-->

America

മകള്‍ (കഥ: കൃഷ്‌ണ)

Published

on

കാടിന്‌ നടുവിലെ ഒറ്റയടിപ്പാതയിലൂടെ നടക്കുക ആണ്‌ അവള്‍. രണ്ടുവശത്തും പൂത്തുനിറഞ്ഞുനില്‌ക്കുന്ന ചെടികള്‍ വിവിധവര്‍ണ്ണങ്ങളിലുള്ള പുഷ്‌പങ്ങള്‍ അവളുടെ മേല്‍ വര്‍ഷിക്കുന്നു. അവളുടെ ചുരുണ്ട തലമുടിയിലും പാവാടയുടെ ഞൊറിവുകളിലും ബ്ലൌസിന്മേലും അവ നിറഞ്ഞിരിക്കുന്നു. പക്ഷെ അതൊന്നും അറിയാതെ മുന്നോട്ടു ഗമിക്കുകയാണവള്‍.

ഭാര്യയുടെ ഞരക്കം കേട്ട്‌ അയാള്‍ ഞെട്ടിയുണര്‍ന്നു. അവള്‍ ഏങ്ങലടിച്ചു കരയുകയാണ്‌. അയാള്‍ അവളെ ശരീരത്തോടു ചേര്‍ത്തു പിടിച്ചു തടവിക്കൊണ്ട്‌ പറഞ്ഞു:

`കരയാതെ ദേവീ. ഇനി കരഞ്ഞിട്ടെന്തു കാര്യം? സംഭവിക്കാനുള്ളതു സംഭവിച്ചു.'

ഏങ്ങലടി തുടര്‍ന്നുകൊണ്ടിരുന്നു. അയാള്‍ വീണ്ടും മയക്കത്തിലേക്ക്‌ വഴുതിവീണു.

അയാളുടെ കൈകള്‍ അവളുടെ പുറത്ത്‌ ചിത്രങ്ങള്‍ വരയ്‌ക്കുകയായിരുന്നു. ആംബുലന്‍സിന്റെ നാദം, വാടിക്കരിഞ്ഞ സ്വപ്‌നങ്ങളുടെ ഗന്ധം, കണ്ണുനീരിന്റെ ഉപ്പുരസം, നിലവിളക്കിന്റെ നനഞ്ഞ പ്രകാശം എന്നിവയെല്ലാം ആ ചിത്രങ്ങളില്‍ തെളിഞ്ഞു.

പക്ഷെ അതൊന്നും ഗൗനിക്കാതെ പെണ്‍കുട്ടി മുന്നോട്ടു നടന്നുകൊണ്ടേയിരുന്നു.

പെട്ടെന്ന്‌ നടപ്പാത അവസാനിച്ചു. ഇപ്പോള്‍ അവളുടെ മുന്നില്‍ വന്‍ വൃക്ഷങ്ങളും അവയില്‍ പടര്‍ന്നു പിടിച്ച മുള്‍ച്ചെടികളും മാത്രം.

അവള്‍ നാലുചുറ്റും നോക്കിയിട്ട്‌ കാടിനുള്ളിലെ ആരോടോ പുഞ്ചിരിച്ചു. ആമോദം നിറഞ്ഞുനിന്ന ആ പുഞ്ചിരി അവസാനിച്ചതും അവള്‍ അപ്രത്യക്ഷയായി. ആ പുഞ്ചിരി മാത്രം അവിടെ തങ്ങിനിന്നു.

അയാള്‍ കണ്ണ്‌ തുറന്നു. മുന്നിലെ കാടും പുഞ്ചിരിയും ആ ഇരുട്ടിലൂടെ തന്നേ നോക്കുന്നത്‌ അയാള്‍ കണ്ടു. അയാള്‍ പതുക്കെ ഭാര്യയെ തട്ടിവിളിച്ചു: `ദേവീ.'

പക്ഷെ ദേവി ഉറങ്ങിക്കഴിഞ്ഞിരുന്നു.

പെട്ടെന്ന്‌ കാടിനുള്ളില്‍ പ്രകാശം നിറയുന്നത്‌ അയാള്‍ കണ്ടു. അതിനുള്ളില്‍ ഒരു സൂര്യകാന്തിപ്പൂവ്‌ വിടര്‍ന്നു കാടിന്റെ പുഞ്ചിരി പോലെ.

ഭാര്യയെ ചേര്‍ത്തു പിടിച്ച്‌ അയാള്‍ ഉറങ്ങി.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ലേഖയും ഞാനും വിവാഹിതരായി (കഥ : രമണി അമ്മാൾ )

തേനും ജ്ഞാനിയും (തൊടുപുഴ കെ ശങ്കര്‍ മുംബൈ)

സംഗീതം ( കവിത: ദീപ ബി.നായര്‍(അമ്മു))

അച്ഛൻ (കവിത: ദീപ ബി. നായര്‍ (അമ്മു)

വീഡ് ആൻഡ് ഫീഡ് (കവിത: ജേ സി ജെ)

അച്ഛൻ (കവിത: രാജൻ കിണറ്റിങ്കര)

അച്ഛനെയാണെനിക്കിഷ്ടം (പിതൃദിന കവിത: ഷാജന്‍ ആനിത്തോട്ടം)

മൃദുലഭാവങ്ങള്‍ (ഗദ്യകവിത: ജോണ്‍ വേറ്റം)

പകല്‍കാഴ്ചകളിലെ കാടത്തം (കവിത: അനില്‍ മിത്രാനന്ദപുരം)

പാമ്പും കോണിയും : നിർമ്മല - നോവൽ - 51

ആമോദിനി എന്ന ഞാൻ : പുഷ്പമ്മ ചാണ്ടി (നോവൽ - 1)

ഭിക്ഷ (കവിത: റബീഹ ഷബീർ)

രണ്ട് കവിതകൾ (ഇബ്രാഹിം മൂർക്കനാട്)

സൗഹൃദം (കവിത: രേഷ്മ തലപ്പള്ളി)

കേശവന്‍കുട്ടിയുടെ രാഹുകാലം (കഥ: ഷാജി കോലൊളമ്പ്)

പിതൃസ്മരണകള്‍ (കവിത: ഡോ.. ഈ. എം. പൂമൊട്ടില്‍)

സമീപനങ്ങൾ (ഡോ.എസ്.രമ-കവിത)

അന്തിക്രിസ്തു (കഥ: തമ്പി ആന്റണി)

നീയെന്ന സ്വപ്നം...(കവിത: റോബിൻ കൈതപ്പറമ്പ്)

കവിയുടെ മരണം (കവിത: രാജന്‍ കിണറ്റിങ്കര)

അയമോട്ടിയുടെ പാന്റും മമ്മദിന്റെ മുണ്ടും (ഷബീർ ചെറുകാട്, കഥ)

രണ്ട് കവിതകൾ (എ പി അൻവർ വണ്ടൂർ, ജിദ്ദ)

ഖബറിലെ കത്ത്‌ (സുലൈമാന്‍ പെരുമുക്ക്, കവിത)

പച്ച മനുഷ്യർ (മധു നായർ, കഥ)

കാര്യസ്ഥന്‍ (നോവല്‍ -അധ്യായം -14 കാരൂര്‍ സോമന്‍)

സ്വപ്നകാലം (കവിത: ഡോ. ഉഷാറാണി ശശികുമാർ മാടശ്ശേരി)

ജലസമാധി (കവിത: അശോക് കുമാർ. കെ)

നീലശംഖുപുഷ്പങ്ങൾ (കഥ: സുമിയ ശ്രീലകം)

നരഖം (കഥ: സഫ്‌വാൻ കണ്ണൂർ)

മരണം(കവിത: ദീപ ബി.നായര്‍(അമ്മു))

View More