മാര്‍ത്തോമ്മാ സഭയുടെ നോര്‍ത്ത് അമേരിക്കന്‍ ഭദ്രാസന ഫാമിലി കോണ്‍ഫറന്‍സ് കമ്മിറ്റിയില്‍ നിന്നുള്ള ഓരോ  സംഘങ്ങള്‍ ഫെബ്രുവരി 16, 23  മാര്‍ച്ച് 2 എന്നീ തീയതികളില്‍ ന്യൂ ജേര്‍സിയിലുള്ള സെന്റ്. സ്റ്റീഫന്‍സ്, റെഡീമര്‍, സെന്റ്. പീറ്റേഴ്സ്, സീയോണ്‍ മുതലായ ഇടവകകള്‍  സന്ദര്‍ശിച്ചു. ഇടവക വികാരിമാരായ റവ. അരുണ്‍ എസ്സ്. വര്‍ഗീസ്, റവ. ജെസ്സ് എം. ജോര്‍ജ്, റവ. ടി.എസ്സ്. ജോണ്‍, എന്നിവര്‍ സന്ദര്‍ശകരെ അതാതു ഇടവകകളിലേക്കു സ്വാഗതം ചെയ്തു.

കോണ്‍ഫ്രന്‍സിന്റെ  സ്ഥലം, തീയതി, പ്രസംഗകര്‍, കോണ്‍ഫ്രന്‍സ് തീം, സുവനീറിന്റെ വിശദാംശങ്ങള്‍, ആദ്യമായി ഉള്‍പ്പെടുത്തിയിട്ടുള്ള സ്‌പോണ്‍സര്‍ഷിപ്പ് പാക്കേജ്  അതിലെ ആകര്‍ഷണീയമായ അവസരങ്ങള്‍, ഫാമിലി കോണ്‍ഫ്രന്‍സില്‍ ഇദംപ്രഥമമായി ക്രമീകരിക്കുന്ന ഇംഗ്ലീഷ് ട്രാക്, ഭിന്നശേഷിയുള്ളവര്‍ക്കുള്ള ട്രാക്  എന്നിവയെപ്പറ്റി വിവിധ കണ്‍വീനര്‍മാര്‍ പ്രസ്താവന നടത്തി.

ജൂലൈ മാസം 3 മുതല്‍ 6 വരെ ലോങ്ങ് ഐലന്‍ഡ് മെല്‍വില്‍ മാരിയറ്റ് ഹോട്ടലില്‍ വെച്ച് നടക്കുന്ന കോണ്‍ഫ്രന്‍സിലേക്കു എല്ലാവരെയും സ്വാഗതം  ചെയ്യുകയും ഇടവകകള്‍  നല്‍കിയ  മികച്ച പിന്തുണക്ക് ഇടവക വികാരിമാരോടും ഇടവകാംഗങ്ങളോടും കോണ്‍ഫറന്‍സ് ടീം ഹൃദയംഗമായ  നന്ദി അറിയിച്ചു.

തോമസ് ജേക്കബ് (ഷാജി), ശാമുവേല്‍ കെ. ശാമുവേല്‍,  ചെറിയാന്‍ വര്‍ഗീസ്, ജിജി ടോം, ഡോ.ബെറ്റ്‌സി മാത്യു, തോമസ് ഉമ്മന്‍, ഷേര്‍ളി തോമസ്, ഏബ്രഹാം തരിയത്, ജിഷു ശാമുവേല്‍, ദിലീപ് മാത്യു, തോമസ് ബിജേഷ്, ലിബിന്‍ വര്‍ഗീസ്, ബീനാ ജോണ്‍, റിയാ വര്‍ഗീസ്, മേരിക്കുട്ടി ഏബ്രഹാം, എന്നിവര്‍ സന്ദര്‍ശക ടീമുകളിലുണ്ടായിരുന്നു.