MediaAppUSA

ഈ ത്വര അവസാനിക്കാത്തിടത്തോളം (കവിത: ത്രേസ്യാമ്മ തോമസ്‌)

Published on 01 May, 2015
ഈ ത്വര അവസാനിക്കാത്തിടത്തോളം (കവിത: ത്രേസ്യാമ്മ തോമസ്‌)
എന്റെ വീടിന്റെ
ചില്ലു ജാലകത്തിലൂടെ.
ഇലകളില്‍ മഞ്ഞു വീഴുന്നതും
ശബ്ദമില്ലാതെ കാറ്റിളകിയാടുന്നതും
കണ്ടുകൊണ്ട്‌....
ഞാന്‍ ചെലവഴിക്കുന്ന
ഇത്തിരി നേരങ്ങളില്‍ ,
ഉള്ളലിവുകളും ഉള്‍വലിവുകളും
ആരോടെന്നില്ലാതെ പറഞ്ഞു തീര്‍ത്തിട്ടുണ്ട്‌.

കാലം കുതിര വേഗത്തില്‍
പായുമ്പോള്‍ എന്റെ ഓര്‍മ്മകളുടെ
കൂടാരത്തിലേക്കു കയറിപ്പറ്റി
അതിന്റെ ആകാംക്ഷകളെ
മുഴുവനുമുള്‍ക്കൊള്ളാനുള്ള ഈ ത്വര
അതവസാനിക്കുന്നിടത്തോളം മാത്രമെ
ഈ ജീവിതവും ഉള്ളൂ
എന്ന ബോധം ...ഒരു കടന്നല്‍ക്കൂട്ടിലെന്നോണം
എന്റ്‌ തലയ്‌ക്കു മീതെ വട്ടമിട്ടു പറക്കുന്നു
ഈ ത്വര അവസാനിക്കാത്തിടത്തോളം (കവിത: ത്രേസ്യാമ്മ തോമസ്‌)
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക