പത്തനംതിട്ട: തിരുവല്ല ഓതറ പുതുക്കുളങ്ങര ഭഗവതി ക്ഷേത്രത്തില് പടയണി ഉത്സവത്തിനിടെ മൂന്നുപേര്ക്ക് കുത്തേറ്റു.
ചെങ്ങന്നൂര് വാഴാര്മംഗലം സ്വദേശികളായ എസ്. സഞ്ജു, കാര്ത്തികേയന്, പവിന് എന്നിവര്ക്കാണ് കുത്തേറ്റത്.
ബുധനാഴ്ച രാത്രി പത്തരയോടെ ആയിരുന്നു സംഭവം. പവിന്, സഞ്ജു എന്നിവര്ക്ക് വയറ്റിലും കാര്ത്തികേയന് പുറത്തുമാണ് കുത്തേറ്റത്. മൂന്ന് പേരെയും തിരുവല്ല പുഷ്പഗിരി മെഡിക്കല് കോളജ് ആശുപത്രിയില് പ്രവേശിപ്പിച്ചു.
മണല് കടത്ത് സംഘങ്ങള് തമ്മിലുള്ള തര്ക്കമാണ് കത്തിക്കുത്തില് കലാശിച്ചതെന്നാണ് പ്രാഥമിക നിഗമനം. സംഭവത്തില് തിരുവല്ല പൊലീസ് കേസെടുത്തു.