മലയാളത്തിന്റെ  സൂപ്പർസ്റ്റാർ മമ്മൂട്ടി, സഹ സൂപ്പർസ്റ്റാർ മോഹൻലാലിനും സംവിധായകൻ പൃഥ്വിരാജ് സുകുമാരനും നാളെ തീയേറ്ററുകളിൽ എത്തുന്ന ചിത്രമായ 'എൽ2: എമ്പുരാൻ്റെ' മുഴുവൻ അണിയറ പ്രവർത്തകർക്കും ആശംസകൾ നേർന്നു. ഈ ചിത്രം ലോകമെമ്പാടും അതിരുകൾ കടന്ന് മലയാള സിനിമയുടെ ചരിത്ര വിജയമാകട്ടെ  എന്ന് ആശംസിച്ചു.

"എമ്പുരാൻ്റെ മുഴുവൻ അണിയറ പ്രവർത്തകർക്കും ചരിത്രപരമായ വിജയം ആശംസിക്കുന്നു! ഇത് ലോകമെമ്പാടും അതിരുകൾ കടന്ന് മുഴുവൻ മലയാള സിനിമാ വ്യവസായത്തെയും അഭിമാനത്തിലാക്കട്ടെ. പ്രിയപ്പെട്ട ലാലേ, പൃഥ്വി, നിങ്ങൾക്കായി പ്രാർത്ഥിക്കുന്നു."  എന്നാണ്  മലയാള സിനിമ ലോകത്തെ മറ്റൊരു മുൻനിര താരമായ മോഹൻലാലുമായി അടുത്ത ബന്ധം പങ്കിടുന്ന മമ്മൂട്ടി, തൻ്റെ എക്സ് ടൈംലൈനിൽ കുറിച്ചത്.

മലയാള സിനിമയിലെ രണ്ട് സൂപ്പർ താരങ്ങളായ മമ്മൂട്ടിയും മോഹൻലാലും ആഴത്തിലുള്ള സൗഹൃദബന്ധം പങ്കിടുന്നു എന്നത് പരസ്യമായ കാര്യമാണ്. അടുത്തിടെ മമ്മൂട്ടിയുടെ ക്ഷേമത്തിനും രോഗശാന്തിക്കും വേണ്ടി മോഹൻലാൽ ശബരിമലയിൽ പ്രാർത്ഥനകൾ നടത്തിയിരുന്നു എന്ന വാർത്ത പുറത്തുവന്നിരുന്നു. ബുധനാഴ്ച എമ്പുരാൻ ടീമിന് മമ്മൂട്ടി നൽകിയ ആശംസകൾ എമ്പുരാൻ യൂണിറ്റിലെ അംഗങ്ങളുടെ മുഖത്ത് മാത്രമല്ല, ആരാധകരുടെയും സിനിമാ പ്രേമികളുടെയും മുഖത്തും പുഞ്ചിരി വിടർത്താൻ പോന്നതായിരുന്നു.

മമ്മൂട്ടിയുടെ ട്വീറ്റിന് മറുപടിയായി സംവിധായകൻ പൃഥ്വിരാജ് എഴുതി, "മലയാള സിനിമയുടെ പിതൃതുല്യനായ ഒരാളുടെ ആശംസകളേക്കാൾ വിശേഷപ്പെട്ടതായി മറ്റൊന്നുമില്ല! മമ്മൂക്ക, നന്ദി!" മോഹൻലാൽ നായകനായ 'എൽ2: എമ്പുരാൻ' ആന്റണി പെരുമ്പാവൂർ, ലൈക്ക പ്രൊഡക്ഷൻസ്, ശ്രീ ഗോകുലം മൂവീസ് എന്നിവർ ചേർന്നാണ് നിർമ്മിക്കുന്നത്. ചിത്രത്തിൻ്റെ കഥ എഴുതിയിരിക്കുന്നത്  മുരളി ഗോപിയും  സംഗീതം നൽകിയിരിക്കുന്നത്   ദീപക് ദേവുമാണ്. സുജിത്ത് വാസുദേവ് ഛായാഗ്രഹണവും അഖിലേഷ് മോഹൻ എഡിറ്റിംഗും നിർവഹിച്ചിരിക്കുന്നു .

2019-ൽ പുറത്തിറങ്ങിയ പരമ്പരയുടെ ആദ്യ ഭാഗമായ 'ലൂസിഫർ', നടൻ പൃഥ്വിരാജ് സുകുമാരൻ്റെ സംവിധാന രംഗത്തെ  അരങ്ങേറ്റം കൂടിയായിരുന്നു, എട്ട് ദിവസത്തിനുള്ളിൽ ഒരു ബ്ലോക്ക്ബസ്റ്ററായി മാറി. 200 കോടി രൂപയിലധികം കളക്ഷൻ നേടി, എക്കാലത്തെയും ഉയർന്ന ഗ്രോസ് നേടിയ മലയാള സിനിമയായി അത് മാറി.

ഈ വർഷം മാർച്ച് 27-ന് തിയേറ്ററുകളിൽ എത്താൻ ഷെഡ്യൂൾ ചെയ്തിരിക്കുന്ന ഈ സിനിമയുടെ രണ്ടാം ഭാഗത്തിൽ നിന്നുള്ള പ്രതീക്ഷകൾ വളരെ വലുതാണ് എന്ന് പ്രത്യേകം പറയേണ്ടതില്ലല്ലോ.

English summery:

Mammootty wished Mohanlal and Prithviraj, saying, "'Empuraan' should transcend boundaries and become a landmark in the history of Malayalam cinema worldwide."