ന്യൂഡൽഹി; കേന്ദ്ര പബ്ലിക് സർവീസ് കമ്മീഷൻ (യു പി എസ് സി) 2025 സെഷനിലെ സിവിൽ സർവീസസ് പരീക്ഷയുടെ അന്തിമ ഫലം പ്രസിദ്ധീകരിച്ചു. പരീക്ഷയിൽ അനുജ് അഗ്നിഹോത്രി ഒന്നാം റാങ്ക്   കരസ്ഥമാക്കി. രാജേശ്വരി സുവേ എം രണ്ടാം റാങ്കും അഖൻഷ് ദൾ മൂന്നാം റാങ്കും നേടി. മലയാളിയായ ശ്രുതി ആറിന് 18-ാം റാങ്കുണ്ട്. 

ഐ എ എസ്, ഐ എഫ് എസ്, ഐ പി എസ്, മറ്റ് സെൻട്രൽ സർവീസുകൾ എന്നിവയിലേക്കായി ആകെ 958 ഉദ്യോഗാർത്ഥികളെയാണ് ഇത്തവണ നിയമനത്തിനായി ശുപാർശ ചെയ്തിരിക്കുന്നത്. 

യു പി എസ് സിയുടെ ഔദ്യോഗിക വെബ്സൈറ്റായ upsc.gov.in-ൽ ഫലം പി ഡി എഫ് ഫോർമാറ്റിൽ ലഭ്യമാണ്. ഇന്ത്യയിലെ ഉന്നത ഭരണപരവും നയതന്ത്രപരവുമായ തസ്തികകളിലേക്ക് തിരഞ്ഞെടുക്കപ്പെട്ട ഉദ്യോഗാർത്ഥികളുടെ പേരും റോൾ നമ്പറും ഉൾപ്പെടുന്ന മെറിറ്റ് ലിസ്റ്റാണ് കമ്മീഷൻ പുറത്തുവിട്ടിരിക്കുന്നത്.