ഓണമെത്താറുണ്ടെന്നരികിലിന്നും (കവിത: ബിന്ദു ടിജി)
Published on 08 October, 2014
ഏറെയുദാരവുമേറ്റമുദാത്തവുമായൊരാ നന്മയെ
തീരെ ചെറിയ ചതിയാല്‍ മറച്ചതിന്‍
വിഷാദാനന്ദ സ്‌മൃതികളും
ഇത്തിരി പൂവിന്‍ സുഗന്ധവും
നേരിന്‍ ചിരിച്ചന്തവും
കോടിയുടുപ്പിന്റെ ചേലും
മധുരസ്വപ്‌നാലസ്യവും പേറി;
വിശ്വമോഹന ഭംഗികളാകവേ
ഓരിതള്‍ പൂവിന്നുള്ളിലൊതുക്കി
അതിഗൂഢ സുസ്‌മിതം ചൊടികളില്‍ ചാര്‍ത്തി
നില്‌ക്കുമാ തുമ്പ കുറുമ്പി തന്‍
വിവര്‍ണ്ണ സ്വപ്‌നങ്ങളില്‍ നിറക്കാഴ്‌ചയുമേകി;
തളിരിന്‍ മിനുപ്പും
താരത്തിന്‍ തിളക്കവും
മാനത്തിന്‍ മൌനവും
മഴവില്ലിന്നഴകുമൊന്നു ചേര്‍ന്നൊഴുകുന്ന
പ്രേമോക്തിയായി.
ചില്ല കാണാതെ പൂത്ത മരത്തിന്‍ ചുവട്ടിലുമേതോ
സ്‌നേഹാകുലമൊരു മൂകതയെന്‍
ഹൃത്തിനെ നുള്ളിനോവിക്കവേ
ഓണമിങ്ങെത്തുമൊരു നിലാവുപോല്‍
പൊടുന്നനെ തെളിഞ്ഞും.....മങ്ങിയും.
തീരെ ചെറിയ ചതിയാല്‍ മറച്ചതിന്‍
വിഷാദാനന്ദ സ്‌മൃതികളും
ഇത്തിരി പൂവിന്‍ സുഗന്ധവും
നേരിന്‍ ചിരിച്ചന്തവും
കോടിയുടുപ്പിന്റെ ചേലും
മധുരസ്വപ്‌നാലസ്യവും പേറി;
വിശ്വമോഹന ഭംഗികളാകവേ
ഓരിതള്‍ പൂവിന്നുള്ളിലൊതുക്കി
അതിഗൂഢ സുസ്‌മിതം ചൊടികളില്‍ ചാര്‍ത്തി
നില്‌ക്കുമാ തുമ്പ കുറുമ്പി തന്‍
വിവര്‍ണ്ണ സ്വപ്‌നങ്ങളില്‍ നിറക്കാഴ്‌ചയുമേകി;
തളിരിന്‍ മിനുപ്പും
താരത്തിന്‍ തിളക്കവും
മാനത്തിന്‍ മൌനവും
മഴവില്ലിന്നഴകുമൊന്നു ചേര്‍ന്നൊഴുകുന്ന
പ്രേമോക്തിയായി.
ചില്ല കാണാതെ പൂത്ത മരത്തിന്‍ ചുവട്ടിലുമേതോ
സ്‌നേഹാകുലമൊരു മൂകതയെന്‍
ഹൃത്തിനെ നുള്ളിനോവിക്കവേ
ഓണമിങ്ങെത്തുമൊരു നിലാവുപോല്‍
പൊടുന്നനെ തെളിഞ്ഞും.....മങ്ങിയും.
Facebook Comments
Comments
വിദ്യാധരൻ 2014-10-08 19:41:09
നല്ലൊരു കവിത വായിച്ചുള്ളം നിറയുമ്പോൾ
എങ്ങനെ അഭിനന്ദിക്കാതിരിക്കും
'അതിഗൂഡ സ്വപ്നങ്ങൾ ചൊടികളിൽ ' വിരിയിച്ചു
'തുമ്പ കറുമ്പി' കണ്ണ് എറിഞ്ഞിടുമ്പോൾ
അറിയാതെ ഞാനും എൻ അകതാരും പോയല്ലോ
ഓണത്തിൻ ഓർമതൻ പൂക്കളത്തിൽ
vaayanakkaaran 2014-10-08 20:55:12
കവിതയുടെ രസതന്ത്രവും പേറി വല്ലപ്പോഴുമെത്താറുള്ള നല്ല ഒരു സൃഷ്ടി. അഭിനനന്ദനങ്ങൾ!
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala