സുവിശേഷങ്ങളിലെ അബദ്ധങ്ങളും കൃത്രിമങ്ങളും # 4 യേശുവിൻറ്റെ വംശാവലി : പഴയ നിയമം എന്നറിയപ്പെടുന്ന ഹീബ്രു ബൈബിൾ ചരിത്രമാണെന്നു എബ്രായർ / ഇസ്രായേല്യർ കരുതുന്നില്ല. ജൂദായിസത്തിനുമറ്റനേകം മതഗ്രന്ധങ്ങൾ ഉണ്ട്. വളരെ വിപുലമായ മതസാഹിത്യം അവർക്ക് ഉണ്ട്. അതിനാൽ ഇന്നുകാണുന്ന പഴയനിയമത്തിന് അവർ ആധികാരികതയോ പ്രാധാന്യമോ കൊടുക്കുന്നില്ല. ചുരുക്കം ചില നവീകരണ ക്രിസ്തീയ വിഭാഗങ്ങൾ മാത്രമേ പഴയ നിയമത്തെ 'തിരുവെഴുത്തുകൾ' എന്നും അവ ചരിത്രമാണെന്നും കരുതുന്നുള്ളു. കാത്തലിക്, ഓർത്തഡോക്സ് വിഭാഗങ്ങൾ ' സത്യവേദപുസ്തകത്തിനു' {പഴയതിനും പുതിയതിനും} പറയത്തക്ക ആധികാരികത കൊടുക്കുന്നില്ല. സഭയുടെ പാരമ്പര്യത്തിനും ആചാര അനുഷ്ട്ടാങ്ങൾക്കുമാണ് അവ പ്രാധാന്യം കൊടുക്കുന്നത്. ഇസ്രായേലിലെ മറ്റു ഗോത്രക്കാരെയും മറ്റു 'ജാതികളെയും' പരിഹസിക്കുവാൻ പുരോഹിതർ ചമച്ച വ്യജഎഴുത്തുകളാണ് പഴയനിയമം. മറ്റു ഗോത്രങ്ങളെ ഉപേക്ഷിച്ചു യഹൂദ ഗോത്രത്തെമാത്രം സ്വന്തജനമായി തിരഞ്ഞെടുത്ത ഒരു ചെറിയ ഗോത്രദൈവം മാത്രമാണ് പുരോഹിതർ സൃഷ്ട്ടിച്ച യാഹ് ദൈവം. യാഹിന് മൃഗബലിയും, നല്ല പാനീയങ്ങളും, നല്ല വസ്ത്രങ്ങളും വേണമെന്ന് യാഹ് കൽപ്പിക്കുന്നുവെന്നു പുരോഹിത പ്രവാചകർ ആക്രോശിച്ചു. പണിയെടുക്കാതെ ആഡംബര ജീവിതം നയിക്കാൻ അവർ രാജകീയ പുരോഹിതരാണെന്നും അവർ അവകാശപ്പെട്ടു. അത്തരം പൊള്ള അവകാശവും ആഡംബരവും ഇന്നും വിശ്വാസികളെ ചൂഷണംചെയ്തും കബളിപ്പിച്ചും പുരോഹിതർ തുടരുന്നു. മിസ്രെമിൽ നിന്നുള്ള പുറപ്പാട്, ചെങ്കടൽ കുറുകെ കടക്കുന്നത്, 40 വർഷം മരുഭൂമിയിലെ ചുറ്റിക്കറക്കം, അടുത്തുചെന്നാൽ ദഹിപ്പിക്കുന്ന നിയമ പെട്ടകം, യോശുവയുടെ പടയോട്ടം എന്നിവ ചരിത്രമല്ല വെറും കെട്ടുകഥയാണ് എന്ന് ഇന്ന് വെക്തമായി. ദൈവം മെനഞ്ഞു ഉണ്ടാക്കിയ മനുഷ്യൻറ്റെ കഥ വെറും സങ്കൽപ്പമാണ് എന്ന് കാത്തലിക് സഭപോലും അംഗീകരിച്ചു. അതിനാൽ പഴയനിയമത്തെ അടിസ്ഥാനമാക്കി അവയിലെ പ്രവചന നിവിർത്തിയാണ് യേശു എന്ന കഥയും പൊളിഞ്ഞു. ഒരിക്കലും സംഭവിച്ചിട്ടില്ലാത്ത 'ആദിമ/ ആദാമ്യ പാപം' പോക്കുവാൻ യേശുവിനെ വെറുതെ മരത്തിലും തൂക്കി. കഥ അറിയാതെ ആടിയ സുവിശേഷ എഴുത്തുകാർ ഇന്നീക്കാലംവരെ നമ്മെ പലരെയും പറ്റിച്ചു. പുതിയനിയമം എന്നത് റോമൻ എഴുത്തുകാരുടെ രാഷ്ട്രീയ ഗൂഡതന്ത്രം എന്ന് ഇന്ന് അനുമാനിക്കാം. യെരുശലേം പുരോഹിത എഴുത്തുകാരുടെ കള്ള എഴുത്തുകൾ സത്യമെന്നു കരുതി പുതിയനിയമ എഴുത്തുകാർ എഴുതിയ കഥകളും വ്യജമായി ഇന്നും അവശേഷിക്കുന്നു. മത്തായിയുടെ സുവിശേഷത്തിലെ യേശുവിൻറ്റെ വംശാവലി; ചരിത്രം അല്ല, വ്യാജവും കൃത്രിമമവുമാണ്. ''അബ്രാഹാമിൻറ്റെ പുത്രനായ ദാവീദിൻറ്റെ പുത്രനായ യേശുക്രിസ്തുവിൻറ്റെ വംശാവലി'' -മത്തായി 1:1 - ഇത് യേശുവിൻറ്റെ വംശാവലി അല്ല; 'ക്രിസ്തുവിൻറ്റെ' വംശാവലിയാണ്. സുവിശേഷങ്ങളിലെ യേശു; എന്ന് എപ്പോൾ ജനിച്ചു എന്നതുപോലും വെക്തമല്ല. മത്തായിയും ലൂക്കോയും മാത്രമേ യേശുവിൻറ്റെ ജനനകഥ പറയുന്നുള്ളു; അവരണ്ടും വെത്യസ്തമാണ്. യോഹാന്നാനും മർക്കോയും യേശുവിൻറ്റെ ജനനകഥ പറയുന്നുമില്ല. ''യാക്കോബ് മറിയയുടെ ഭർത്താവായ യോസേഫിനെ ജനിപ്പിച്ചു. അവളിൽ നിന്നു ക്രിസ്തു എന്നു പേരുള്ള യേശു ജനിച്ചു''-മത്തായി 1: 16 . യേശു ജനിച്ചപ്പോൾത്തന്നെ ക്രിസ്തു എന്ന് ആരും കണക്കാക്കുന്നില്ല. മൂന്നാം നൂറ്റാണ്ടിലാണ് യേശുവിനെ ക്രിസ്തുവായി കണക്കാക്കാൻ തുടങ്ങിയത്. മത്തായിയുടെ സുവിശേഷം കാലഘട്ടങ്ങളിലൂടെ മാറി മാറി വന്ന രാഷ്ട്രീയ/ വേദചിന്തകൾക്ക് അനുയോജ്യമാംവണ്ണം തിരുത്തി എന്നത് ഇവിടെ വ്യക്തമാകുന്നു. മത്തായി 1: 21 അവൾ ഒരു മകനെ പ്രസവിക്കും; അവൻ തൻറ്റെ ജനത്തെ അവരുടെ പാപങ്ങളിൽ നിന്നു രക്ഷിപ്പാനിരിക്കകൊണ്ടു നീ അവന്നു യേശു എന്നു പേർ ഇടേണം എന്നു പറഞ്ഞു. 22 “കന്യക ഗർഭിണിയായി ഒരു മകനെ പ്രസവിക്കും. അവന്നു ദൈവം നമ്മോടുകൂടെ എന്നർത്ഥമുള്ള ഇമ്മാനൂവേൽ എന്നു പേർ വിളിക്കും”- എന്നാണ് ദൂതൻ യോസഫിനോട് പറയുന്നത്. 'ക്രിസ്തു' എന്ന് വിളിക്കുവാൻ പറയുന്നില്ല എന്ന് മത്തായിതന്നെ പറയുന്നു. യേശുവിനെ ഇമ്മാനുവേൽ എന്നും വിളിക്കുന്നില്ല. ഇ മത്തായിയെ എങ്ങനെ വിശ്വസിക്കും?. യെശയ്യാവ്‌ 7 :14 -ഹീബ്രുവിൽനിന്നും ഗ്രീക്കിലേക് തർജ്ജിമ ചെയ്തപ്പോൾ വന്ന പിശക് ആണ് 'കന്യക' എന്നത്. മൂല ഹീബ്രുവിൽ -യുവതി എന്നാണ്. മത്തായിയുടെ എഴുത്തുകാരൻ തെറ്റായ ഗ്രീക്ക് തർജ്ജിമക്കു പകരം ഹീബ്രുവിലെ യുവതി എന്നത് അറിഞ്ഞിരുന്നുവെങ്കിൽ 'യുവതി -കന്യക' ആകുമായിരുന്നില്ല. തെറ്റായ തർജിമ നിമിത്തം ഉണ്ടായ സുവിശേഷവും വിവിധ വിശ്വവാസവും, 4000ൽ അധികം വിവിധ കൃസ്തീയ വിഭാഗങ്ങളും 3000ൽ അധികം വിത്യസ്ത 'സത്യവേദപുസ്തകങ്ങളും' ഉണ്ടാകുമായിരുന്നില്ല. യോസേഫിനോട് ദൂതൻ സ്വപ്നത്തിൽ പ്രത്യക്ഷപ്പെട്ടു എന്നാണ് മത്തായി പറയുന്നത്.- മത്തായി 1 : 20 ......കർത്താവിൻറ്റെ ദൂതൻ അവന്നു സ്വപ്നത്തിൽ പ്രത്യക്ഷനായി: ദാവീദിൻറ്റെ മകനായ യോസേഫേ, നിൻറ്റെ ഭാര്യയായ മറിയയെ ചേർത്തുകൊൾവാൻ ശങ്കിക്കേണ്ടാ; അവളിൽ ഉല്പാദിതമായതു പരിശുദ്ധാത്മാവിനാൽ ആകുന്നു''. ഭർത്താവുമായി ഇണചേരാതെ ഭാര്യ ഗർഭിണിയായാൽ, സ്വപ്നത്തിൽ ഒരു സങ്കൽപ്പികരൂപിയായ മാലാഖ വന്നു പറഞ്ഞു എന്നതു മതിയോ ഒരു ഭര്ത്താവിന്?. ''ഞാൻ സ്വപ്നം കണ്ടു, സ്വപ്നം കണ്ടു എന്നു പറഞ്ഞു യഹോവയുടെ നാമത്തിൽ ഭോഷ്കു പ്രവചിക്കുന്ന പ്രവാചകന്മാരുടെ വാക്കു ഞാൻ കേട്ടിരിക്കുന്നു -എന്നാണ് യാഹ്- യിരോമ്യാവ് 23:25 ൽ പറയുന്നത്. യോസേഫ് സ്വപ്നംകണ്ടു എന്ന് മത്തായി പറയുന്നതും ഭോഷ്ക്ക് അല്ലേ?. മത്തായിയുടെ എഴുത്തുകാരൻ ആരാണെന്നും അറിയില്ല,അയാൾ യോസേഫിനെ കണ്ടിട്ടുമില്ല. യോസേഫും യേശുവും ഒക്കെ മരിച്ചതിനു എത്രയോ കാലം കഴിഞ്ഞാണ് മത്തായിയുടെ സുവിശേഷം എഴുതപ്പെടുന്നത്. മത്തായിയുടെ എഴുത്തുകാരനും മറ്റു ബൈബിൾ പുസ്തകങ്ങളുടെ എഴുത്തുകാരെപ്പോലെ കള്ളവും സ്വന്തം ഭാവനയും എഴുതിയിരിക്കുന്നു. യോസേഫിനു മാത്രമേ ദാവീദുമായി വംശാവലി പ്രകാരം ബന്ധമുള്ളൂ. യേശു യോസേഫിൻറ്റെ പുത്രൻ അല്ല എങ്കിൽ ഇ വംശാവലിയുമായി യാതൊരു ബന്ധവും ഇല്ല. യേശു ദൈവപുത്രനാണെന്ന് മത്തായി സാക്ഷിക്കുന്നു. ദൈവ പുത്രൻ എങ്ങനെ ദാവീദിൻറ്റെ ഗോത്രക്കാരനാവും?. ദൂതൻ യോസേഫിനോട് പറഞ്ഞ രഹസ്യം എങ്ങനെ മത്തായി അറിഞ്ഞു? ഇത് മത്തായിയുടെ ഭാവന അല്ലേ?. യൂദമതത്തിലെ അത്യുന്നതനു പുത്രൻ ഉണ്ടാകുക എന്നത് യൂദന്യായപ്രമാണപ്രകാരം കല്ലെറിഞ്ഞു കൊല്ലേണ്ട ദൈവ ദൂഷണമാണ്. ദാവീദ് ഉൾപ്പെടുന്ന യഹൂദ്യ ഗോത്രക്കാരുടെ മശിഹ- ദൈവപുത്രൻ അല്ല, രാജാവ് മാത്രമാണ്. 'ദാവീദിൻറ്റെ പുത്രൻ'- ദൈവപുത്രൻ ആണെന്ന് മത്തായി പറയുമ്പോൾ എല്ലാ യഹൂദനും ദൈവപുത്രനാണ് എന്ന് മത്തായി അംഗീകരിക്കുന്നു. ആദിമ യഹൂദ ക്രിസ്തിയാനികളുടെ മശിഹ ദാവീദിൻറ്റെ തുടർച്ചയായി വരുന്ന രാജാവ് ആണ്; ദൈവത്തിൻറ്റെ പുത്രനല്ല -യഹൂദ മശിഹ. മത്തായിയുടെ എഴുത്തുകാരൻ യൂദനോ യൂദമതക്കാരനോ അല്ല എന്ന് വ്യക്തമാകുന്നു. റോമാക്കാർ ആണ് ഇവ എഴുതിയത് എന്ന അനുമാനത്തിനു കൂടുതൽ ശക്തി ലഭിക്കുന്നു. രണ്ടാം നൂറ്റാണ്ടിലാണ് ഇ അജ്ഞാത എഴുത്തുകാരൻറ്റെ സുവിശേഷത്തിന് മത്തായിയുടെ സുവിശേഷം എന്ന് പേര് കൊടുത്തത് . Ebionites -എബിയോണിറ്റ്സ് എന്ന യഹൂദ ക്രിസ്തിയാനികൾ യേശുവിനെ ദാവീദിൻറ്റെ വംശത്തിൽനിന്നും വരുന്ന മശിഹായും യോസേഫിൻറ്റെ പുത്രനുമായി കണക്കാക്കിയിരുന്നു. മറിയയുടെയും യോസേഫിൻറ്റെയും മകനാണ് യേശു എന്നവർ കരുതി. എന്നാൽ ദൈവത്തിൻറ്റെ പുത്രനാണ് യേശു എന്നവർ കരുതിയിരുന്നില്ല. മറിയയുടെയും യോസേഫിൻറ്റെയും മകനാണ് യേശു എന്ന് പഴയ എഴുത്തുകളിലും കാണാം. യേശുവിൻറ്റെ ദൈവത്വം പിന്നീടുള്ള കാലങ്ങളിൽ രൂപാന്തരപ്പെട്ടതാണ്. യേശു ജനിച്ചു, ജീവിച്ചു എന്ന് പറയുന്ന ഒന്നാം നൂറ്റാണ്ടിൽ റോമക്കാരാണ് ഇസ്രായേൽ /യഹൂദ്യ പ്രദേശങ്ങൾ അടക്കി ഭരിച്ചിരുന്നത്. അവിടങ്ങളിലെ ധനികരും കച്ചവടക്കാരും റോമൻ ഭരണത്തെ എതിർത്തില്ല. പാവപ്പെട്ട കൃഷിക്കാരും ഇടയരും, മുക്കുവരും അടിമകളും ഉൾപ്പെട്ട ചെറിയ ഒരു ന്യൂനപക്ഷമാണ് റോമാക്കാരെ എതിർത്തത്. അവരിലെ സീലോട്ടുകൾ- ഇസ്ക്കാരിയോത്കൾ- മാത്രമാണ് റോമൻ ഭരണത്തെ എതിർത്തതും റോമക്കാർക്കെതിരെ പൊരുതിയതും. അവർക്കൊക്കെ അവരുടെ വീക്ഷണത്തിലുള്ള മശിഹ ഉണ്ടായിരുന്നു. ഹെരോദാവിനുമുമ്പ് യഹൂദ്യ ഭരിച്ചിരുന്ന മക്കാബികളുടെ {ഹസ്‌മോണിയൻ രാജവംശം} മശിഹ- രാജകീയ പുരോഹിതനായിരുന്നു. ബി സി ഇ 586ൽ നെബുക്കതിനെസർ നയിച്ച ബാബിലോൺ പട്ടാളം യെരുശലേം ദേവാലയം നശിപ്പിച്ചു. ദേവാലയത്തിലെ പുരോഹിതരെയും ദേവാലയവാസികളെയും തടവുകാരാക്കി ബാബിലോണിലേക്കു കൊണ്ടുപോയി. പുരോഹിതരുടെ ദൈവത്തിനു ഒന്നും ചെയ്യുവാൻ സാധിച്ചില്ല. ദേവാലയത്തിലെ പൊന്നും വെള്ളിയും അടുത്തുചെന്നാൽ ദഹിപ്പിക്കുന്ന പെട്ടകവും ബാബിലോണിയർ കൊണ്ടുപോയി, ആരും ദഹിച്ചില്ല. ബാബിലോണിയരുടെ ദേവാലയത്തിനുവേണ്ട ഇഷ്ടിക ഉണ്ടാക്കുക മറ്റു മൈക്കാട് പണികൾ എന്നിവയിൽ ദേവാലയ വാസികളെ ബാബിലോണിയർ ഉപയോഗിച്ചു. അതിൻറ്റെ അരിശം തീർക്കാനാണ്‌ ബാബേൽ ഗോപുരം പണിതപ്പോൾ, ദൈവം അവരുടെ ഭാഷ കലക്കിക്കളഞ്ഞു എന്ന പരിഹാസം പുരോഹിതർ എഴുതിയത്. ഉൽപ്പത്തി പുസ്തകത്തിലെ ഇ കഥ എഴുതിയത് ബാബിലോണിൽനിന്നും തിരികെയെത്തിയ പുരോഹിതരാണെന്നു ഇത് വ്യക്തമാക്കുന്നു. മോശയാണ് ഇവ എഴുതിയത് എന്ന കള്ളവും പുരോഹിതരാണ് പ്രചരിപ്പിച്ചതു. പുരോഹിതരുടെ ഉദരം നിറക്കാൻ ഇറച്ചി, നല്ല പാനീയങ്ങൾ, വരുമാനത്തിൻറ്റെ 10 ശതമാനം എന്നിവ വേണം എന്ന് അവകാശപ്പെടുന്ന ദൈവവും പുരോഹിതർതന്നെ. സങ്കീർത്തനം 137: ''1 ബാബേൽ നദികളുടെ തീരത്തു ഞങ്ങൾ ഇരുന്നു, സീയോനെ ഓർത്തപ്പോൾ ഞങ്ങൾ കരഞ്ഞു. 2 അതിൻറ്റെ നടുവിലെ അലരി വൃക്ഷങ്ങളിന്മേൽ ഞങ്ങൾ ഞങ്ങളുടെ കിന്നരങ്ങളെ തൂക്കിയിട്ടു. 3 ഞങ്ങളെ ബദ്ധരാക്കിക്കൊണ്ടുപോയവർ: സീയോൻ ഗീതങ്ങളിൽ ഒന്നു ചൊല്ലുവിൻ എന്നു പറഞ്ഞു ഗീതങ്ങളെയും ഞങ്ങളെ പീഡിപ്പിച്ചവർ സന്തോഷത്തെയും ഞങ്ങളോടു ചോദിച്ചു. 4 ഞങ്ങൾ യഹോവയുടെ ഗീതം അന്യദേശത്തു പാടുന്നതെങ്ങനെ?''- എന്നവർ വിലപിച്ചു. അപ്പോൾ സങ്കീർത്തനം എഴുതിയത് ദാവീദോ അതോ യൂപ്രട്ടീസ് നദിതീരത്തു ചെളി കുഴച്ചു ഇഷ്ടിക ഉണ്ടാക്കിയ യെരുശലേം പുരോഹിതരോ?. ബാബിലോൺ എന്നാൽ സ്വർഗ്ഗകവാടം എന്നാണ്. ബാബിലോണിയരുടെ അത്യുന്നതദൈവം മർഡോക്കിൻറ്റെ ദേവാലയപണി ബിസി ഇ രണ്ടായിരം കാലങ്ങളിൽ തുടങ്ങി. അതിൻറ്റെ അറ്റകുറ്റപണികൾ നിരന്തരം നടത്തിയിരുന്നു. യൂപ്രട്ടീസ് നദിതീര സമീപത്തു പണിതുയർത്തിയ ദേവാലയം നദിയിലെ ചളികുഴച്ച ഇഷ്ട്ടിക കൊണ്ടാണ് നിർമ്മിച്ചത്. അന്നുകാലത്തെ ബാബിലോൺ സാമ്പ്രാജ്യത്തിലെ വിവിധ പ്രദേശങ്ങളിലെ വിവിധ ഭാഷകൾ സംസാരിക്കുന്നവരെ ദേവാലയ നിർമ്മാണത്തിന് ബാബിലോണിയർ ഉപയോഗിച്ചു. പുതിയതായി എത്തിയ യെരുശലേം പുരോഹിതർക്ക് അവരുടെ ഭാഷ മനസ്സിലായില്ല. ബിസിഇ 539ൽ പേർഷ്യക്കാർ സൈറസിൻറ്റെ നേതിർത്തത്തിൽ ബാബിലോൺ ആക്രമിച്ചു കീഴ്‌പ്പെടുത്തി. ബാബിലോണിയരുടെ ദേവാലയം പണിയുവാൻ ഉപയോഗിച്ച വിവിധ ജനങ്ങളെ സൈറസ് തിരികെ അയച്ചു. യേശയ്യാവിൻറ്റെ പുസ്തകത്തിലെ മശിഹ ഇ സൈറസ് ആണ്. അങ്ങനെ യെരുശലേം പുരോഹിതരും തിരികെ യെരുശലേമിലെത്തി. 80-100 വർഷത്തിനുശേഷം തിരികെ എത്തിയ പുരോഹിതരുടെ ന്യൂജെൻ മക്കളെ യെരുശലേം നിവാസികൾ സ്വീകരിച്ചില്ല. കാരണം യെരുശലേമിലെ പുതിയ തലമുറക്ക് ഇവർ അപരിചിതർ ആയിരുന്നു. മാത്രമല്ല 100 വർഷക്കാലമായി ദേവാലയവും ബലിയും ഇല്ലായിരുന്നു. പുരോഹിതർ ഇല്ലായിരുന്ന അ കാലഘട്ടം ഇസ്രയേലിയർക്കു നല്ലകാലവും ആയിരുന്നു. ബാബിലോണിയർ കൊള്ളചെയിതുകൊണ്ടുപോയ പണവും സ്വർണ്ണവും മറ്റും സൈറസ്സ് രാജാവ് ഇവർക്ക് തിരികെ കൊടുത്തു അതിനാൽ ദേവാലയം ഉടൻ പണിയണം, ബലിയർപ്പണം വീണ്ടും തുടങ്ങണം എന്നൊക്കെ പുരോഹിതർ; ദൈവം കൽപ്പിക്കുന്നു എന്നൊക്കെ പ്രവചിക്കുകയും പ്രചരിപ്പിക്കുകയും ചെയ്തു. എന്നാൽ നുജെൻ ഇസ്രായേൽ ജനം അവരുടെ ആക്രോശത്തിനും ഭീഷണിക്കും വഴങ്ങിയില്ല. അവർ അവിടെയുണ്ടായിരുന്ന ഇസ്രായേല്യർ അല്ലാത്ത ഹിത്യർ,അമ്മോന്യർ, മോവാബ്യർ എന്നിങ്ങനെയുള്ള മറ്റ് ജനവിഭാഗങ്ങളുമായി ഇടപഴകി ഇണചേർന്ന് സന്തോഷത്തോടെ ജീവിച്ചു. ഇസ്റായേലിയർ അന്യ ജന സ്ത്രീകളെ വിവാഹം ചെയ്തതുകൊണ്ടാണ് അവർ തിരികെ വരാത്തത് എന്ന് പുരോഹിതർ കരുതി. അതിനാൽ അന്യജാതി ഭാര്യമാരെ ഉപേക്ഷിക്കാൻ പുരോഹിതർ കൽപ്പിച്ചു. അന്യജന ഭാര്യമാരെ ഉപേക്ഷിക്കാൻ വിസമ്മതിച്ച പുരുഷൻമ്മാരെ പുരോഹിതർ പീഡിപ്പിച്ചു. അവരുടെ മുഖരോമം പച്ചക്കു പറിച്ചു. അങ്ങനെ യെരുശലേം പുരോഹിതരെ ഇസ്രായേല്യരും മറ്റു ദേശവാസികളും വെറുത്തു. ജനത്തെ അടിച്ചമർത്തിഭരിക്കാൻ പുരോഹിതർ പണ്ടേ ഉപയോഗിച്ച തന്ത്രമാണ് സ്വജാതി വിവാഹം -{എൻഡോഗാമി} . ബാബിലോണിയർ കൊണ്ടുപോയ പണവും സ്വർണ്ണവും വെള്ളിയും ഒക്കെ സൈറസ്; പുരോഹിതർക്ക് തിരികെ കൊടുത്തു എന്നത് കള്ളമായിരുന്നു. അടുത്തുചെന്നാൽ ദഹിപ്പിച്ചുകളയുന്ന നിയമ പെട്ടകത്തിൻറ്റെ കഥയും അവർ വിഴുങ്ങി. യെരുശലേം ദേവാലയത്തിൽ ഉണ്ടായിരുന്ന നിയമ പെട്ടകം നെബുക്കഥിനേസർ കൊണ്ടുപോയി പക്ഷേ തിരികെ കിട്ടിയോ? ദേവാലയം പണിയുവാൻ നിവിർത്തിയില്ലാതെ അവർ ബലിപീഠം ഉണ്ടാക്കി. എൻറ്റെ ആലയത്തിലേക്ക് തടിച്ച മൃഗങ്ങളും നല്ല പാനീയങ്ങളും കൊണ്ടുവരൂ എന്ന് യഹോവ കൽപ്പിക്കുന്നു എന്ന് അവർ ആക്രോശിക്കുകയും കള്ള പ്രവചനങ്ങൾ നടത്തുകയും ചെയ്തു. എന്നിട്ടും ന്യൂജെൻ ജനം അവരെ ശ്രദ്ധിച്ചില്ല. അപ്പോൾ അവർ വീണ്ടും ഭീഷണി മുഴക്കി, 'യഹോവയുടെ ദിനം കത്തുന്ന തീച്ചൂളപോലെ വരും'- മലാഖി.1:4. പ്രവാചക പുരോഹിതർ പരസ്പ്പരം കള്ള പ്രവാചകർ എന്ന് വിളിച്ചു, അവരുടെ പ്രവചനവും കള്ളമാണ് എന്നവർ പരസ്പ്പരം സാക്ഷിച്ചു. ഇവരുടെ പ്രവചനങ്ങൾ കള്ളവും സംഭവിക്കാത്തവയും ആണ് എന്ന് ചരിത്രവും സാക്ഷിക്കുന്നു. യെരുശലേം പുരോഹിതരെ അനുസരിക്കാത്ത ഇസ്രായേല്യരെ അടിച്ചമർത്തി ഭരിക്കുവാൻ, ഇസ്രായേല്യരുടെയും യഹൂദ്യരുടെയും വേദസാഹിത്യം പുരോഹിതർ കൂട്ടിച്ചേർത്തു, അവർക്കു ആഡംബരത്തിൽ ജീവിക്കാൻ തക്കവണ്ണം അവയിൽ കൂടുതൽ കൂട്ടിച്ചേർത്തു, അവർക്കു ദൂഷ്യം ചെയ്യുന്നവയെ വെട്ടിമാറ്റി പുതിയ വേദസാഹിത്യം ബിസിഇ നാലാംനൂറ്റാണ്ടിൽ പുരോഹിതർ നിർമ്മിച്ചു. ഇതാണ് ഇന്ന് കാണുന്ന പഴയനിയമം. ഇതിനെ പുരോഹിത സാഹിത്യം എന്ന് വിളിക്കാം. യഹൂദരുടെ ബൈബിൾ ചരിത്രമാണെന്ന് ക്രിസ്തിയാനികൾ മാത്രമേ കരുതുന്നുള്ളു. യഹൂദമതം ഇവയെ ചരിത്രമായോ സത്യമായോ അംഗീകരിക്കുന്നില്ല. യിരോമ്യാവിൻറ്റെ നിർദേശപ്രകാരം ബാറുക്കിൻറ്റെ നേതിർത്തത്തിലുള്ള ഒരുകൂട്ടം എഴുത്തുകാരാണ് ഇ സംയോജനം നടത്തിയത്. യിരോമ്യാവിൻറ്റെ പുസ്തകം നോക്കുക. യിരോ. 5: 31 പ്രവാചകന്മാർ വ്യാജമായി പ്രവചിക്കുന്നു; പുരോഹിതന്മാരും അവരോടു ഒരു കയ്യായി നിന്നു അധികാരം നടത്തുന്നു; എൻറ്റെ ജനത്തിന്നോ അതു ഇഷ്ടം ആകുന്നു; എന്നാൽ ഒടുക്കം നിങ്ങൾ എന്തു ചെയ്യും.യിരോ.6: 13 അവരൊക്കെയും ആബാലവൃദ്ധം ദ്രവ്യാഗ്രഹികൾ ആകുന്നു; പ്രവാചകന്മാരും പുരോഹിതന്മാരും ഒരുപോലെ വ്യാജം പ്രവർത്തിക്കുന്നു. 14 സമാധാനം ഇല്ലാതിരിക്കെ, സമാധാനം സമാധാനം എന്നു അവർ പറഞ്ഞു എന്റെ ജനത്തിന്റെ മുറിവിന്നു ലഘുവായി ചികിത്സിക്കുന്നു. 15 മ്ളേച്ഛത പ്രവർത്തിച്ചതുകൊണ്ടു അവർ ലജ്ജിക്കേണ്ടിവരും; അവർ ലജ്ജിക്കയോ നാണം അറികയോ ചെയ്തിട്ടില്ല; അതുകൊണ്ടു വീഴുന്നവരുടെ ഇടയിൽ അവർ വീണുപോകും; ഞാൻ അവരെ സന്ദർശിക്കുന്ന കാലത്തു അവർ ഇടറി വീഴും എന്നു യഹോവയുടെ അരുളപ്പാടു. യിരോ. 8 :8 ഞങ്ങൾ ജ്ഞാനികൾ; യഹോവയുടെ ന്യായപ്രമാണം ഞങ്ങളുടെ പക്കൽ ഉണ്ടു എന്നു നിങ്ങൾ പറയുന്നതു എങ്ങനെ? ശാസ്ത്രിമാരുടെ കള്ളയെഴുത്തുകോൽ അതിനെ വ്യാജമാക്കിത്തീർത്തിരിക്കുന്നു. 8 :10 ......... പ്രവാചകന്മാരും പുരോഹിതന്മാരും ഒരുപോലെ വ്യാജം പ്രവർത്തിക്കുന്നു. 11 സമാധാനം ഇല്ലാതിരിക്കെ സമാധാനം സമാധാനം എന്നു പറഞ്ഞു അവർ .....യിരോ 23: 11 പ്രവാചകനും പുരോഹിതനും ഒരുപോലെ വഷളന്മാരായിരിക്കുന്നു; എൻറ്റെ ആലയത്തിലും ഞാൻ അവരുടെ ദുഷ്ടത കാണ്ടിരിക്കുന്നു എന്നു യഹോവയുടെ അരുളപ്പാടു. 23: 15 അതുകൊണ്ടു സൈന്യങ്ങളുടെ യഹോവ പ്രവാചകന്മാരെക്കുറിച്ചു ഇപ്രകാരം അരുളിച്ചെയ്യുന്നു: ഞാൻ അവരെ കാഞ്ഞിരം തീറ്റി നഞ്ചുവെള്ളം കുടിപ്പിക്കും; യെരൂശലേമിലെ പ്രവാചകന്മാരിൽനിന്നല്ലോ വഷളത്വം ദേശത്തെല്ലാടവും പരന്നിരിക്കുന്നതു. 16 സൈന്യങ്ങളുടെ യഹോവ ഇപ്രകാരം അരുളിച്ചെയ്യുന്നു: നിങ്ങളോടു പ്രവചിക്കുന്ന പ്രവാചകന്മാരുടെ വാക്കു കേൾക്കരുതു; അവർ നിങ്ങളെ വ്യാജം ഉപദേശിക്കുന്നു; യഹോവയുടെ വായിൽനിന്നുള്ളതല്ല സ്വന്തഹൃദയത്തിലെ ദർശനമത്രേ അവർ പ്രവചിക്കുന്നതു. യിരോമ്യാവിലെ അദ്ധ്യായം 36 പ്രകാരം: ''4: അങ്ങനെ യിരെമ്യാവു നേർയ്യാവിന്റെ മകനായ ബാരൂക്കിനെ വിളിച്ചു; യഹോവ യിരെമ്യാവോടു അരുളിച്ചെയ്ത സകലവചനങ്ങളെയും അവൻറ്റെ വാമൊഴിപ്രകാരം ബാരൂൿ ഒരു പുസ്തകച്ചുരുളിൽ എഴുതി''. എന്നാൽ യഹോയാക്കീം രാജാവ് -[36:23] ......രാജാവു എഴുത്തുകാരൻറ്റെ ഒരു കത്തികൊണ്ടു അതു കണ്ടിച്ചു ചുരുൾ മുഴുവനും നെരിപ്പോട്ടിലെ തീയിൽ വെന്തുപോകുംവരെ നെരിപ്പോട്ടിൽ ഇട്ടുകൊണ്ടിരുന്നു''. അതിനുശേഷം വീണ്ടും 36:32 ''യിരോമ്യാവ് മറ്റൊരു ചുരുൾ എടുത്തു മകൻ ബാരൂൿ എന്ന എഴുത്തുകാരൻറ്റെ കയ്യിൽ കൊടുത്തു; അവൻ യെഹൂദാരാജാവായ യെഹോയാക്കീം തീയിൽ ഇട്ടു ചുട്ടുകളഞ്ഞ പുസ്തകത്തിലെ വചനങ്ങളൊക്കെയും യിരെമ്യാവിൻറ്റെ വാമൊഴിപ്രകാരം അതിൽ എഴുതി; അതുപോലെയുള്ള ഏറിയ വചനങ്ങളും ചേർത്തെഴുതുവാൻ സംഗതിവന്നു''. എഴുത്തുകാർ കൂടുതൽ കൂട്ടിച്ചേർത്തു എന്ന് അംഗികരിക്കുന്നു. ഇവയെല്ലാം സത്യമാണെന്നു കരുതിയാണ് പുതിയനിയമ എഴുത്തുകാരും അവരുടെ രീതിയിലുള്ള വ്യജ ചരിത്രം രചിച്ചത്. cont.

എന്നിലെ അൽമാവ്, എന്നിലെ ഞാൻ ആയ ഞാൻ, ഞാൻ ദൈവമാകുന്നു, ഞാനും നീയും ദൈവമാകുന്നു എന്നൊക്കെ തോന്നുന്നത് തലച്ചോറിലെ നുറോൺസിലെ രാസമാറ്റങ്ങളും ബയോ ഇലക്ട്രിസിറ്റിയും നിമിത്തമാണ്. അവയുടെ പ്രവർത്തനം നിൽക്കുമ്പോൾ -ഹേ! മനുഷ! നീയും മറ്റുള്ളവയെപ്പോലെ മണ്ണിലേക്ക് തിരികെ ചേരുന്നു. നിൻറ്റെ സ്വർഗ്ഗവും ദൈവവും മതവും ബന്ധങ്ങളും അവിടെ എന്നേക്കുമായി അവസാനിക്കുന്നു. -andrew

Dear Bishop, please use your influence to make peace with Jacobite Church. Please set a good example in front of others that we can discuss and come to a peaceful agreement. That is what God wants. Jesus cautions against getting richer through any means.