റോം: കത്തോലിക്കാ സഭയുടെ പൗരസ്ത്യ സഭാവിഭാഗങ്ങളുടെ വിശ്വാസപരമായ പൈതൃകത്തിൻ്റെയും ഐക്യത്തിൻ്റെയും മഹത്തായ സാക്ഷ്യമായി, 2025 മെയ് 12 മുതൽ 14 വരെ റോമിൽ ജുബിലി ആഘോഷങ്ങൾ സംഘടിപ്പിക്കപ്പെടുന്നു. കിഴക്കൻ സഭകളുടെ റോമിലെ ഉത്തരവാദിത്വം വഹിക്കുന്ന ഡിക്കാസ്റ്ററി ഫോർ ദ ഈസ്റ്റേൺ ചർച്ചസ് ക്രമീകരിക്കുന്ന ജൂബിലി ആഘോഷങ്ങൾ, വിശുദ്ധ പത്രോസിന്റെ അതിരൂപതയുമായി ചേർന്ന് നടക്കുന്നവയാണ്. ഡിക്കാസ്റ്ററിയുടെ പ്രീഫക്ട്, കിഴക്കൻ സഭകളുടെ എല്ലാ ബിഷപ്പുമാർക്കും, പുരോഹിതന്മാർക്കും, ഡീക്കന്മാർക്കും, മതസന്ന്യാസികൾക്കും വിശ്വാസികൾക്കും ഈ ചരിത്രപരമായ സമ്മേളനത്തിനത്തിൽ പങ്കെടുക്കുവാൻ ക്ഷണം നൽകിയിട്ടുണ്ട്.

മെയ് 13-ന് വിശുദ്ധ പത്രോസിന്റെ ബസിലിക്കയിൽ ഉച്ചക്ക് 1 മണിക്ക്, കാൽദിയൻ സഭയുടെ നേതൃത്വത്തിൽ അദ്ദായി-മാറിയുടെ അനഫോറ ഉപയോഗിച്ച് ദിവ്യബലി അർപ്പിക്കപ്പെടും. ഈ ദിവ്യബലിയിൽ സിറോ-മലബാർ സഭയും അഭിവന്ദ്യ മേജർ ആർച്ച് ബിഷപ്പും മറ്റ് മെത്രാൻമാർ പുരോഹിത വിശ്വാസിഗണങ്ങളും പങ്കാളിയാകുന്നുണ്ട്. അതേ ദിവസം രാവിലെ 10 മണിക്ക് പോപ് ഫ്രാൻസിസുമായി പ്രത്യേക അഭിമുഖദർശനം ഉണ്ടായിരിക്കും. കൂടാതെ, മെയ് 12-ന് എത്യോപ്യൻ റീത്തിൽ ദിവ്യബലി വിശുദ്ധ പത്രോസിന്റെ ബസിലിക്കയിൽ രാവിലെ 8.30-ന് ആരംഭിക്കും. അതിനുശേഷം പരിശുദ്ധ മാതാവിൻ്റെ ബസിലിക്കയിൽ 1 മണിക്ക് അർമേനിയൻ റീത്തിൽ, 3 മണിക്ക് കോപ്റ്റിക് റീത്തിൽ ദിവ്യബലികൾ നടത്തപ്പെടും. മെയ് 13-ന് വൈകിട്ട് 6.45-ന് സിറോ-മലബാർ, മാറോനൈറ്റ്, സിറോ-മലങ്കര സഭകളുടെ നേതൃത്വത്തിൽ സായാഹ്ന പ്രാർത്ഥനയും നടക്കും. മെയ് 14-ന് 2 മണിക്ക്, വിശുദ്ധ പത്രോസിന്റെ ബസിലിക്കയിൽ ബൈസന്റൈൻ റീത്തിൽ ദിവ്യബലി അർപ്പിക്കപ്പെടുന്നതാണ് ജുബിലി ആഘോഷങ്ങളുടെ സമാപന ഘട്ടം.

റോമിലെ ആഘോഷങ്ങളുടെ ഭാഗമായി അമേരിക്കയിലെ ഷിക്കാഗോ സിറോ-മലബാർ രൂപതയിൽ നിന്ന് ബിഷപ്പ് മാർ ജോയ് ആലപ്പാട്ട് നേതൃത്വം നൽകുന്ന ഒരു പ്രത്യേക തീർഥാടന യാത്ര ഇറ്റലിയിലേക്ക് ക്രമീകരിരിക്കുന്നുണ്ട്. ഇമ്മാനുവേൽ ഹോളിഡേയ്സ് എന്ന ഗ്ലോബൽ ടൂറിസം സ്ഥാപനത്തിലൂടെ സംഘടിപ്പിക്കപ്പെടുന്ന തീർഥാടനം 2025 മെയ് 11 മുതൽ 17 വരെ നടക്കുന്നതാണ്. വിശുദ്ധ പത്രോസിന്റെ ബസിലിക്കയിലുളള സിറോ-മലബാർ ദിവ്യബലിയിലും മാർപാപ്പയുമായുള്ള പ്രത്യേക സന്ദർശന പരിപാടിയും പങ്കെടുത്ത് വത്തിക്കാനിലെ നാലു പ്രധാന ബസിലിക്കകളിലേക്കും അസീസിയും പാദുവായും ഉൾപ്പെടുന്ന വിശുദ്ധ സ്ഥലങ്ങളിലേക്കും പ്രസ്തുത തീർത്ഥാടനം നടക്കും.

പങ്കെടുക്കുവാനാഗ്രഹിക്കുന്നവർ www.emmanuelholidays.com എന്ന വെബ്‌സൈറ്റ് സന്ദർശിക്കകവഴിയും +1 (914) 560-4000/914-602-2137 എന്ന നമ്പറിൽ വിളിച്ചോ info@emmanuelholidays.com എന്ന ഇമെയിലിലേക്ക് ബന്ധപ്പെട്ടൊ സീറ്റുകൾ ബുക്ക് ചെയ്യാവുന്നതാണ്. സീറ്റുകൾ പരിമിതമായതിനാൽ പങ്കെടുക്കാൻ ആഗ്രഹിക്കുന്നവർ എത്രയും വേഗം ബുക്കിംഗ് നടപടികൾ  പൂർത്തിയാക്കണമെന്ന് ബന്ധപ്പെട്ടവർ അറിയിച്ചിട്ടുണ്ട്.