായിരിക്കുന്നു.  അക്ഷരപ്പിശാച് കയറിപ്പറ്റിയിട്ടുണ്ട്.  ഉദാ: പഠനമാണ് ശരി....  പടനമല്ല.  ലക്ഷ്മണ്‍. സി.കെ. ആര്‍പ്പൂക്കര, കോട്ടയം
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക