ഏഷ്യാനെറ്റ്  ഹൃദയസ്പര്‍ശിയായ പുതിയ കുടുംബകഥയുമായി 'ടീച്ചറമ്മ' എന്ന പരമ്പരയിലൂടെ പ്രേക്ഷകരിലേക്കെത്തുന്നു. ഒരു മികച്ച അധ്യാപികയായെങ്കിലും പരാജയപ്പെട്ട അമ്മയുടെ മനസികവ്യവഹാരങ്ങളിലൂടെ കടന്നുപോകുന്ന കഥയാണ് ഈ സീരിയല്‍ പറയുന്നത്. സ്വന്തം വീട്ടില്‍ ആരും വിലമതിക്കപ്പെടാതെ വിദ്യാര്‍ത്ഥികള്‍ക്കായി സ്വയം സമര്‍പ്പിക്കുന്ന ഒരു സ്ത്രീയുടെ പോരാട്ടങ്ങളെയും ത്യാഗങ്ങളെയും വേദനയുടെയും സംഘര്‍ഷഭരിതമായ മുഹൂര്‍ത്തങ്ങളിലൂടെ  ഈ പരമ്പര വരച്ചു കാട്ടുന്നു.
'ടീച്ചറമ്മ' ഒരു പ്രൈമറി സ്‌കൂള്‍ അധ്യാപികയായ സരസ്വതിയുടെ ജീവിതമാണ് പറയുന്നത്. 50-കളില്‍ പ്രായമെത്തിയ അവള്‍ തന്റെ അധ്യാപകജീവിതത്തില്‍ അതീവ ആദരിക്കപ്പെടുന്ന ഒരാളാണ്, എന്നാല്‍ വീട്ടില്‍ അവള്‍ക്ക് പ്രിയമുള്ളവരുടെ അടുപ്പമോ സ്നേഹമോ ലഭിക്കുന്നില്ല.

സരസ്വതിക്ക് രണ്ടു പുത്രിമാരും ഒരു പുത്രനുമുണ്ട്. എന്നാല്‍ ഇളയമകളായ  വീണ മാത്രമാണ് സരസ്വതിയോടൊപ്പം നില്‍ക്കുന്നത്. . മുതിര്‍ന്ന മകളായ രാധയും മകനായ മഹേഷ് ഉം അമ്മയെ വെറും കെയര്‍ടേക്കറും ,  പാചകക്കാരിയും സഹായിയും എന്ന നിലയിലാണ്  ഉപയോഗിക്കുന്നത്.  പരിഗണനയോ  ബഹുമാനമോ സ്‌നേഹമോ നല്‍കാതെ അവരെ അവരുടെ നേട്ടത്തിനായി ഉപയോഗിക്കുകയും  അവഗണനയോടെ സമീപിക്കുകയും ചെയ്യുന്നു.

സ്വന്തം കുടുംബത്തില്‍ പലവിധ പ്രശ്‌നങ്ങള്‍ നേരിടുന്നുവെങ്കിലും സരസ്വതി ഒരു കരുത്തുറ്റ അധ്യാപികയാണ്. വിദ്യാര്‍ത്ഥികളെ പഠിപ്പിക്കുന്നതിലുപരി, മാതാപിതാക്കളെ അവരുടെ കുട്ടികളുടെ ഭാവിയെ രൂപപ്പെടുത്താന്‍ പ്രചോദിപ്പിക്കുകയും അവരോട് ചര്‍ച്ചകള്‍ നടത്തുകയും ചെയ്യുന്നു. പുസ്തകത്തിനകത്തേക്കാള്‍ വലിയ പാഠങ്ങള്‍ അവളുടെ ക്ലാസുകളില്‍ പഠിപ്പിക്കപ്പെടുന്നു.

ഈ കരുത്തുറ്റ സ്ത്രീയുടെ ആത്മപ്രതിരോധത്തിന്റെ, സ്നേഹത്തിന്റെയും സ്വയംകണ്ടെത്തലിന്റെയും അതിശയകരമായ കഥ,  സരസ്വതി തന്റെ കുടുംബത്തില്‍ ഒരു സ്ഥാനം നേടാന്‍ ശ്രമിക്കുമ്പോഴും അനേകം കുട്ടികളുടെ ഭാവിയെ നിര്‍മിക്കുമ്പോഴും ഉണ്ടാവുന്ന അവിസ്മരണീയ കാഴ്ചകളുമായി 'ടീച്ചറമ്മ' ഏഷ്യാനെറ്റില്‍ ഏപ്രില്‍ 7, 2025 മുതല്‍ തിങ്കള്‍ മുതല്‍ ഞായര്‍ വരെ രാത്രി 8 മണിക്ക്  സംപ്രേക്ഷണം ചെയ്യുന്നു.