Image

ലോകകപ്പ് കൂറ്റന്‍ മാതൃക കൊല്ലപ്പളളിയില്‍

എബി ജെ. ജോസ് Published on 15 November, 2022
ലോകകപ്പ് കൂറ്റന്‍ മാതൃക കൊല്ലപ്പളളിയില്‍

കൊല്ലപ്പള്ളി: ലോകകപ്പ് ഫുട്‌ബോളിന്റെ ആവേശം കടനാട് പഞ്ചായത്തിലും അലയടിക്കുന്നു. ആവേശത്തിലായ ഫുട്‌ബോള്‍ പ്രേമികള്‍ ലോകകപ്പിന്റെ കൂറ്റന്‍ മാതൃക പ്രദര്‍ശിപ്പിച്ചു കൊണ്ടാണ് നാടിനെ ഇളക്കി മറിച്ചത്. നാലടി ഉയരമുള്ള ലോകകപ്പിന്റെ കൂറ്റന്‍ മാതൃകയാണ് ആഘോഷപൂര്‍വ്വം കൊല്ലപ്പള്ളി ടൗണില്‍ പ്രദര്‍ശിപ്പിച്ചത്. വാദ്യമേളങ്ങളും അകമ്പടിയായി ഉണ്ടായിരുന്നു. 

ലോകകപ്പ് കൂറ്റന്‍ മാതൃകയ്‌ക്കൊപ്പം മാണി സി കാപ്പന്‍ എം എല്‍ എ സെല്‍ഫി എടുക്കുന്നു.

ചടങ്ങ് മാണി സി കാപ്പന്‍ എം എല്‍ എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് നിര്‍മ്മല ജിമ്മി,
മെമ്പര്‍ രാജേഷ് വാളിപ്ലാക്കല്‍, ഫിലിപ്പ് കുഴികുളം, കടനാട് ഗ്രാമപഞ്ചായത്ത് പ്രസിഡന്റ് 
ഉഷാ രാജു, മെമ്പര്‍
ജെയിസണ്‍ പുത്തന്‍കണ്ടം,
കുര്യാക്കോസ് ജോസഫ്,
ബേബി കട്ടയ്ക്കല്‍,
തങ്കച്ചന്‍ വഞ്ചിക്കച്ചാലില്‍,
ഇഗ്‌നേഷ്യസ് തയ്യില്‍,
ജെറി ജോസ്,
കെ സി തങ്കച്ചന്‍, ബിനു വള്ളോംപുരയിടം,
സിബി അഴകന്‍പറമ്പില്‍, കെ എസ് സെബാസ്റ്റ്യന്‍ തുടങ്ങിയവര്‍ പ്രസംഗിച്ചു. ചടങ്ങിനിടെ ലോകകപ്പ് മാതൃകയുമായി മാണി സി കാപ്പന്‍ എം എല്‍ എ സെല്‍ എ എടുത്തത് ആളുകള്‍ക്കു കൗതുകമായി. പിന്നീട് ലോകകപ്പിന്റെ മാതൃക ആഘോഷമായി കടനാട് സെന്റ് സെബാസ്റ്റ്യന്‍സ് സ്‌കൂളില്‍ എത്തിച്ചപ്പോള്‍ വിദ്യാര്‍ത്ഥികള്‍ ഉജ്ജ്വല സ്വീകരണം നല്‍കി.

ഫോട്ടോ അടിക്കുറിപ്പ്

ലോകകപ്പിന്റെ കൂറ്റന്‍ മാതൃക പ്രദര്‍ശിപ്പിക്കല്‍ ചടങ്ങ് മാണി സി കാപ്പന്‍ എം എല്‍ എ ഉദ്ഘാടനം ചെയ്യുന്നു.

 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക