-->

America

പുസ്തകം: മായാപുരത്തിലെ മായക്കാഴ്ച്ചകള്‍ (ശ്രീപാര്‍വതി)

Published

on

പി സുരേന്ദ്രന്‍ എന്ന എഴുത്തുകാരന്റെ എഴുത്ത്‌ശൈലി അദ്ദേഹത്തെ വായിച്ചു തുടങ്ങിയപ്പോള്‍ ഒട്ടും പരിചിതമായിരുന്നില്ല. വായനയിലെ എന്റെ കുറവുകളെ ഞാനംഗീകരിക്കുന്നു. എങ്കിലും ഒരു പുസ്തകത്തിന്റെ വായനയിലേയ്ക്കു കടക്കുമ്പോള്‍ ആദ്യമുണ്ടായിരുന്ന അമ്പരപ്പ് വിട്ടൊഴിയുകയും അവിടെ ഒരു സമരസാവസ്ഥ കൈവരികയും ചെയ്യുന്നത് ഒരു ആനന്ദമാണ്. അതേ അവസ്ഥയില്‍ എട്ടു വര്‍ഷങ്ങള്‍ക്കു മുന്‍പ് ആനന്ദിന്റെ 'ഗോവര്‍ദ്ധന്റെ യാത്ര' വായിക്കപ്പെട്ടപ്പോള്‍ ആ ആനന്ദം ഞാനറിഞ്ഞതാണ്. അതേ അത്യാനന്ദം തരാന്‍ കഴിവുള്ള പുസ്തകങ്ങള്‍ മാത്രമേ എനിക്കു വായിക്കാനുമാകൂ. മാജിക്കല്‍ റിയലിസത്തിന്റെ ആഴങ്ങളേയ്ക്ക് വായനകകരനെ വലിച്ചെറിഞ്ഞ 'പാണ്ടവപുരത്തിലൂടെ അത് മെല്ലെ നടന്നു നീങ്ങുകയാണ്. ഇന്നിപ്പോള്‍ പി സുരേന്ദ്രന്റെ 'മായാപുരാണം' എന്ന നോവല്‍ വായിച്ചു നിര്‍ത്തുമ്പോള്‍ അതേ മാജിക്കല്‍ റിയലിസത്തില്‍ ഞാന്‍ വീണ്ടും തട്ടി വീഴുന്നു. മനപ്പൂര്‍വ്വം ഇതൊക്കെ തേടി വരുന്ന പോലെ.

ഒരു മാന്ത്രിക ലോകമാണ്, മായാപുരം. സ്‌നേഹലത എന്ന പെണ്‍കുട്ടിയുടെ വിഹ്വലതകളില്‍ ഒരശ്വാസവാക്കു കൊണ്ട് അവളെ ആശ്വസിപ്പിക്കാനാവുന്നതിലുമധികം മായാപുരം അവളെ ശാന്തയാക്കി. ഒരു തരം രൂപാന്തരണത്തില്‍ സ്‌നേഹലത ഏര്‍പ്പെടുമ്പോള്‍ മായാപുരം എന്ന മാജിക്കല്‍ റിയല്‍ ലോകം അവളിലേയ്ക്ക് ഇറങ്ങി ചെല്ലുന്നുണ്ട്.

സോഷ്യലിസം ഏതൊരു തിളയ്ക്കുന്ന യൌവ്വന മനസ്സിനെ എന്ന പോലെ സ്‌നേഹലതയിലും എന്നോ വേരൂന്നിയിരുന്നു. അതുകൊണ്ടാകണം അവള്‍ക്ക് വേശ്യാത്തെരുവിലും ചന്തക്കുട്ടികള്‍ക്കിടയിലും അവള്‍ സ്വയം തിരയനിറങ്ങിയത്. പക്ഷേ ഒരു പ്രത്യേക സമൂഹത്തിന്റെ ജീവിതലോകം എന്നത് സങ്കുചിതമായ ഒരു അവസ്ഥയാണെന്ന് ആ യാത്രയിലെങ്ങോ അവള്‍ തിരിച്ചറിയുന്നുണ്ട്. അതേ വഴിയില്‍ വച്ചു തന്നെ കണ്ടുമുട്ടുന്ന ശിവന്‍ അവളുടെ പുനര്‍ജ്ജന്‍മമായിരുന്നു. അലക്കിത്തേച്ച പരുത്തി സാരിയ്ക്കു പകരം ശിവന്റെ ബൈക്കിന്റെ വേഗതയ്‌ക്കൊപ്പം അവന്റെ മനസ്സിലേയ്ക്കും പിന്നീട് ശരീരത്തിലേയ്ക്കും പടര്‍ന്നു കയറുമ്പോള്‍ അവള്‍ മനസ്സിലാക്കി, കണ്ടു മടുത്ത ഫ്‌ലാറ്റിന്റെ നാലു ചുവരുകള്‍ പണ്ടു കണ്ട മനസ്സുകള്‍ പോലെ എത്ര ഇടുങ്ങിയതാണെന്ന്. വിശാലമായ ആകാശത്തിന്റെ കീഴില്‍ അവര്‍ ബന്ധനങ്ങളില്ലാതെ ബന്ധങ്ങളുണ്ടാക്കി.

ബന്ധങ്ങളുടെ ഇടയിലുള്ള ചില മുളകള്‍ക്ക് ഒരു ചെറു കാറ്റിനെ പ്രതിരോധിക്കാനായില്ലെന്നു വരാം. ആയുസ്സൊടുങ്ങാതെ അത് പിടഞ്ഞു തീര്‍ന്നെന്നും വരാം. വേഗതയുടെ തീവ്രതയില്‍ കടന്നു വരാനൊരുങ്ങിയ വളര്‍ച്ചയെ അതിന്റെ ആദ്യ മാസങ്ങളില്‍ തന്നെ സ്‌നേഹലതയും ശിവനും ആശുപത്രിയുടെ ഇരുണ്ട വന്യതയ്ക്കുള്ളില്‍ ഒഴുക്കി കളഞ്ഞു. അതോടെ സ്‌നേഹലതയെ അനിവാര്യമായ ഒരു ഒഴുക്ക് തളര്‍ത്തിക്കളഞ്ഞു. ശിവന്റെ ബൈക്കിന്റെ വേഗതയില്‍ അവളുടെ മനസ്സെത്താതെയായി. ശരീരം തളരാനും വിറയ്ക്കാനും തുടങ്ങി..
അവള്‍ സ്വയം ഒരു അമ്മയായി പരിണമിക്കുകയായിരുന്നു. അടുത്ത രൂപാനതരീകരണത്തിന്റെ നേരങ്ങളിലെപ്പൊഴോ അവളറിഞ്ഞു പിന്നെയും പൊട്ടി വിരിഞ്ഞ ജീവന്റെ മുളയെ കുറിച്ച്. നശിക്കപ്പെട്ടത്തിന്റെ ശാപമാകാം വളര്‍ച്ചയെത്താതെ പിന്നീടങ്ങോട്ട് സ്‌നേഹലത മാതൃത്വത്തെ ആശിച്ചു കൊണ്ടേയിരുന്നു. പിറവിയെടുക്കുന്നവ ഒരു ചോരക്കറയവശേഷിപ്പിച്ച് മാഞ്ഞുകൊണ്ടുമിരുന്നു.

മടുപ്പിന്റെ വല്ലാത്ത നേരത്താണ്, അവര്‍ ശിവനും സ്‌നേഹലതയും മായാപുരത്തിന്റെ നിഗൂഡതയിലേയ്ക്ക് കാലുകുത്തുന്നത്. ജീവിതത്തിലെ മറ്റൊരു രൂപാന്തരീകരണം. നിറയെ മരങ്ങളും പരുത്തിച്ചെടിയും വിളവുമുള്ള ഗ്രാമത്തില്‍ തങ്ങളാഗ്രഹിക്കുന്ന ജൈവവിത്ത് മുളയ്ക്കുമെന്ന് സ്‌നേഹലതയ്ക്കുള്ളിലിരുന്ന് ആരോ പറഞ്ഞു. അതു സത്യവുമായി. നശിക്കപ്പെട്ട സംസ്‌കാരത്തിന്റെ ഉറവിടങ്ങളില്‍ നിന്ന് പുതിയൊരു ആത്മാവിനേയും ഉദരത്തില്‍ പേറി അവള്‍ മായാപുരത്തുകാരിയായി. കളങ്കമില്ലാത്ത മായാപുരത്തുകാരെ നവീകരണത്തിന്റെ ആശയങ്ങളില്‍ വിട്ടു കൊടുക്കാതെ ഉദ്യോഗസ്ഥനായ ശിവന്‍ ജോലി വിട്ടൊഴിയുന്നിടത്ത് അവസാനിക്കുന്നു കമ്പോളവത്കരിക്കപ്പെട്ട ഒരു മനസ്സിന്റെ അന്ത്യം. അവര്‍ മായാപുരത്തുകാരായി മാറിയിക്കുന്ന നേരത്താണ്, അടുത്ത രൂപാന്തരീകരണം. പഴയ സോഷ്യലിസത്തിന്റെ മണിമുത്തുകള്‍ ഉള്ളിലെ ജൈവ വിത്തിനൊപ്പം വളര്‍ത്താന്‍ സ്‌നേഹലതയ്ക്ക് കഴിയും. സ്‌നേഹം മാത്രം നിറഞ്ഞ വിശാല ഹൃദയമുള്ള മായാപുരത്തുകാരുടെ ഭൈരവ മൂര്‍ത്തിയെ അവള്‍ ആവാഹിച്ചു കഴിഞ്ഞു. മായാപുരത്തിന്റെ എന്നത്തേയും സത്യമായ മായാമരം സ്‌നേഹലതയുടെ മുന്നില്‍ പന്തലിച്ചു നിന്നു. നിറയെ അവളുടെ ആഗ്രഹം പോലെ കുഞ്ഞുങ്ങള്‍ തൂങ്ങിയാടുന്ന ഒറ്റമരം.

മായാപുരാണം ഒരു സഞ്ചാരമാണ്. വ്യത്യസ്തമായ അവസ്ഥകളിലൂടെ കടന്നു പോകുന്ന ഒരു പെണ്ണിന്റെ അവളുടെ പ്രിയപ്പെട്ടവന്റെ കഥയാണ്. സമകാലീനലോകത്തിന്റെ വേഗതയുടേയും കമ്പോളവത്കരണത്തിന്റേയും തീരങ്ങളിലൂടെ അവര്‍ ഒരിക്കല്‍ യാത്ര ചെയ്തിരുന്നു. പിന്നീടെപ്പോഴോ വൈകി കയറിയ ഒരു ബോദ്ധ്യം , ഒരു മടക്ക യാത്ര മായാപുരത്തിന്റെ കൃഷിയിടങ്ങളിലേയ്ക്ക് നിഷകളങ്കനായ മായാപുരത്തുകാരന്നായി ശിവന്‍ പരിണമിക്കുമ്പോള്‍ മാതൃത്വത്തിന്റെ തുടിപ്പിനെ ആ നിഷ്‌കളങ്കതയോട് ചേര്‍ത്തു വച്ച് സ്‌നേഹലത ആ മായാ ലോകത്തിന്റെ കുടുംബിനിയായി.
മാജിക്കല്‍ റിയലിസത്തിന്റെ അനുഭവതലത്തിലൂടെഉള്ള സഞ്ചാരത്തില്‍ സ്‌നേഹലതയും ശിവനും വായനക്കാരന്റെ ബോധ തലത്തിലല്ല, അതും കടന്ന് അതീന്ദ്രിയ തലത്തിലേയ്ക്ക് ഇറങ്ങി ചെല്ലുന്നു. ചില ഓര്‍മ്മപ്പെടുത്തലുകളുമായി.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

അമേരിക്കന്‍ അതിഭദ്രാസന ആസ്ഥാന മന്ദിര കൂദാശാ ചടങ്ങിന്റെ ഒരുക്കങ്ങള്‍ പൂര്‍ത്തിയായി

ഫൊക്കാന ന്യൂജേഴ്‌സി റീജിയണല്‍ മീറ്റിംഗ് പ്രസിഡന്റ് ജോര്‍ജി വര്‍ഗീസ് ഉദ്ഘാടനം ചെയ്തു

അലക്‌സാണ്ടർ ജോസഫ് അന്തരിച്ചു

ഇന്ത്യൻ വൈറസ് എന്ന വിശേഷണം; അമേരിക്കയിൽ നാം പേടിക്കേണ്ടതുണ്ടോ?

അന്ധർ ബധിരർ മൂകർ: ഒരു ജനതയെ തുറുങ്കിലടയ്ക്കുമ്പോൾ (കബനി ആർ)

ഇന്ത്യക്കാർക്കു   പോലീസ് ക്ലിയറൻസ് സർട്ടിഫിക്കറ്റ് (പിസിസി) ലഭിക്കാൻ   വിഎഫ്എസ് ഗ്ലോബലിലൂടെ അപേക്ഷിക്കണം 

കല മുന്‍ പ്രസിഡന്റ് ഡോ. കുര്യന്‍ മത്തായി അന്തരിച്ചു

ജോസ് വട്ടത്തില്‍ ഹൂസ്റ്റണില്‍ നിര്യാതനായി

ഏഷ്യന്‍, അമേരിക്കന്‍ സ്റ്റഡീസിന് പരിഗണന ലഭിച്ചേക്കും- (ഏബ്രഹാം തോമസ്)

സ്വയം കേന്ദ്രീകൃത തീരുമാനം ദൈവഹിതമാക്കി മാറ്റുന്ന മനോഭാവം അപകടകരം: റവ. അജു അബ്രഹാം

അമേരിക്കയില്‍ ലയണ്‍സ് ഡിസ്ട്രിക്ട് ഗവര്‍ണ്ണറായി മലയാളി ജെയിംസ് വര്‍ഗീസ്

ന്യൂയോര്‍ക്കില്‍ ബുധനാഴ്ച മുതല്‍ മാസ്‌ക് ഉപയോഗത്തിന് സിഡിസി നിയന്ത്രണങ്ങള്‍ മതിയെന്ന് ഗവര്‍ണര്‍

മരണശിക്ഷക്ക് വിധിക്കപ്പെട്ടവര്‍ക്ക് ഇലക്ട്രിക് ചെയര്‍, ഫയറിംഗ് സ്്ക്വാഡ് തിരഞ്ഞെടുക്കാം. ഗവര്‍ണ്ണര്‍ ബില്ലില്‍ ഒപ്പു വെച്ചു

ജോ ബൈഡനും, കമലാ ഹാരിസും ടാക്‌സ് റിട്ടേണ്‍ സമര്‍പ്പിച്ചു.

റെജി പൂവത്തൂര്‍ അന്തരിച്ചു

ആരാകും പ്രതിപക്ഷ നേതാവ്? (ജോസ് കാടാപുറം)

രഹസ്യ റിക്കോർഡിങ് കുറ്റമാക്കണം; മന്ത്രി മുടി വെട്ടണം; അറബി-ഇസ്രായേൽ പ്രശ്‍നം (അമേരിക്കൻ തരികിട-159, മെയ് 17)

ഇസ്രായേൽ -പലസ്തീൻ പ്രശ്നം അവസാനിപ്പിക്കാൻ രക്ഷാസമിതി യോഗം; സൗമ്യയെ അനുസ്മരിച്ചു    

കോശി തോമസിന്റെ തിരഞ്ഞെടുപ്പ് പ്രചാരണത്തിന് സെനറ്റർ കെവിൻ തോമസ് ഉൾപ്പെടെ പ്രമുഖർ രംഗത്ത് 

ജന്മമൊന്നല്ലേയുള്ളൂ.. നമുക്കൊന്ന് മതിയാവോളം മിണ്ടിക്കൂടെ (മായ കൃഷ്ണൻ, രാഗമഥനങ്ങൾ -3)  

കടലിനും കോവിഡിനും നടുവിൽ സെന്റ് ജോർജ്, വ്യാളി വധത്തിനു ട്രിപ്പിൾ ലോക് (കുര്യൻ പാമ്പാടി)

കോവിഡ് 19 പ്രൊട്ടക്ഷന്‍ ഗിയര്‍ നല്‍കി വേള്‍ഡ് മലയാളി കൗണ്‍സില്‍ കെയര്‍ & ഷെയര്‍ പ്രോഗ്രാം

വെള്ളപ്പൊക്കത്തിലേയ്ക്ക് മഴ : മുരളി കൈമൾ

മിലന്‍ കഥാ പുരസ്‌കാരത്തിന് സൃഷ്ടികള്‍ അയക്കാന്‍ സമയ പരിധി മെയ് 31 വരെ നീട്ടി.

നാലു വയസ്സുകാരനെ കൊലപ്പെടുത്തിയ യുവാവ് അറസ്റ്റില്‍

ഇസ്രായേല്‍-പാലസ്ത്യന്‍ സംഘര്‍ഷം ഉടനെ അവസാനിപ്പിക്കണം. യു.എന്‍. സെക്രട്ടറി ജനറല്‍

ഞായറാഴ്ച ടെക്‌സസ്സ് കോവിഡ് മരണ വിമുക്ത ദിനം

ബിജു മാത്യു കോപ്പേല്‍ സിറ്റി കൌണ്‍സില്‍ അംഗമായി സത്യാ പ്രതിജ്ഞ ചെയ്തു:

ജോ ബൈഡന്‍ - ബലഹീനനായ പ്രസിഡന്റ് (ലേഖനം: സാം നിലമ്പള്ളില്‍)

ജനത്തെ അകത്തിരുത്തി നേതാക്കൾ കറങ്ങി നടക്കുന്നു

View More