നോഹയുടെ പെട്ടകം ചതുരത്തിലല്ല വൃത്തത്തില്‍; പുത്തന്‍ കണ്ടെത്തല്‍

Published on 04 October, 2015
നോഹയുടെ പെട്ടകം ചതുരത്തിലല്ല വൃത്തത്തില്‍; പുത്തന്‍ കണ്ടെത്തല്‍
തിരുവനന്തപുരം: മഹാപ്രളയത്തെ അതിജീവിച്ച നോഹയുടെ പെട്ടകം ബൈബിളില്‍ പറയുന്നതുപോലെ ദീര്‍ഘചുതുരാകൃതിയിലല്ല മറിച്ച്‌, വൃത്താകൃതിയിലാണെന്ന്‌ ലണ്ടനിലെ ബ്രിട്ടീഷ്‌ മ്യൂസിയത്തിലെ പ്രമുഖ പുരാവസ്‌തു ഗവേഷകന്‍ ഇര്‍വിങ്‌ എല്‍. ഫിന്‍കെല്‍. കേരള ചരിത്ര ഗവേഷണ കൗണ്‍സില്‍ സംഘടിപ്പിച്ച ചടങ്ങില്‍ പ്രസംഗിക്കുകയായിരുന്നു അദ്ദേഹം. പുരാതന മൊസപ്പെട്ടോമിയന്‍ കളിമണ്‍ ലിഖിതങ്ങളില്‍ നിന്നാണ്‌ അതുവരെ നോഹയുടെ പെട്ടകത്തെക്കുറിച്ചുണ്ടായിരുന്ന ധാരണകളെ തിരുത്തുന്ന വിവരങ്ങള്‍ ലഭിച്ചത്‌.

വൃക്ഷനാരുകള്‍ ഉപയോഗിച്ച്‌ 3600 മീറ്റര്‍ വൃത്താകൃതിയിലാണ്‌ പേടകം നിര്‍മ്മിച്ചത്‌. മരത്തടികൊണ്ട്‌ അടിത്തട്ട്‌ പണിതു. വെള്ളം അകത്തു കയാറാതിരിക്കാന്‍ പുറത്ത്‌ ടാര്‍ പൂശി. ഓരോ ഇനം ജീവജാലങ്ങളേയും രണ്ടു ജോഡികളെ പേടകത്തില്‍ കയറ്റിയാണ്‌ മഹാപ്രളയത്തെ അതിജീവിച്ചത്‌. തന്റെ ഈ കണ്ടെത്തല്‍ സ്ഥിരീകരിക്കാന്‍ കഴിഞ്ഞവര്‍ഷം കേരളത്തിലെത്തി സമാന പേടകം പണിതെന്നും പുന്നമടക്കായലില്‍ ഇറക്കി വിജയകരമായി പരീക്ഷിച്ചെന്നും അദ്ദേഹം പറഞ്ഞു.

അതേസമയം, കരയെ മുഴുവന്‍ മൂടാന്‍തക്ക ജലം ഭൂമിയില്‍ ലഭ്യമല്ലെന്നതു നോഹയുടെ പെട്ടകത്തെക്കുറിച്ചുള്ള വിശ്വാസത്തെ ചോദ്യം ചെയ്യുന്നതാണെന്ന്‌ ഡോ. ഡി. ബാബു പോള്‍ പറഞ്ഞു. ഓരോ ജനവിഭാഗങ്ങളും അവരുടെ സംസ്‌കാരങ്ങളുടെ അന്ത്യത്തിനു കാരണം പ്രളയമാണെന്നു വിവരിക്കുന്നുണ്ട്‌. ദൈവമുണ്ടെന്നും ദൈവത്തിനു മതമില്ലെന്നും തന്റെ ഇതുവരെയുള്ള ജീവിതത്തില്‍ നിന്നു മനസിലാക്കിയെന്നും ബാബു പോള്‍ പറഞ്ഞു. ഡോ. അച്യുത്‌ എസ്‌. ശങ്കര്‍, പ്രൊഫ. പി.ജെ. ചെറിയാന്‍, ഡോ. പ്രേംകുമാര്‍, എ.എസ്‌ സജിത്ത്‌, ജയ സി. നായര്‍ എന്നിവര്‍ പ്രസംഗിച്ചു. പട്ടണം പുരാവസ്‌തു ഗവേഷണത്തെക്കുറിച്ചുള്ള ഒമ്പതാമത്‌ റിപ്പോര്‍ട്ട്‌ ചടങ്ങില്‍ പ്രകാശനം ചെയ്‌തു.
നോഹയുടെ പെട്ടകം ചതുരത്തിലല്ല വൃത്തത്തില്‍; പുത്തന്‍ കണ്ടെത്തല്‍
ജോണി കുട്ടി 2015-10-05 12:51:31
ദൈവം ഉണ്ടെന്നും ദൈവത്തിനു മതം ഇല്ല എന്നും ശ്രീ ബാബു പോൾ. ഒരു ചോദ്യം അധെഹത്തോട്‌ ബഹുമാനപൂർവ്വം.  ഇപ്പറഞ്ഞത്‌ അങ്ങയുടെ (അങ്ങ് വിശ്വസിക്കുന്ന) മത നേതാക്കളോട് പരസ്യമായി പറയാൻ എന്തെ കഴിയാത്തത് ?
GEORGE V 2015-10-05 12:59:51

ത്രികോണ ആകൃതി എന്ന് പറഞ്ഞില്ലല്ലോ.  സാമ്പിൾ കഴിഞ്ഞ വര്ഷം കേരളത്തിൽ സായിപ്പു ഒരെണ്ണം ഉണ്ടാക്കി പക്ഷെ വെള്ളത്തിൽ ഇറക്കി പരീക്ഷിച്ചു എന്നത് ശുദ്ധ കളവു ആണ്. അതിനു ചോര്ച്ച കണ്ടപ്പോൾ അത് ഉപേക്ഷിച്ചു സായിപ്പു പോയിട്ട് ഇപ്പൊ ആണ് വരുന്നത്. അത് കൊണ്ട് കാര്യമായ മാധ്യമ ശ്രദ്ധ നേടാനും സായിപ്പിന് ആയില്ല.

 

ബൈബിൾ കേട്ടു കഥ ആയിരിക്കാം എന്ന് തോന്നിപ്പിക്കുന്ന ഏറ്റവും വലിയ ഉദാഹരണം ആണ് ഈ ജലപ്രളയവും നോഹയുടെ പെട്ടകവും. കോടാനുകോടി വര്ഷം പഴക്കമുള്ള ഭൂമി 6000 വര്ഷം മുൻപ് ഉണ്ടായതാണ് എന്ന് വിശ്വസിക്കുന്ന ജനത്തോടു ഇതിലും അപ്പുറം പറഞ്ഞാലും വിശ്വസിക്കും.
Dr. Know 2015-10-05 17:28:23
ദൈവം ഉണ്ടോ ഇല്ല്യോ അതൊന്നും അദ്ദേഹത്തിനു പ്രശ്നം അല്ല.  അദ്ദേഹത്തിൻറെ തൊഴിലിനു മോടിപിടിപ്പിക്കാൻ കിട്ടിയ  അവാർഡുകൾ ഒന്നും വിട്ടില്ല. അദ്ദേഹത്തിനു ക്രിസ്ത്യൻ സമൂഹവും ഹിന്ദു സമൂഹവും  നല്കിയ കൈക്കൂലിയാണ് അവാർഡുകൾ.  അമേരിക്കയിലെ ലോബീയിംഗ് ഗ്രൂപ്പ് പോലെ 

Babu Paul received numerous awards for his Bible dictionary, ' Veda Shabda Ratnakaram. The following are them: Honorary Doctorate from Damascus St. Efraim University; Gundert Award presented by International School of Dravidian Languages for the best dictionary in Dravidian language; Guruvayoor Nair Samajam Award; Alexander Marthoma Award; N V Sahitya Puraskaram; Samskara Deepam Award by Indian Institution of Christian Studies, and a fellowship conferred by the same; Christian Literary Award
Vayanakkaran 2015-10-05 20:27:59
Now a days, his way of writing, his subjects, his description is very irrevelent, out dated., make no sense for many. So I skipp reading his stuff, for me it is just chavar and waste of my time. Once up on a time he was great. Now he is pallukonja Simham. He has to take rest. His speech also boring to me. But some people carry him their shoulders.

feathers fly 2015-10-06 08:32:23
പെട്ടകത്തിൽ ...അനേകായിരം ശീതീകരിച്ച അറകളിൽ ഓരോ ജന്തുക്കളുടെയും DNA സാമ്പിൾസ്  സൂക്ഷിച്ചിരുന്നു .. അത് പ്രളയത്തിനു ശേഷം recreate  ചെയ്യുകയായിരുന്നു.. അതുപോലെ പ്രളയവും മറ്റെന്തോ ആയിരുന്നിരിക്കണം ...ഇതൊക്കെ അന്ന് നമ്മുടെ പിതാമഹന്മാരുടെ  സാമാന്യബുദ്ധിക്കു മനസിലാകുന്നതിലും അധികമായിരുന്നു..അതുകൊണ്ട് അവർ  .. അവർക്ക്  അറിയാവുന്ന രീതിയിൽ ഏഴുതി വച്ചു..
arayar 2016-02-13 09:14:54
പ്രളയത്തില്‍ നിന്നും രക്ഷ നേടാന്‍ ദ്രാവിഡ പ്രവശ്യയില്‍ നിന്നും വടക്കോട്ട്‌ സമുദ്ര മാര്‍ഗം സഞ്ചരിച്ചത് മനു മഹാ രാജാ ആയിരുന്നു. ഈ മനുവാണ് നോഹ എന്ന് പില്‍ക്കാലത്ത്‌ രചിക്കപ്പെട്ട ബൈബിളിലും, ഖുറാനിലും പരാമര്‍ശിക്കപ്പെട്ടത്. മനുമഹാ = നോഹ.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക