ഏപ്രിൽ 2 മുതൽ പരസ്പര തീരുവ ഏർപ്പെടുത്താൻ ഒരുങ്ങുകയാണ് യുഎസ് . ഇത് വിപണികളെ അസ്വസ്ഥമാക്കിയിട്ടുണ്ട്. കയറ്റുമതി അധിഷ്ഠിത മമേഖലകളെ ബാധിക്കുമോ എന്ന ആശങ്ക വ്യാപരികൾക്കുണ്ട്. എന്നാൽ ഇന്ത്യയ്ക്ക് വലിയ തിരിച്ചടിയുണ്ടാക്കിലെന്നാണ് റിപ്പോർട്ടുകൾ .

സ്റ്റീൽ അലുമിനിയം എന്നിവയിൽ താരിഫുകളിൽ ഇളവുകൾ സൃഷ്ടിക്കാൻ ഉദ്ദേശിക്കുന്നില്ലെന്ന് ഡൊണാൾഡ് ട്രംപ് കഴിഞ്ഞ ദിവസം വ്യക്തമാക്കിയിരുന്നു. തന്റെ വ്യാപാര പ്രവർത്തനങ്ങളിൽ നിന്ന് ഒരു രാജ്യത്തെയും ഒഴിവാക്കില്ലെന്ന് ട്രംപ് ആവർത്തിച്ച് പറഞ്ഞിട്ടുണ്ട്. ‘ഏപ്രിൽ 2 നമ്മുടെ രാജ്യത്തിന് ഒരു വിമോചന ദിനമാണ് . ‘അവർ ഞങ്ങളിൽ നിന്ന് പണം ഈടാക്കുന്നു, നമ്മളും അവരിൽ നിന്ന് പണം ഈടാക്കുന്നു, അതിനു പുറമേ അലുമിനിയം സ്റ്റീലിൽ നിർമ്മിച്ച ഓട്ടോകൾക്ക് ഞങ്ങൾ അധിക താരിഫ് ചുമത്താൻ പോകുന്നു,’ യുഎസ് പ്രസിഡന്റ് കൂട്ടിച്ചേർത്തു.

പരസ്പര താരിഫുകൾ എന്നതുകൊണ്ട് അർത്ഥമാക്കുന്നത് ട്രംപ് ഭരണകൂടം മറ്റ് രാജ്യങ്ങളിൽ കയറ്റുമതി നേരിടുന്ന താരിഫും താരിഫ് ഇതര തടസ്സങ്ങളും ഉൾപ്പെടുത്തി യുഎസിലേക്കുള്ള ഇറക്കുമതിക്ക് താരിഫ് നിരക്കുകൾ ചുമത്തുമെന്നാണ്. ചൈനയ്ക്ക്
20% താരിഫ് നിരക്കും സ്റ്റീൽ, അലുമിനിയം എന്നിവയ്ക്ക് 25% ലെവിയും യുഎസ് ചുമത്തി. വടക്കേ അമേരിക്കൻ വ്യാപാര കരാർ പ്രകാരം വാഹന നിർമ്മാതാക്കൾക്ക് ഒരു മാസത്തെ ഇളവ് നൽകിയതിനെത്തുടർന്ന് മാർച്ച് 6 ന് കനേഡിയൻ, മെക്‌സിക്കൻ ഉൽപ്പന്നങ്ങൾക്ക് 25% തീരുവ താൽക്കാലികമായി നിർത്തിവച്ചു .

ഇന്ത്യയുടെ സ്വതന്ത്ര വ്യാപാര കരാറുകളെയും യുഎസ് താരിഫുകൾ സ്വാധീനിക്കുമെന്ന് ഗവേഷണം പറയുന്നു. ‘സേവനങ്ങൾ, ഡിജിറ്റൽ വ്യാപാരം, സുസ്ഥിര വികസനം തുടങ്ങിയ മേഖലകളെ ലക്ഷ്യമിട്ട് ഇന്ത്യ യുകെ, കാനഡ, യൂറോപ്യൻ യൂണിയൻ എന്നിവയുമായി സ്വതന്ത്ര വ്യാപാര കരാറുകൾ ചർച്ച ചെയ്യുന്നുണ്ട്,’ റിപ്പോർട്ട് പറയുന്നു.

English summery:

U.S. to Impose Reciprocal Tariffs from April 2; Will Trump's Tariff Threat Affect India?