ഫിലാഡൽഫിയ: എക്യൂമെനിക്കല്‍ ഫെല്ലോഷിപ്‌ ഓഫ്‌ ഇന്‍ഡ്യന്‍ ചര്‍ച്ചസ്‌ ഇന്‍ പെൻസിൽവാനിയ വനിതാഫോറത്തിന്റെ നേതൃത്വത്തിൽ ഇരുപത്തിയൊന്നാമതു ലോകപ്രാർത്ഥനാദിനം   സെന്റ്  തോമസ് ഇന്‍ഡ്യന്‍ ഓര്‍ത്തഡോക്‌സ് ചര്‍ച്ചില്‍ വച്ച് നടത്തപ്പെട്ടു.

സമൂഹത്തിലെ അശരണരും ആലംബഹീനരുമായ ജനസമൂഹത്തിന്റെ ഉന്നമനത്തിനായിട്ടുള്ള നിരവധി പദ്ധതികള്‍ ആസൂത്രണം ചെയ്ത് പ്രവര്‍ത്തിച്ചു വരുന്ന എക്യൂമെനിക്കല്‍ ഫെലോഷിപ്പിന്റെ വഴിത്താരയിലെ നാഴിക കല്ലുകളിലൊന്നായ ലോക പ്രാര്‍ത്ഥനാദിനത്തിന്റെ ഈ വര്‍ഷത്തെ ചിന്താവിഷയം 
“അവിടുത്തെ സൃഷിടികൾ അത്ഭുതകരമാണ് (സങ്കീർത്തനം 139:14).” കുക്ക് ഐലൻഡിലെ ദുരിതമനുഭവിക്കുന്ന ജനവിഭാഗത്തിനായിട്ടാണ് ഈ വര്‍ഷത്തെ പ്രാര്‍ത്ഥനാദിനം ആചരിച്ചത്. പെൻസിൽവാനിയയിൽ ഉടനീളമുള്ള 22 എപ്പിസ്കോപ്പൽ പള്ളികൾ ഈ വർഷത്തെ ലോക പ്രാത്ഥനാദിനത്തിൽ പങ്കെടുത്തു  

ഘോഷയാത്രയോടു  കൂടി ആരംഭിച്ച ലോക പ്രാത്ഥന ദിനത്തിലേക്ക് ഈ വർഷത്തെ കോ- കോർഡിനേറ്റർസ് ഷാന്റി കുരുവിള, സാറ ഐപ്പ്‌  എന്നിവർ   ഏവരെയും സ്വാഗതം ചെയ്തു. മുഖ്യ അതിഥി, ഷാരോൺ മാത്യുസ്  കൊച്ചമ്മ നിലവിളക്കു കൊളുത്തി. എക്യൂമെനിക്കൽ ചെയര്മാന് റെവ. ഫാദർ അനിൽ കെ തോമസ്, റിലീജിയസ് ആക്ടിവിറ്റി കോഓർഡിനേറ്റർ റെവ. ഫാദർ ജേക്കബ് ജോൺ എന്നിവർ  ആരാധനക്ക് നേതൃത്വം  നൽകി. എക്യൂമിനിക്കൽ കൊയർ കോർഡിൻറ്റർ തോമസ് എബ്രഹാമിന്റെ നേതൃത്വത്തിൽ   വളരെ മനോഹരമായി ഗാനങ്ങൾ അവതരിപ്പിച്ചു.

ആഗാധമായ പാണ്ഡിത്യത്തിലും  ലളിതമായ ഭാഷയിലൂടെ   വചനം പ്രഘോഷിച്ചത് സെയിന്റ്  സ്റ്റീഫൻ'സ് മാർതോമ ചർച്ച ഇടവക വികാരി റെവ. അരുൺ സാമുവേൽ വര്ഗീസ് അച്ചന്റെ പത്‌നി  ഷാരോൺ മാത്യൂസ് കൊച്ചമ്മയാണ്. കുക്ക് ഐലൻഡ് ജനതയെ പ്രതിനിധിയ്ക്കരിച്ചു ഈവർഷത്തെ മോണോലോഗ് വളരെ മനോഹരമായി ലൈവ് ആയി അവതരിപ്പിച്ചത് എമിലിൻ റോസ് തോമസും അനില ജോർജും ചേർന്നാണ്.

കുക്ക് ഐലൻഡ് തീം ഡാൻസിന് കൊറിയോഗ്രാഫ്  ചെയ്തത് ലാസ്യ ഡാൻസ് അക്കാദമി ആശ ആഗസ്റ്റിൻ  ആൻഡ് ടീമിനോടുള്ള പ്രത്യേകമായ നന്ദി ഭാരവാഹികൾ അറിയിക്കുന്നു. അതോടൊപ്പം കുക്ക് ഐലൻഡ് ലിറ്റർജിക്കൽ ഡാൻസ് കൊറിയോഗ്രാഫ്  ചെയ്ത ഭാരതം ഡാൻസ് അക്കാദമി ആൻഡ് ടീമിനോടുള്ള നന്ദിയും രേഖപെടുത്തുന്നു.  മനോഹരമായി ഗാനാലാപനം നടത്തിയ സെയിന്റ് ജൂഡ് സിറോ-മലങ്കര ഇംഗ്ലീഷ് കൊയറിനു സ്നേഹത്തിന്റെ ഭാഷയിൽ നന്ദി അർപിക്കുന്നു.

ഈ വർഷത്തെ എക്യൂമെനിക്കൽ വേൾഡ് ഡേ പ്രയറിനു  ചൂക്കാൻ പിടിച്ചത്   വിമൻസ് ഫോറം കോർഡിൻറ്റർ റിബ ജേക്കബ് ആയിരുന്നു. എംസി ആയിരുന്ന   എക്യൂമിനിക്കൽ പ്രോഗ്രാം  കോർഡിനേറ്റർ മെർലിൻ അഗസ്റ്റിനോടുള്ള നന്ദിയും  അറിയിക്കുന്നു

റെവ. ഫാദർ അനിൽ കെ തോമസ് (ചെയർമാൻ) , റെവ. ഫാദർ ബാബു മഠത്തിപ്പറമ്പിൽ (കോ-ചെയർമാൻ), റെവ.ഫാദർ ജേക്കബ് ജോൺ (റിലീജിയസ് ആക്ടിവിറ്റി കോർഡിൻറ്റർ), സ്വപ്ന സെബാസ്റ്റ്യൻ (സെക്രട്ടറി) , ജെയിൻ കല്ലറക്കൽ ട്രഷറാര്‍), സജു വര്ഗീസ് (ജോയിന്റ് സെക്രട്ടറി) പി ർ ഓ ഡാനിയേൽ തോമസ്, ഷൈല രാജൻ (ജോയിന്റ് ട്രഷറര്‍), റിബ ജേക്കബ് (കോഓർഡിനേറ്റർ , വുമൺസ് ഫോറം) , ഷാന്റി കുരുവിള (കോ കോർഡിൻറ്റർ വുമൺ'സ് ഫോറം), സാറ ഐപ്പ് ( കോ കോർഡിൻറ്റർ വുമൺസ് ഫോറം), സുമ ചാക്കോ, ലിസി തോമസ്, നിര്‍മ്മലാ ഏബ്രഹാം തുടങ്ങിയവരുടെ നേതൃത്വത്തിലുള്ള വിവിധ കമ്മറ്റികളും നിരവധി വൈദീകരുടെയും വനിതാ പ്രതിനിധികളുടെയും സഹകരണവും  ഈ വർഷത്തെ ലോക ലോകപ്രാർത്ഥഥനാദിനം വന്‍വിജയമാക്കിത്തീര്‍ക്കുവാൻ സഹായിച്ചു

വാർത്ത  
ഡാനിയേൽ പി തോമസ് (PRO, EFICP)