തണുത്തുറഞ്ഞ കടല്‍, കരയുമായി സന്ധിക്കുന്നിടത്താണ് തിമിംഗലങ്ങള്‍ അടിഞ്ഞിരിക്കുന്നത്. ഇവയില്‍ ജീവനുള്ളവയെ സംരക്ഷിക്കുന്നതിനായി പ്രദേശവാസികള്‍ തുണികള്‍ പുതപ്പിക്കുകയും മറ്റും ചെയ്യുന്നുണ്ട്.

നിലവിലെ പാരിസ്ഥിതിക സാഹചര്യങ്ങള്‍, പടിഞ്ഞാറന്‍ തീരത്തെ തിരമാലകള്‍ എന്നിവ തിമിംഗലങ്ങളെ ബാധിക്കുന്നുവെന്ന് സ്റ്റേറ്റ് വൈല്‍ഡ് ലൈഫ് ഓപ്പറേഷന്‍സ് മാനേജര്‍ ബ്രണ്ടന്‍ ക്ലാര്‍ക്ക് പറഞ്ഞു.

സാധാരണയായി രക്ഷാപ്രവര്‍ത്തകര്‍ വെള്ളത്തിലേക്ക് ഊളിയിട്ട് തിമിംഗലങ്ങളെ ആഴക്കടലിലേക്ക് പോകാന്‍ സഹായിക്കുകയാണ് ചെയ്യാറ്. ഇത്തവണ ഒരു അക്വാകള്‍ച്ചര്‍ സ്ഥാപനത്തിന്റെ മെക്കാനിക്കല്‍ സഹായം ഉപയോഗിച്ച്‌ ഒരു പുതിയ സാങ്കേതികവിദ്യപരീക്ഷിക്കുമെന്ന് ഉദ്യോഗസ്ഥര്‍ പറഞ്ഞു.

എന്തുകൊണ്ടാണ് തിമിംഗലങ്ങള്‍ കടല്‍ത്തീരത്ത് എത്തിയത് എന്നതിനെക്കുറിച്ച്‌ കൃത്യമായ വിവരമില്ല. തീരത്തോട് ചേര്‍ന്ന് ഭക്ഷണം ലഭിച്ചതിനാലാകാം അവ ഇവിടേക്കെത്തിയതെന്നാണ് ശാസ്ത്രജ്ഞരുടെ ഊഹം.